28 Avqust 2022 00:58
476
Elm və texnika
A- A+

Balıq kürüsü süfrələrdə

 

Balıq kürüsü uzun illər boyu bahalı, insanların süfrələrindən əskik olmayan bir qida olub. Kürü əsasən dişi nərə balığının kürüsündən hazırlanır. Nərə balıqlarına isə adətən Xəzər və Qara dənizdə, Sakit Okeanın Şimal-Qərb və Şimali Atlantik okeanının bəzi hissələrində rast gəlinir. Amerika və Avropanın böyük göllərində və çaylarında da yayılıb. Nərə duzlu su hövzələrində yaşayan balıq olmasına baxmayaraq, kürüsünü şirin sularda tökür. 
Kürü haqqında ilk məlumatlar yunan alimi Aristotelə aiddir. Eramızdan əvvəl IV əsrdə Aristotel qeydlərində bu ləzzətli qidanı çiçəklər arasında ziyafətlərdə təqdim olunan nərə balığının yumurtaları kimi təsvir edib. 
Orta əsrlərdəki ingilis kralları nərə balıqlarını öz istehlakları üçün qoruyub saxlamağa çalışıblar, hətta onları "kral balığı" kimi adlandıraraq yalnız özlərinə məxsus olduğunu sübut etmək istəyiblər. Ancaq ilk dəfə balıq kürüsünü hazırlayan və dadan farslar olublar. Onlar balıqların tökdüyü yumurtaları çaydan toplayıblar, daha sonra onun duzlanması ənənəsini çinlilərdən götürərək tətbiq ediblər. Çində sazan kürüsü məhz bu şəkildə hazırlanırmış. 
Amerikada isə balıq kürüsü bir zamanlar hər kəs tərəfindən əldə edilə bilən qida olub. Kürü hər yerdə satılıb və olduqca münasib qiymətə təqdim olunub. Burada kürü sənayesi Amerikaya köçmüş alman Henri Şaxt ilə yaranıb. O, ilk dəfə 1873-cü ildə nərə balıqlarının bol olduğu Nyu Cersi ştatında yerləşən Delaver çayında balıqları tutaraq kürü biznesinə başlayıb. H.Şaxt daha sonra Amerika kürüsünü Avropaya bir funt sterlinqə ixrac edərək dünyada ilk kürü istehsalı şirkətinin əsasını qoyub. XIX əsrə qədər ABŞ dünyadakı kürü istehsalının 90 faizini qarşılayıb. 
Əslində, həmin zamanlarda ABŞ-ın kürü istehsalında dominantlıq etməsinə Xəzər dənizində nərə balıqlarının sayının azalması və əsas kürü istehsal edən ölkələrdə - Rusiya və İranda siyasi qarışıqlıqlar səbəb olub. XX əsrdə isə Amerikada yerləşən su hövzələrində nərəkimilərin nəsli kəsilməkdə olduğu üçün ABŞ-ın kürü istehsalı üzərində hökmranlığı əhəmiyyətli dərəcədə azalmağa başlayıb. 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video