19 Sentyabr 2022 17:49
224
DÜNYA

II Elizabetin vəfatından sonra Şotlandiyada müstəqillik tərəfdarlarının sayı azalıb

 

Kraliça II Elizabetin ölümündən sonra Şotlandiyanın Böyük Britaniyadan ayrılmasını istəyənlərin sayı 42 faizə qədər azalıb, halbuki Boris Consonun baş nazir olduğu dövrdə həmin mövqe üstünlük təşkil edirdi.

AZƏRTAC “The Times” qəzetinə istinadla xəbər verir ki, bu məlumat “Deltapoll” tədqiqat agentliyinin “The Scottish Sun” nəşri üçün keçirdiyi sosioloji rəy sorğusunun nəticələrində yer alıb.

Agentliyin 659 şotlandiyalı seçici arasında keçirdiyi sorğunun nəticələrinə əsasən, respondentlərin 47 faiz Böyük Britaniyanın tərkibində yaşamaq istəyir. Həmçinin rəyi soruşulanların 28 faizi monarxın ölümündən sonra Birləşmiş Krallığın daha sız birləşəcəyinə inanır, 18 faizi bunun əksini düşünür.

“Panelbase” analitika təşkilatının iyun ayında “The Sunday Times” qəzeti üçün keçirdiyi sorğuda isə şotlandiyalıların 48 faizi müstəqilliyin lehinə, 47 faizi əleyhinə olduğunu bildirmişdi.

Bir müddət öncə Şotlandiya hökumətinin rəhbəri Nikola Stercen 2023-cü il oktyabrın 19-da regionun Böyük Britaniyadan ayrılması ilə bağlı yeni referendumun keçirilməsini təklif edib. Bundan əvvəl - 2014-cü ildə baş tutan referendumda şotlandiyalıların 55 faizi Edinburqla London arasında ittifaqın qalmasına səs verib. Buna baxmayaraq, Nikola Stercenin təmsil etdiyi Şotlandiya Milli Partiyası Böyük Britaniyanın Avropa İttifaqını tərk etməsi səbəbindən yeni səsvermənin zəruriliyində israrlıdır. Belə ki, 2016-cı ildə keçirilən referendumda Birləşmiş Krallıq Aİ-dən ayrılmağa səs versə də, şotlandiyalılar Brexit prosesinə qarşı çıxmışdı.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video