24 May 2023 13:18
574
Elm və texnika
A- A+

Azərbaycanlı alimin məruzələri Sankt-Peterburqda keçirilən beynəlxalq konfransda maraqla qarşılanıb

 

ICOMAM Beynəlxalq Komitəsinin İdarə Heyətinin üzvü (hərbi muzeylər, hərbi tarix və silah kolleksiyaları üzrə), “QƏSR” Mədəni İrsi və Tarixi Abidələrin Qoruyaq” QHT-nin İdarə Heyətinin üzvü və sədrin birinci müavini, tarix üzrə fəlsəfə doktoru (Ph.D.) Pərvin Gözəlov “Müharibə və silahlar. Yeni tədqiqatlar və materiallar” XI Beynəlxalq Elmi-Praktiki Konfransda və Rusiya Federasiyasının Sankt-Peterburq şəhərində 2023-cü il mayın 17-19-da “Mühəndis və rabitə qoşunları Artilleriya Hərbi-Tarix Muzeyi”nin 320 illiyinə həsr olunan konfransda iki elmi məruzə ilə çıxış etmişdir.

Konfransda P.Gözəlovun iştirakı ənənəvi xarakter daşımışdır. 2014-cü ildən alimin Artilleriya Hərbi Tarix Muzeyinin Beynəlxalq Konfranslarında elmi məruzələri dinlənilmişdir.

Konfransın işində iştirak etmək və məruzələrin nəşr olunması ölkələr, təşkilatlar, eləcə də müxtəlif sahələr üzrə mütəxəssislər arasında beynəlxalq mədəni, humanitar və hərbi əməkdaşlıq üçün yüksək potensial yaradır. Qeyd olunmalıdır ki, elmi dövriyyəyə daxil edilən nəşr olunmuş əsərlərin (tədqiqatların) nəticələri və qənaətləri erməni separatçılarının qanunsuz fəaliyyətləri haqqında obyektiv məlumatların və baş verən real hadisələrin yayılması üçün möhkəm zəmindir.

Alimin çap olunmuş əsərlərimdə Ermənistan-Azərbaycan münasibətlərinin münaqişəli vəziyyətləri, həmçinin xarici qüvvələrin xalqlar arasında qarşıdurmanı qızışdırmaq cəhdləri ətrafında anlaşılmazlıq baryeri aradan qaldırmaq üçün konstruktiv və məhsuldar nəticələrin əldə olunması qeyd edilib. Adıçəkilən konfransda Azərbaycan, Suriya, Moskva, Sankt-Peterburq, Vladimir, Tver, Volqoqrad, Novosibirsk, Vladivostok, Xabarovsk, Kursk, Belqorod, Tula, Ufa, İjevsk, Petrozavodsk, Arxangelsk, Pskov, Saratov, Ulyanovsk, Nijni Tagil, Syzran, Gatchina, Ardatov və başqa şəhərlərindən alim və tədqiqatçılar iştirak etmişlər.

Azərbaycanlı alim P.Gözəlov konfransdakı ilk məruzəsində və dərc olunmuş məqaləsində tarix elminə və tarixi fənlərə laqeyd qalmayan dinləyicilərin və oxucuların diqqətinə 1919-1922-ci illərdə inqilab zamanı Azərbaycan, Ukrayna və Başqırd süvari alayının nadir bayraqların təqdim edilməsini çatdırmışdır. Qeyd olunan dövrdə Cənubi Qafqazda tarixi hadisələrlə müşayiət olunan, tarixi inkişaf yollarından və siyasi hadisələrdən asılı olaraq dəyişən dövlətçilik rəmzlərin və atributların tədqiq edildiyi materiallar oxuculara təqdim olunmuşdur. Geniş məna dairəsinə malik olan simvolların əhəmiyyəti xalq kütləsinə *böyük təsiri ilə müəyyən edilir. Rəmzlər və işarələr insanları ümumi məqsədə çatmaq üçün toplamaq, həzz, hörmət yaratmaq və ya əksinə, qəzəb, təcavüz və düşmənçilik hissi yaratmaq üçün istifadə olunurdu. İkinci məruzə isə Azərbaycan, Türkiyə və Rusiya Federasiyası kimi yaxın olan üç ölkənin muzeyində qorunan tarixi dövlətçilik və hərbi atributlarının genetik oxşarlığına həsr olunmuşdu. Məruzədə və dərc olunmuş məqalədə vurğulanmışdır ki, beynəlxalq mədəni-humanitar əməkdaşlıq həm Azərbaycan Respublikası, həm də Rusiya Federasiyası üçün böyük əhəmiyyət kəsb edir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video