Əkin sahələrimizin su qıtlığına son qoyulacaq
Qarabağ və Şirvan suvarma kanalları yenidən qurulacaq
Son illər ölkəmizdə uğurla bir sıra içməli su və suvarma suyu layihələri də həyata keçirilib. Qlobal iqlim dəyişmələrinin təsirlərinin artdığı şəraitdə məhdud su ehtiyatlarına malik ölkəmizdə bu istiqamətdə aparılan işlər xüsusi önəm daşıyır və təsadüfi deyil ki, Prezident İlham Əliyev həmin sahənin inkişafını prioritetlərdən biri kimi diqqət mərkəzində saxlayır.
Sovet dövründən qalan köhnə infrastrukturun əsaslı təmir edilməsi, bir sıra böyük su anbarlarının tikilməsi buna aydın misaldır. Məsələn, Taxtakörpü su anbarı suvarma işləri ilə bərabər Bakının içməli su ilə təmin edilməsində də mühüm rol oynayır. Taxtakörpü-Ceyranbatan su kanalının çəkilməsi isə Ceyranbatan su anbarında suyun səviyyəsinin lazımi səviyyədə saxlanmasına şərait yaratdı. Daha sonra Şəmkirçay su anbarı inşa edildi. Beləliklə, ölkəmizin həm şimal, həm də qərb bölgələrində vaxtilə suvarılmayan on minlərlə hektar torpağa su verildi. Bütün bunlar özünü kənd təsərrüfatında məhsuldarlığın artmasında, ölkənin ərzaq təhlükəsizliyində göstərir.
Dövlətimizin başçısı hələ bir neçə il əvvəl demişdir: "Meliorativ tədbirlər hər bir ölkə üçün xüsusi əhəmiyyət daşıyır, xüsusilə su ehtiyatları o qədər də böyük həcmdə olmayan ölkələrdə bunun daha da böyük əhəmiyyəti var. Bir daha demək istəyirəm ki, su anbarlarının, su kanallarının tikintisi infrastruktur layihələr arasında həmişə prioritet yerdə olub və bundan sonra da belə olacaq. Bütün bu işlərlə bərabər biz, əlbəttə ki, suyun səmərəli istifadəsindən də həmişə narahat idik. Bu sahədə əldə edilmiş uğurlar var, eyni zamanda çətinliklər var, çatışmazlıqlar var. Bunlar aradan qaldırılmalıdır. Amma bütövlükdə son illər ərzində kənd təsərrüfatının dayanıqlı inkişafı, o cümlədən su təminatının səmərəliliyi ilə bilavasitə bağlıdır. Biz son illər ərzində vaxtilə suvarılmayan torpaqlara su gətirmişik".
Sözügedən istiqamətdə tədbirlər davamlı xarakter daşıyır. O cümlədən suvarma kanallarının təmiri və yenidən qurulması vacib bir məsələ kimi daim diqqət mərkəzindədir. Elə bu günlərdə Prezident İlham Əliyev Qarabağ suvarma kanalının yenidən qurulması ilə bağlı tədbirlər haqqında sərəncam imzalayıb.
Ölkəmizin ən böyük magistral suvarma kanalı olan Yuxarı Qarabağ kanalının 65-dən çox yaşı var. Elə buradaca qeyd edək ki, yenidən qurulacaq kanal artıq Qarabağ kanalı adlandırılacaq. Bu kanal Qarabağ zonası və ona yaxın ərazilərdə yerləşən 9 rayonun 115 min hektaradək əkin sahəsini suvarma suyu ilə və yaşayış məntəqələrini məişət suyu ilə təmin edir. O eləcə də Araz çayı üzərindəki Bəhrəmtəpə hidroqovşağına əlavə su ötürməklə müvafiq əkin sahələrinin su təminatına dəstək verir. Başqa sözlə, Qarabağ kanalı ölkəmizdə su təminatının mühüm həlqələrindən biridir.
Yüksək su itkilərinin qarşısının alınması, suvarma suyu ilə təminatda yaranan çatışmazlıqların aradan qaldırılması, həmçinin torpaqların meliorativ və ətraf ərazilərin ekoloji vəziyyətinin yaxşılaşdırılması üçün Qarabağ suvarma kanalının yenidən qurulması bir tələbat kimi gündəmə gəlmişdir. Prezidentin sözügedən sərəncamı da məhz bu tələbatın ödənilməsinə yönəldilib.
Yeri gəlmişkən qeyd edək ki, dövlət başçısı bu il aprelin 8-də Şirvan suvarma kanalının yenidən qurulması haqqında da sərəncam imzalamış və dünən kanalın təməlini qoymuşdur. 1958-ci ildə inşa edilən bu infrastruktur artıq Yuxarı Şirvan kanalı deyil, Şirvan kanalı adlanacaq.
Kanalın müasir tələblər səviyyəsində yenidən qurulması və tikintisi mərkəzləşdirilmiş SCADA sistemi yaratmaqla su ehtiyatlarından daha səmərəli istifadəyə və optimal idarəetməyə, yaşayış məntəqələrinin məişət su təminatının yaxşılaşdırılmasına, 230 min hektar torpaq sahəsinin suvarma suyu ilə təmin edilməsinə imkan verəcək. Yəni kanal yenidən qurulandan sonra 110 min hektardan çox mövcud əkin sahələrinin su təminatının yaxşılaşdırılması və 116 min hektar əkinə yararlı torpaqların dövriyyəyə cəlb edilməsi , təqribən 346 milyon kubmetr su itkisinin qarşısının alınması mümkün olacaq. Hacıqabul gölünün, ətraf ərazilərin ekoloji və torpaqların meliorativ vəziyyəti yaxşılaşdırılacaq, yüksək məhsuldarlıq əldə ediləcək və s.
Şirvan suvarma kanalının təməlqoyma mərasimində Prezident İlham Əliyevin dediyi kimi: "Bu layihə bir daha onu göstərir ki, Azərbaycanda həyata keçirilən infrastruktur layihələrinin əsas məqsədi ölkəmizin sürətli inkişafını təmin etmək, insanların rifah halını yaxşılaşdırmaq, xüsusilə bölgələrdə yaşayan insanların məşğulluğu üçün şərait yaratmaqdır. Son illər ərzində əsas infrastruktur layihələri icra edilmişdir. Azərbaycanda həyata keçirilmiş infrastruktur layihələri ölkəmizi tamamilə yeni bir səviyyəyə qaldırmışdır. Elektrik enerjisi, avtomobil yolları, dəmir yolları, su kəmərləri, içməli su layihələri, o cümlədən suvarma ilə bağlı olan layihələr artıq öz səmərəsini göstərir".
Flora SADIQLI,
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Himayədar ailələrə verilən uşaqların sayı 12-yə çatıb
02 May
Özbəkistan Prezidenti Azərbaycan nümayəndə heyətini qəbul edib
02 May
IPC-nin Baş katibi: Azərbaycan zəngin mədəni irsə malikdir
02 May
Panel sessiya: Mərkəzi Asiya və Qafqazda Gənc Sülh Qurucuları Proqramının işə salınması müzakirə olu...
02 May
Səyyah: Bu səfər Azərbaycanın turizm potensialı ilə tanış olmaq baxımından gözəl fürsətdir ...
02 May
“YAŞAT” Fondu tərəfindən müalicə məqsədilə Türkiyəyə göndərilən şəhidin atası Vətənə qayıdıb ...
02 May
Əlcəzair parlamentarisi: “Bakı Prosesi” beynəlxalq təhlükəsizliyə və sülhə böyük töhfələr verir ...
02 May
Tbilisidə Asiya İnkişaf Bankının 57-ci illik toplantısı öz işinə başlayıb
02 May
Bakı Forumunda “Sosial media: mədəniyyətlər və insanlar arasında körpü və ya sədd?” mövzusunda müzak...
02 May
Təmiz ətraf mühit və yaşıl artım prosesində gənclərin iştirakı - konfrans
02 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!