Azərbaycan dəmir yollarının enerji təchizatı, işarəvermə və rabitə sistemlərinin yenidən qurulması (Biləcəri-Yalama) layihəsi üzrə layihənin idarəedilməsi məsləhət xidmətləri ilə bağlı (ARESTP-CS-QCBS-02)
MARAQLARIN İFADƏSİ ÜÇÜN DƏVƏT
Azərbaycan Respublikası Hökuməti “Azərbaycan dəmir yollarının enerji təchizatı, işarəvermə və rabitə sistemlərinin yenidən qurulması (Biləcəri-Yalama) layihəsi”nin (Layihə) maliyyələşdirilməsi üçün kredit əldə etmək məqsədilə Asiya İnkişaf Bankına (AİB) müraciət etmişdir. Kredit vəsaitinin bir hissəsi layihənin idarəedilməsi üzrə məsləhət xidmətləri müqaviləsi çərçivəsində uyğun ödənişlərin həyata keçirilməsi üçün nəzərdə tutulmuşdur.
Layihə “Azərbaycan Dəmir Yolları” Qapalı Səhmdar Cəmiyyəti (ADY) tərəfindən icra ediləcəkdir.
Layihə ADY-nin beynəlxalq yük daşımalarına xidmət göstərən Azərbaycanın şimal - cənub və şərq - qərb dəmir yolu dəhlizlərinin əsas komponentləri olan Biləcəri - Yalama və Bakı - Böyük Kəsik dəmir yolu hissələri boyunca 25 kV-luq dəyişən cərəyanlı enerji təchizatı, işarəvermə və rabitə sistemlərinin modernləşdirilməsini nəzərdə tutan daha geniş proqramın tərkib hissəsidir.
Proqram çərçivəsində həyata keçirilən ilk layihə, regional yük daşımalarını dəstəkləyən “Şimal - Cənub” Beynəlxalq Nəqliyyat Dəhlizi daxilində əsas bağlantı olan Biləcəri - Yalama dəmir yolu hissəsini əhatə edir. Bu hissə təxminən 192 km uzunluğunda ikixətli dəmir yolu xəttindən və 15 stansiyadan ibarətdir.
Layihə çərçivəsində AİB tərəfindən maliyyələşdirilən və ADY tərəfindən həyata keçirilən layihələrin idarə edilməsinə dəstək göstərmək məqsədilə Layihənin İdarə Edilməsi üzrə məsləhətçinin cəlb edilməsi razılaşdırılmışdır. Məsləhətçi həmçinin, ehtiyac yarandıqda, ADY-nin Layihənin İcra Qrupunun və ya Qruplarının əməkdaşları üçün ixtisaslaşdırılmış təlimlər təşkil etməklə ADY-nin institusional potensialının gücləndirilməsinə də dəstək göstərəcəkdir. Bu təlimlər satınalma, tikintiyə texniki nəzarət və monitorinq, mühəndislik, ekoloji və sosial təhlükəsizlik, maliyyə idarəetməsi, müqavilələrin və layihələrin idarə edilməsi kimi sahələri əhatə edəcəkdir. Məsləhətçi həmçinin layihələrin icrası ilə bağlı bütün məsələlər üzrə ADY, AİB və digər maraqlı tərəflər üçün hesabatlar hazırlamalıdır.
Layihənin idarə edilməsi üzrə məsləhət xidmətləri müqaviləsinin müddətinin 54 ay təşkil edəcəyi nəzərdə tutulur. Məsləhət xidmətlərinin müfəssəl əhatə dairəsi aşağıda təqdim olunan keçiddə yerləşdirilən maraqların ifadəsi üçün dəvətə əlavə olunmuş texniki tapşırıqda ətraflı şəkildə verilmişdir.
Maraq ifadəsi üzrə dəvət 14 avqust 2026-cı il tarixində AİB-in Məsləhətçilərin İdarəetmə Sistemində (CMS) beynəlxalq səviyyədə dərc edilmişdir. Maraq ifadələrinin təqdim edilməsi üçün son tarix 12 sentyabr 2026-cı ildir.
AİB-in uyğun mənbə ölkələrindən iştirak hüququ olan məsləhətçi şirkətlər öz maraqlarını aşağıda göstərilən link vasitəsilə ifadə edə bilərlər:
677jpg_1790033437.jpg)
