20 May 2023 10:10
471
İDMAN
A- A+

Bakıda Bədii Gimnastika üzrə  Avropa Çempionatı davam edir

 

Zöhrə Ağamirova 4 finala vəsiqə qazanıb

 

Bakıda keçirilən Bədii Gimnastika üzrə Avropa Çempionatında milli komandamızın üzvü Zöhrə Ağamirova top və halqa ilə hərəkətləri uğurla icra edərək  hər iki növdə finala vəsiqə qazanıb. 
Azərbaycan Gimnastika Federasiyasından aldığımız məlumata görə, o, halqa ilə hərəkətlərdə 32.150, topla hərəkətlərdə isə 32.550 xal toplayıb və müvafiq olaraq, 6 və 5-ci yerləri tutub.
Yığmamızın digər üzvü İlona Zeynalova halqa ilə hərəkətlərdə hakimlərdən 23.900 xal alaraq 59-cu olub. Gimnast topla hərəkətlərdə isə 27.300 xal toplayıb və yekunda 35-ci yeri tutub. 
Xatırladaq ki, yarışların ilk günündə Azərbaycanın gənclərdən ibarət qrup hərəkətləri komandası (Gövhər İbrahimova, Səkinəxanım İsmayılzadə, Mədinə Aslanova, İlahə Bahadırova, Ayan Sadıqova və Zəhra Cəfərova) 2 bürünc medal qazanıb. Qeyd edək ki, Azərbaycan gimnastika tarixində ilk dəfə olaraq gənc təmsilçilərimiz qitə çempionatında iki çıxış proqramında medal qazanmağa müvəffəq olublar.
Dünən Azərbaycanın iki bədii gimnastı fərdi proqramda növbəti çıxışlarını ediblər.
 Zöhrə Ağamirova ilə İlona Zeynalova təsnifat mərhələsində gürzlər və lentlərlə proqramlarını göstəriblər.
Gürzlərlə hərəkətlərin icrasından sonra hakimlərdən 31.050 xal alan Z. Ağamirova adını finala yazdırıb. Lentlə hərəkətlərdə isə o, 28.900 xal toplayıb. Beləliklə, 4 hərəkətin cəmində 95.750 xal yığan gimnastımız  ümumi sıralamada 5-ci yeri tutaraq, çoxnövçülükdə də finala adlayıb.
"Ulduz kimi parla" şüarı ilə keçirilən qitə çempionatında 38 ölkədən 315 gimnast mübarizə aparır. Fərdi gimnastlar ayrı-ayrı alətlər (top, halqa, gürzlər, lent), komanda hesabı və çoxnövçülük proqramında çıxış edirlər. Qrup hərəkətləri üzrə komandalar böyüklər arasında beş halqa, üç lent və iki top ilə yarışlarda güclərini sınayacaqlar.

Rizvan CƏFƏROV,
"Azərbaycan" 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video