20 May 2023 12:14
513
İDMAN
A- A+

AİJA Heydər Əliyevin 100 illiyi münasibətilə “Qalatasaray” əfsanələri ilə qardaşlıq matçı keçirib

 

Azərbaycan İdman Jurnalistləri Assosiasiyasının (AİJA), Azərbaycan Minifutbol Federasiyasının (AMF), “Azfar Group”un, Beynəlxalq Futbol Federasiyasının dəstəyi ilə idman jurnalistlərindən ibarət millimizlə “Qalatasaray” əfsanələrinin İstanbulda, Florya Metin Oktay təsislərində türk dünyasının lideri Heydər Əliyevin 100 illiyi şərəfinə qardaşlıq görüşü keçirilib.

AİJA-nın mətbuat xidmətindən AZƏRTAC-a bildirilib ki, matç klubun UEFA kubokunu qazandığı gündən düz 23 il sonra reallaşıb.

Qarşılaşmadan əvvəl “Qalatasaray”ın məşhur prezidenti Dursun Özbək, AİJA prezidenti Eldar İsmayılov və Azərbaycan Respublikasının İstanbuldakı baş konsulu Nərminə Mustafayeva türk dünyasının lideri Heydər Əliyevin Azərbaycan-Türkiyə qardaşlığının möhkəmlənməsindəki xidmətlərindən danışaraq bu münasibətlərin əbədi və sarsılmaz olduğunu vurğulayıblar.

AİJA prezidenti Eldar İsmayılov, “Qalatasaray” prezidenti Dursun Özbək, “Qalatasaray”ın idarə heyətinin üzvü Emin İmanov, baş məşqçisi Okan Buruka, AMF prezidenti Taleh Nəsibov, “Azərbaycan” qəzetinin əməkdaşı, “CBC Sport” TV-nin futbol şərhçisi Elçin Cəfərov, AİJA-nın vitse-prezidenti, “Sports.az” saytının rəhbəri Anar Şabanoğlu xatirə hədiyyələrini bölüşüblər.

Sonra “Qalatasaray” əfsanələri ilə Azərbaycan idman jurnalistlərindən ibarət milli komanda üz-üzə gəlib.

Komandalar meydana üzərinə Ulu Öndərin dillər əzbəri “Bir millət, iki dövlət” kəlamı həkk olunmuş bannerlə çıxıb.

Qardaşlıq matçı Dursun Özbəyin və Nərminə Mustafayevanın topa rəmzi zərbələri ilə başlayıb.

Qardaşlıq görüşü 3:3 hesabı ilə sona çatıb.

Komandamızın qollarına iki dəfə fərqlənən “Qarabağ” Futbol Klubunun mətbuat katibi Gündüz Abbaszadə və “Sportal.az” saytının rəhbəri Emin Abbasov imza atıblar.

“Qalatasaray” əfsanələrinin heyətində İlyas Kahmaran 2, Evren Turan 1 qolla fərqləniblər.

Oyundan sonra “Qalatasaray” İdman Klubu ziyafət təşkil edib.

AİJA-nın 17 nəfərdən ibarət futbol nümayəndə heyəti İstanbulun Bosfor sahilindəki axar-baxarlı məskənlərindən birində salınmış Heydər Əliyev parkında ucalan Ulu Öndərin əzəmətli abidəsi önünə tər güllər düzərək rəhbərimizin əziz xatirəsini qürur hissi ilə yad ediblər.

Beynəlxalq səviyyəli bu əzəmətli görüş AİJA-nın idman jurnalistlərinin iştirakı ilə keçirilən ilk uğurlu layihə deyil. Təşkilat öz milli yığması 2010-cu və 2022-ci illərdə “Neftçi” veteranları ilə üz-üzə gəlib, 2014-cü il iyulun 3-dən 8-dək Kişinyov şəhərinin yaxınlığında, Dnestr çayı vadisində milli futbol yığmasının yaşıllıqlarla əhatə olunmuş təlim-məşq bazasında Moldova İdman Jurnalistləri Assosiasiyasının ölkənin Gənclər və İdman Nazirliyi və milli futbol federasiyasının dəstəyi ilə həyata keçirdiyi, Avropanın 8 ölkəsinin – Almaniya, Azərbaycan, Rusiya, Ukrayna, Rumıniya, Polşa, Litva və Moldova jurnalistlərindən ibarət milli yığmaların qatıldığı Beynəlxalq Media Kubokunun gümüş mükafatçısı olub.

Ümummilli Liderimiz Heydər Əliyevin 100 illiyi şərəfinə əlamətdar bir gündə doğma “Qalatasaray” əfsanələri ilə baş tutan bu simvolik qarşılaşmanın isə həm qardaş ölkə klubu, həm də AİJA tarixinin qızıl səhifələrinə çevriləcəyi şəksizdir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video