Ermənistanda militarizasiya siyasəti həyata keçirilir
Belə olan halda sülh haqqında düşünmək mümkün deyil
"Ermənistan və Azərbaycan arasında sülh müqaviləsinin imzalanması heç vaxt olmadığı qədər yaxın görünürdü. Bunu şərtləndirən amillər var idi: ikitərəfli təmasların intensivliyi, sərhədlərin müəyyənləşdirilməsi ilə bağlı atılmış addımlar. Eyni zamanda COP29-a qədər iki dövlət arasında ən azı çərçivə sazişinin imzalanacağı ilə bağlı proqnozlar verilirdi".
Bu fikirləri "Azərbaycan" qəzetinə siyasi ekspert Elman Nəsirov deyib. O bildirib ki, COP29 tədbiri də sülh prosesinin tərkib hissəsi sayılırdı, çünki konfransın Azərbaycanda keçirilməsi ilə bağlı Ermənistan da loyal münasibət göstərmişdi. Lakin hadisələrin sonrakı gedişatı göstərdi ki, Ermənistan yenə köhnə ampluasındadır. Bu ölkənin müstəqil siyasət yürütmədiyi bir daha təsdiqini tapdı. Bəlkə Paşinyan Azərbaycanla sülh müqaviləsi bağlamaq, hətta tezləşdirmək istəyə bilərdi, amma o, son dərəcə Qərb havadarlarından asılı vəziyyətdədir, xüsusilə də Fransadan. "Fransa Ermənistanı əvvəl müdafiə silahları ilə təchiz edirdisə, indi hücum silahları verir. Hindistan da analoji addımlar atır. Bu ölkə ABŞ və Yunanıstandan da silahlar alır. Bir sözlə, Ermənistanda militarizasiya siyasəti həyata keçirilir. Belə olan halda Ermənistan sülh deyil, müharibə haqqında düşünməyə başlayır", - deyə o əlavə edib.
E.Nəsirov xatırladıb ki, Prezident İlham Əliyev dəfələrlə ən yüksək kürsülərdən Ermənistanla münasibətlərimizə yeni, ağ səhifədən başlamaq niyyətimizi bildirib. Təbii ki, Xocalı soyqırımını, Ermənistanın hərbi cinayətlərini unutmamaq şərtilə. Biz istəyirdik ki, qonşu olaraq münasibətləri yenidən quraq, çünki əbədi düşmənçilik də ola bilməz. Azərbaycan bu istiqamətdə üzərinə düşən bütün addımları atıb, sülh müqaviləsi ilə bağlı 5 baza prinsipini müəyyənləşdirib, hətta sülh sazişinin layihəsini də hazırlayıb. Ancaq bunun qarşılığında Ermənistan tez-tez atəşkəsi pozur, sərhəd bölgələrində hərbi təxribatlara əl atır.
Şərhçinin fikrincə, Ermənistanın addımları sülh prosesinə arxadan vurulan zərbə kimi qiymətləndirilə bilər: "Ermənistan siyasi rəhbərliyi dərk etməlidir ki, Azərbaycanla hərb yolu ilə danışmaq mümkünsüzdür. Azərbaycan qüdrətli dövlətdir. 2020-ci ildə tarixi Zəfərə imza atdıqdan sonra daha da güclənib. Prezident İlham Əliyev müstəqil, milli maraqlara söykənən siyasət həyata keçirir. Heç kim Azərbaycanla təzyiq dili ilə danışa bilməz. Azərbaycan Prezidenti xalqına arxalanır, xalq isə birmənalı şəkildə dövlət başçısını dəstəkləyir. Eyni zamanda Azərbaycanın güclü iqtisadiyyatı, sadiq müttəfiqləri var. Ən başlıcası isə işimiz haqq işidir. Ona görə də Azərbaycan bütün məqsədlərinə çatıb və qarşısına qoyduğu hədəflərə də çatacaq. Ermənistanın yeganə çarəsi Azərbaycanla sülhə gəlməkdir və bunu nə qədər tezləşdirsə, ona bir o qədər yaxşıdır".
Ə.QARDAŞXANOVA,
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Cəzaçəkmə müəssisələrində səsvermə prosesi keçirilir
01 Sentyabr
Füzuli şəhərində seçici fəallığı müşahidə olunur
01 Sentyabr
Paris-2024: Azərbaycan medal sıralamasında 24-cü pilləyə yüksəlib
01 Sentyabr
Banqkok-Vyana reysini yerinə yetirən təyyarə Bakı hava limanına təcili eniş edib
01 Sentyabr
İşğaldan azad olunan Füzuli şəhərində səsvermə prosesi 4 seçki məntəqəsində təşkil edilib ...
01 Sentyabr
Məntəqə sədri: Seçki prosesinin mütəşəkkil və şəffaf keçirilməsi üçün hərtərəfli şərait yaradılıb...
01 Sentyabr
Şəki-Zaqatala bölgəsində Milli Məclisə 8 mandat uğrunda 67 namizəd mübarizə aparır
01 Sentyabr
Şimal bölgəsinin seçiciləri yeddi dairə üzrə 53 namizəd arasında seçim edir
01 Sentyabr
Prezident İlham Əliyev, birinci xanım Mehriban Əliyeva və qızları Leyla Əliyeva səs veriblər YENİLƏN...
01 Sentyabr
Qırğız parlamentari: Seçkilərdə bütün partiyaların fəallığı müşahidə olunur
01 Sentyabr
DİQQƏT ÇƏKƏNLƏR
Azərbaycan-Özbəkistan münasibətləri yeni mərhələdə: Strateji müttəfiqlik iki ölkəni daha da gücləndi...30 Avqust 2024
![](/uploads/img/posts/2024/08/30/17244104092088730123 Копированиеjpg-1724969916.jpg)
Strateji tərəfdaşlıq güclənir, qlobal nüfuz artır 28 Avqust 2024
![](/uploads/img/posts/2024/08/28/manset Копированиеjpg-1724791281.jpg)
Mehriban Əliyeva - Azərbaycan humanizminin simvolu26 Avqust 2024
![](/uploads/img/posts/2024/08/26/17246441985346750166_1200x630jpg-1724646204.jpg)
"Gəl sənə Laçınımı göstərim..."25 Avqust 2024
![](/uploads/img/posts/2024/08/25/16930664043345830467jpg-1724536246.jpg)
"Mehriban xanım ürəyimizdə elə bir saray qurub ki..."24 Avqust 2024
![](/uploads/img/posts/2024/08/24/16930632301761151988jpg-1724463695.jpg)
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!