15 Sentyabr 2023 09:47
856
CƏMİYYƏT
A- A+

"Azərbaycan" qəzeti milli  ictimai fikrin formalaşmasında önəmli rol oynayır

 

Hörmətli Bəxtiyar müəllim!

"Azərbaycan" qəzetinin əməkdaşlarını qəzetin 105 illik yubileyi münasibətilə nazirliyin kollektivi adından təbrik edirəm!

1918-ci ildə Azərbaycan Xalq Cümhuriyyətinin rəsmi mətbu orqanı kimi təsis edilmiş "Azərbaycan" qəzeti dövlətçilik tariximizə, milli mətbuatımızın inkişafına əvəzsiz töhfələr vermişdir. Qəzet müstəqilliyimizin səsi olmaqla bərabər, daim vətənpərvərlik və maarifçilik missiyasını yerinə yetirmiş, cəmiyyətin məlumatlandırılmasında, milli ictimai fikrin formalaşmasında önəmli rol oynamışdır.

Müasir Azərbaycanda söz və mətbuat azadlığına verilən önəm, dövlətin medianın inkişafına göstərdiyi dəstək sayəsində "Azərbaycan" qəzetinə yolunu uğurla davam etdirmək üçün əlverişli şərait yaranmışdır. Bu gün qəzet milli-mənəvi dəyərlərimizin, dövlətçilik prinsiplərinin fəal təbliğatçısı kimi yorulmaz fəaliyyət göstərir. "Azərbaycan" qəzeti ictimai-siyasi proseslərin, o cümlədən iqtisadi uğurlarımızın, ölkəmizdə və dünyada baş verən yeniliklərin işıqlandırılmasında mühüm informasiya mənbəyidir.

  İnanırıq ki, "Azərbaycan" qəzeti qarşıdakı illərdə də cəmiyyətin tərəqqisi, milli birliyin möhkəmlənməsi naminə şərəfli missiyasını uğurla davam etdirəcək.

Peşəkar kollektivinizə yeni yaradıcılıq nailiyyətləri arzulayırıq!

Hörmətlə,

Mikayıl CABBAROV,

iqtisadiyyat naziri

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video