ADA Universiteti və Xarici İşlər Nazirliyinin birgə təşkil etdiyi “Xəzər Hövzəsi Araşdırmaları Proqramı” başa çatıb
ADA Universitetinin ixtisasartırma proqramları və Xarici İşlər Nazirliyinin birgə təşkilatçılığı ilə noyabrın 13-dən 20-dək keçirilən “Xəzər Hövzəsi Araşdırmaları Proqramı” uğurla başa çatıb.
Universitetdən AZƏRTAC-a bildirilib ki, torpaqlarımızın işğaldan azad edilməsindən sonra ilk dəfə ali məktəbin kampusunda təşkil olunan proqram 19 ölkədə fəaliyyət göstərən universitet və beyin mərkəzini təmsil edən 21 tədqiqatçı və diplomatı bir araya gətirib.
Proqram ADA Universitetinin idarəetmə və professor-müəllim heyətinin üzvləri, Azərbaycanın dövlət qurumlarının yüksək rütbəli məmur və diplomatları, o cümlədən xarici ekspertlər tərəfindən tədris edilib.
Proqramın açılışında ADA Universitetinin prorektor müavini Aygün Hacıyeva azərbaycanlı və xarici diplomatlar üçün təşkil edilən “Xarici Siyasət Proqramı”, eləcə də “Xəzər Hövzəsi Araşdırmaları Proqramı”nı təqdim edib. A.Hacıyeva əlavə edib ki, ötən 10 il ərzində “Xəzər Hövzəsi Araşdırmaları Proqramı”nda 104 ölkədən 221 diplomat və dövlət qulluqçusu müvəffəqiyyətlə iştirak edib.
Proqram çərçivəsində Azərbaycan Respublikası Prezidentinin köməkçisi-Prezident Administrasiyasının Xarici siyasət məsələləri şöbəsinin müdiri Hikmət Hacıyev, Azərbaycanın Birinci vitse-prezidentinin köməkçisi Elçin Əmirbəyov çıxış edərək İkinci Qarabağ müharibəsinin regiona təsirləri, buradakı bərpa və yenidənqurma işləri və ərazilərin minalardan təmizlənməsi, habelə iki ölkə arasındakı sülh quruculuğu prosesi ilə bağlı xarici iştirakçıları məlumatlandırıblar. Qonaq çıxışçılar işğaldan azad edilmiş ərazilərdə icrası nəzərdə tutulan “ağıllı kənd” və “ağıllı şəhər” layihələrindən bəhs ediblər.
Qaçqınların və Məcburi Köçkünlərin İşləri üzrə Dövlət Komitəsi sədrinin müavini Fuad Hüseynov “Uzun müddətli məcburi köçkünlük və həsrətlə gözlənilən Qayıdış” mövzusunda çıxış edərək məcburi köçkünlərin işğaldan azad edilmiş ərazilərdə təhlükəsiz şəraitdə yaşamaları üçün hazırda müvafiq tədbirlərin həyata keçirildiyini deyib.
Proqrama qoşulanlar 44 günlük Vətən müharibəsi fonunda Xəzər hövzəsində baş verən tarixi yeniliklər, regionun geosiyasi və iqtisadi mühitində özünü büruzə verən dəyişikliklər, həmçinin məcburi köçkünlərin Qarabağa qayıdışı mövzularına dair mühazirələr dinləyiblər.
Proqram çərçivəsində Azərbaycan Respublikasının Xarici İşlər Nazirliyində dəyirmi masa təşkil edilib. Nazirliyin Mətbuat xidməti idarəsinin rəisi Leyla Abdullayeva ölkəmizin xarici siyasət prioritetləri barədə məlumat verərək iştirakçıların çoxsaylı suallarını cavablandırıb.
Xarici ekspertlərdən ABŞ-ın Hudson İnstitutunun baş tədqiqatçısı Maykl Doran və ADA Universitetinin siyasi tədqiqat və nəşrlər üzrə direktoru Damyan Krnceviç Mişkoviç mühazirələrlə çıxış ediblər.
Regiona və ölkəmizə dair nəzəri biliklər əldə edən qonaqlar Qarabağ bölgəsinin sürətli inkişafını yerində müşahidə etmək məqsədilə Ağdam rayonuna səfər ediblər. Qonaqlar işğal dövründə dağıntılara məruz qalan Ağdamın inkişafını əks etdirən "Ağdam şəhərinin Baş planı" barədə məlumat əldə ediblər.
Səfərlə bağlı öz təəssüratlarını bölüşən Pakistanın Qlobal və Strateji Araşdırmalar Mərkəzinin təmsilçisi Mehrin Qul bildirib ki, müharibə nəticəsində misli görünməmiş dağıntılardan zərər çəkən Qarabağın inkişafı bütövlükdə regionun inkişafına xidmət edir.
Qeyd edək ki, “Xəzər Hövzəsi Araşdırmaları Proqramı”nın 21 iştirakçısından 19-u ölkəmizə ilk dəfə səfər edib.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
SOCAR-ın Müşahidə Şurasının üzvləri yeni inşa olunan yaşayış kompleksi ilə tanış olublar...
04 May
Ankarada keçirilən tədbirdə Qərbi Azərbaycanla bağlı tarixi ədalətin bərpasının vacibliyi vurğulanıb...
04 May
COP29 ilə əlaqədar Təşkilat Komitəsinin üçüncü iclasında mühüm məsələlər müzakirə olunub...
04 May
Bütün dünyada jurnalistlərin işi daha təhlükəli olur
04 May
“Qızıl əlcək” sahibini tapdı
04 May
“Philips”in yeni oyun monitoru təqdim edilib
04 May
Əfsanəvi avtomobil elektromobil kimi geri dönür
04 May
ABŞ dövlət katibi: Fələstin və İsrailin birgə yaşayışını mümkün hesab edirik
04 May
--Sürü halında uçan robot arılar istehsal edilib
04 May
UEFA həftənin ən yaxşılarını açıqlayıb
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!