06 Iyul 2022 13:18
201
DÜNYA

Jozep Borrel: Avropa İttifaqı Rusiya ilə müharibə etmək istəmir

 

Avropa İttifaqı Rusiya ilə müharibə etmək niyyətində deyil. Moskvanın Ukraynaya qarşı təcavüzünə sanksiyalarla cavab verilir və bunun təsiri daha da artacaq.

AZƏRTAC “Yomiuri” qəzetinə istinadla xəbər verir ki, bunu Avropa İttifaqının xarici işlər və təhlükəsizlik siyasəti üzrə ali nümayəndəsi Jozep Borrel deyib.

“Biz Ukraynada müharibə ilə üzləşdiyimiz zaman niyyətdən hərəkətə keçməyə başladıq və göstərdik ki, Avropa təxribata məruz qalanda cavab verə bilir. Rusiya ilə müharibə etmək istəmirik və cavabımızın əsasında iqtisadi sanksiyalar durur. Onlar artıq təsir göstərməyə başlayıb və bunun nəticələri yaxın aylarda daha da artacaq”, - deyə Jozep Borrel bildirib.

Onun sözlərinə görə, Rusiyaya qarşı tətbiq edilən sanksiyalar onun hərbi-sənaye kompleksinə təsir edir və neft hasilatına mane olur: “Sanksiyalara görə Rusiyanın “İskəndər” və “X-101” kimi idarə olunan dəqiq raketlər istehsal etmək imkanları məhdudlaşıb. Neft hasilatı sahəsində xarici kompaniyalar Rusiyanı tərk edib və qabaqcıl texnologiyaların tətbiqi ilə bağlı çətinliklər yaranıb. Rusiya kompaniyalarının yeni yataqların istismara verilməsi imkanları məhduddur”, - deyə Avropa İttifaqının nümayəndəsi əlavə edib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video