4 Aprel Beynəlxalq Mina Xəbərdarlığı və Mina Təhlükəsinə qarşı Mübarizə Günü münasibətilə “Diplomatic World Sweden” saytı Azərbaycanda mövcud mina təhlükəsinə həsr olunmuş məqalə dərc edib.
AZƏRTAC xəbər verir ki, məqalədə vurğulanır ki, Azərbaycan üçün 4 aprel, sadəcə, təqvimdə bir tarix deyil, həyatlara son qoymağa davam edən və münaqişədən sonrakı bərpa prosesini ləngidən bir təhlükəni daim xatırladan bir gündür.
“Demək olar ki, otuzillik erməni işğalı dövründə Azərbaycanın 13 faizdən çox ərazisi piyada əleyhinə minalar və partlamamış hərbi sursatlarla çirkləndirilib. 2020-ci ildən bəri döyüşlər bitəndən sonra 387 nəfərdən çox mülki şəxs mina partlaması nəticəsində həlak olub və ya ağır xəsarətlər alıb. Ümumilikdə münaqişənin əvvəlindən indiyədək 3400-dən çox insan, o cümlədən yüzlərlə qadın və uşaq minaların qurbanı olub,” – deyə müəllif qeyd edir.
Nəşr vurğulayır ki, minalar təkcə hərbi təhlükə deyil, həm də məcburi köçkünlərin geri qayıtmasına, infrastrukturun bərpasına və ətraf mühitin qorunmasına ciddi maneədir. Mütəxəssislərin qiymətləndirmələrinə görə, Azərbaycan dünyada ən çox minalanmış ölkələrdən biridir, belə ki, ölkə ərazisində hələ də təxminən 1 milyon 500 min mina mövcuddur.
Məqalədə, həmçinin bildirilir ki, Azərbaycan minatəmizləmə işlərinə minlərlə mütəxəssis, xüsusi texnika və minaaxtaran itləri cəlb etməklə ciddi səylər göstərsə də, beynəlxalq dəstək son dərəcə məhduddur və ümumi resursların cəmi 5 faizindən azını təşkil edir.
Bundan başqa qeyd olunur ki, Ermənistan hələ də mina sahələrinin tam və etibarlı xəritələrini təqdim etməkdən imtina edir və bu humanitar əməliyyatların keçirilməsini və 800 000-dən çox məcburi köçkünün geri dönüşünü xeyli çətinləşdirir.
Məqalədə Azərbaycanın beynəlxalq təşəbbüslərdə fəal iştirakına xüsusi diqqət ayrılıb. Belə ki, ölkə konfranslar təşkil edir və humanitar minatəmizləmə işlərinin BMT-nin Dayanıqlı İnkişaf Məqsədləri siyahısına 18-ci məqsəd kimi daxil edilməsini təklif edir.
Müəllif beynəlxalq ictimaiyyəti mənəvi deyil, eyni zamanda maliyyə, texniki və humanitar sahələrdə real dəstək göstərməyə çağırışla yazını tamamlayır. Bu dəstək ərazilərin minalardan təmizlənməsinə və insanların dinc həyata qayıtmasına imkan verəcək.
Qeyd edək ki, “Diplomatic World Sweden” nəşrinin əsas auditoriyası diplomatlar, siyasətçilər və İsveçdə akkreditə olunmuş diplomatik korpusun əməkdaşlarıdır.
Şimşək çaxır, yağış yağır, küləyin sürəti güclənib - FAKTİKİ HAVA
Ağbənd körpüsünün 2026-cı ilin əvvəlində istifadəyə verilməsi planlaşdırılır
Ayın uzaq keçmişdə Yerin bir hissəsi olduğu düşünülür
“AzerGold”un İdarə Heyətinin sədri 4-cü “Yüksəliş” müsabiqəsinin qalibi ilə görüş keçirib
Əslən erməni tarixçi: Qafqaz Albaniyası barədə həqiqətlərin tam araşdırılması ilə erməni kilsəsi haqqında da bir çox həqiqətlər məlum olacaq
Liviya Dövləti Prezident Şurası Sədrinin müavini Musa Al-Kunidən
Fransada jurnalistlər Milli Assambleyadan qovulublar
İstanbulda Rusiya və ABŞ nümayəndə heyətlərinin görüşü keçirilib
Milli Onkologiya Mərkəzinin Baş direktoru akademik Cəmil Əliyev beynəlxalq simpoziumun iştirakçılarını qəbul edib
Baş nazir Əli Əsədov Moldova Baş nazirinin müavini ilə görüşüb
Kopenhagen dünyanın ən xoşbəxt şəhəri elan edilib
Prezident İlham Əliyevin “Yeni dünya nizamına doğru” mövzusunda beynəlxalq forumda çıxışı dünya mediasının diqqət mərkəzində olub
Dmitri Peskov: Rusiya ilə ABŞ arasında İstanbulda keçirilən danışıqlar yalnız ikitərəfli münasibətlərlə bağlıdır
Vatikanda Qafqaz Albaniyası irsinə həsr edilən elmi konfrans işə başlayıb
İndoneziya Respublikasının vitse-prezidenti Gibran Rakabuminq Rakadan Azərbaycan Respublikasının Birinci vitse-prezidenti xanım Mehriban Əliyevaya təbrik
Donald Tramp: Birləşmiş Ştatlar Azərbaycanın suverenliyinin, müstəqilliyinin və ərazi bütövlüyünün sarsılmaz dəstəkçisi olaraq qalır
İndoneziya Respublikasının Prezidenti Prabovo Subiantodan
AŞPA Gürcüstanla bağlı qətnamə qəbul edib
Amerika Birləşmiş Ştatlarının Prezidenti Donald Trampdan
Nikoloz Samxaradze: Azərbaycan Gürcüstanı ən çətin vaxtlarda dəstəkləyib
DİM: Martın 2-də keçirilmiş buraxılış imtahanında 23 nəfər 300 bal toplayıb
Azərbaycan-Almaniya münasibətlərində yeni mərhələ başlayır04 Aprel 2025
SÜLHSEVƏR DÜNYANIN FİKİR ÜNVANI03 Aprel 2025
Yenidən qurulan Ağdamda Böyük qayıdış təntənəsi02 Aprel 2025
Ramazan bayramı münasibətilə Azərbaycan xalqına təbrik28 Mart 2025
Son 5 ilin Novruzu20 Mart 2025
Mediasiyanın effektivliyinin artırılması məqsədilə bir sıra normalar təkmilləşdirilir19 Mart 2025
"Azərbaycan"-ın 1918-1920-ci illərdə dərc olunan nömrələrinin transliterasiyası
| BE | ÇA | Çə | CA | Cü | Şə | Bz |
| 1 | 2 | 3 | 4 | 5 | 6 | |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 |
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!
