Prezident
Səfərlər
Birinci vitse-prezident
Qəbullar
Fərmanlar
Sərəncamlar
Məktublar
Qanunlar
Tədbirlər
Əlaqə
Azərbaycan Respublikası, Bakı ş., Mətbuat pr. 529-cu məhəllə, 4-cü mərtəbə
(+994 12) 539 49 20, 538-31-11
Hər dəfə əlimə jurnal götürüb sinif otağına daxil olanda özümü işıqlı bir dünyada zənn edirdim. Məni dinləyən nur üzlü şagirdlərimlə təmas yaradanda, onların gözlərindəki gələcəyə olan inamı görəndə özümü xoşbəxt sanırdım. Əgər səndən öyrənən, gələcəyini sənin verdiyin biliklərlə qurmaq istəyən varsa, demək yaşamağa dəyər...
Mən bir müəllim kimi xoşbəxtliyimi dərs dediyim şagirdlərimin sevincində, işıqlı gələcəyində, həyatlarını xoşbəxt qura bilməsində görürəm...
Müəllimlik həyatımda elə bir hadisə olmayıb ki, şagirdimi tənbeh edəm, ona əl qaldıram, nəysə bir kobudluq edim. Həmişə düşünmüşəm ki, bu gün sənin dərs dediyin şagird sabah vətənin keşiyində duran əsgər, zabit olacaq. Və yaxud hansısa bir sahədə layiqli bir vətəndaş kimi vətəninə, xalqına, dövlətinə xidmət edəcək...
Övladlarıma heç vaxt başqa adamdan nümunə götürün deməmişəm. Hər zaman özümdən misal çəkmişəm. Oxuyun, mənim kimi işləyib yaşayın. Allaha şükür, müəllimliklə, halallıqla hər şeyə nail olmaq olur.
Yaşamağa hər cür şəraitim, hətta gözəl bağ evim də var. Övladlarımın üçü də ali təhsillidirlər. Qızlarımın hər ikisi - Sevinclə Nərgiz müəllimdirlər. Sevinc tarix üzrə fəlsəfə doktorudur. Gəncədə yaşayır... Müəllimlik bir əxlaq anlayışıdır. Fikir vermisinizsə, müəllim olmayan birinə də müəllim deyə müraciət edəndə özünə çəki-düzən verməyə çalışır. Özünü fərqli hiss edir. Bax müəllimliyin gözəlliyi, fərqliliyi bundadır.
Akif müəllim deyir ki, həyatda qazandığım bütün uğura, tutduğum mövqeyə, övladlarımın xoşbəxt həyatları üçün öz peşəmə, müəllimliyə minnətdaram. Bu məqamda ömür-gün yoldaşı Məlahət xanımı göstərib, peşəmin mənə verdiyi ən böyük mükafat isə Məlahət xanımdır. Bəlkə də müəllim olmasaydım Məlahət xanımla da rastlaşmayacaqdım. Yeri gələndə övladlarım fərəhlə deyirlər ki, müəllim ailəsində doğulmuşuq.
70 il haradan gəldi, necə keçdi, heç özüm də bilmirəm. Bir də gördüm ki, təqaüddəyəm. Bu il yaşıma görə ömrümü verdiyim, illərlə çalışdığım doğma məktəbimdən ayrılmışam.
Akif müəllimin gözləri dolur. Sözünün ardını gətirə bilmir... Güclə özünü toparlayıb aşağı səslə "darıxıram", - deyir. - Dərs dediyim sinif otağı, gözəl kollektivimiz, gözəl şagirdlərim üçün çox darıxıram.
Həmsöhbətimiz Əməkdar müəllim, kimya üzrə fəlsəfə doktoru Teyli Akif Əmiraslan oğludur. Akif müəllim 1955-ci ildə Şəmkir rayonunun Çinarlı qəsəbəsində anadan olub. 1977-ci ildə Cəncə Dövlət Universitetinin Kimya fakültəsini fərqlənmə diplomu ilə bitirib. Tələbə ikən oxuduğu ali məktəbin Üzvi-kimya kafedrasının dosenti İsfəndiyar Aslanovun rəhbərliyi ilə "Germanium tərkibli metal-üzvi birləşmələrin sintezi və onların xassələrinin öyrənilməsi"nə aid ilk tədqiqat işləri ilə məşğul olmağa başlayıb. Bakıda tələbələrin respublika konfransında məruzə ilə çıxış edib.
1977-ci ildə Azərbaycan Milli Elmlər Akademiyasının Kimya Texnologiyasının Nəzəri Problemləri İnstitutunda (indiki Kataliz və Qeyri-Üzvi Kimya İnstitutunda) əmək fəaliyyətinə başlayıb. 1977-1999-cu illərdə baş texnik, mühəndis, kiçik elmi işçi, elmi işçi və böyük elmi işçi vəzifələrində çalışıb.
1980-ci ildə aspiranturaya daxil olaraq çox mühüm praktik əhəmiyyət kəsb edən, neftin tərkibində olan doymuş şaxəli karbohidrogenlərdən alınan izoamilenlərdən sintetik kauçuk istehsalında tətbiq olunan yeni, perspektivli katalizatorların sintezi, xassələrinin öyrənilməsi və tətbiqinə həsr olunmuş elmi-tədqiqat işi ilə məşğul olub. Elmi işin nəticələri haqqında Bakı, Moskva, Novosibirsk və Yaroslavl şəhərlərində keçirilən respublika və ümumittifaq konfranslarında və simpoziumlarında məruzələrlə çıxış edib. Dünyanın nüfuzlu elmi jurnallarında 13 elmi məqaləsi çap olunub.
1988-ci ildə "Ferrit əsaslı katalizatorlar üzərində izoamilenlərin izoprenə oksidləşdirici dehidrogenləşməsi" mövzusunda dissertasiya müdafiə edərək kimya üzrə fəlsəfə doktoru alimlik dərəcəsi alıb. 1990-cı ildə elmi-tədqiqat işinin əsasında sintez etdiyi manqan-ferrit əsaslı katalizatorların Rusiya Federasiyasının Sterlitamak şəhərindəki "Sintez-Kauçuk" zavodunda onun iştirakıyla təcrübə sınağı keçirilərək katalizatorların sənayedə tətbiqinin yararlılığı haqqında akt tərtib edilib. 1992-ci ildə Yaponiyada keçirilən Ferrit əsaslı birləşmələrə həsr olunan VI beynəlxalq konfransa (İSF6) dəvət alan azərbaycanlı alimlərdən biri də Akif Teyli olub. 1994-cü ildə Binəqədi rayonunda 83 saylı yeni tipli məktəb-lisey təşkil olunanda Akif müəllim yoldaşı Məlahət xanımla 30 il birlikdə çalışıb əmək sərf etdiyi məktəbdə kimya fənnini tədris etməyə başlayıb.
Söhbətə Məlahət müəllim də qoşulur:
- Müəllim ailəsi olduğumuz üçün bütün həyatım boyu qürur duymuşam. Hansı məclisdə olmuşamsa, peşəmi soruşanda çox qürurla "müəlliməm" demişəm. Bütün fəaliyyətimiz boyu çalışmışıq ki, bu müqəddəs ada xələl gətirən işimiz olmasın. Övladlarımızı böyüdəndə istəyimiz bu idi ki, Vətənə, millətə layiq vətəndaş olsunlar. Oğlumuz Araz Vətən müharibəsi veteranıdır. Könüllü olaraq Qarabağda döyüşüb, torpaqlarımızın azad olunmasında fəal iştirak edib.
Akif müəllim əlavə edir:
- Çox şükür ki, torpaqlarımızın azad olunmasında bizim ailənin də payı oldu. Araz üzümüzü ağartdı. Sentyabrın 27-də cənab Prezidentin çağırışına cavab olaraq könüllü döyüşə getdi. Bir arzum var - işğaldan azad olunmuş torpaqlara gedib bircə gün də olsa, orada yeni açılan məktəblərdə, doğma yurdlarına qayıtmış balalarımıza dərs deyə biləydim.
Məlahət xanım ömür-gün yoldaşı Akif müəllim haqqında danışarkən xüsusi olaraq qeyd etdi ki, Akif müəllimin övladı, ömür-gün yoldaşı olmaq da bir məsuliyyətdir. Akif məktəbdə şagirdlərini necə öyrədirdisə, tələbkar nümunəvi müəllimdirsə, evdə də nümunəvi ailə modeli yarada bilib.
Akif müəllim deyir ki, yaxşı müəllimin mükafatı tələbələrinin ali məktəblərə qəbul olunması, həyatda uğur qazanmalarıdır. Ömrüm boyu çalışmışam ki, işimi vicdanla görüm.
Doğru deyiblər ki, uğur, müvəffəqiyyət öz işinə hörmətlə yanaşıb, vicdanla çalışanlarla dostluq edir. Akif müəllimin həyatı da uğurlu işlərlə zəngindir.
2002-ci ildə Təhsil Nazirliyi Kollegiyasının fəxri fərmanı, 2003-cu ildə "Vektor" Beynəlxalq elm mərkəzinin keçirdiyi "Azərbaycanın tanınmış maarifçiləri" layihəsinin qalibi olaraq "XXI əsrin tanınmış maarifçisi" beynəlxalq diplomu ilə təltif olunub.
2008-ci ildə Azərbaycan Respublikası Prezidentinin sərəncamı ilə Əməkdar müəllim fəxri adına layiq görülüb. 2010-cu ildə Təhsil Nazirliyinin keçirdiyi "İlin ən yaxşı müəllimi" müsabiqəsinin qaliblərindən biri olaraq Prezident mükafatı alıb...
Akif müəllim deyir ki, işlədiyim müddətdə məktəb-liseyin elmi-pedaqoji şurasının üzvü, kimya fənn metodbirləşməsinin sədri olaraq gənc kimya müəllimlərinə hamilik etmişəm. Onlara kimya kabinetində dərslərin təşkilində, praktik işlərin icrasında, eksperimental məsələlərin həllində, müasir təlim metodlarının tətbiqində, illik planlaşmada və onun icrasında məsləhətlərimi vermişəm. Müəllimlik həyatımda həmişə çalışmışam ki, şagirdlərdə kimya fənninə həvəs yaransın, nəzəri bilikləri və praktik bacarıqları artsın, onlarda özünəgüvən hissi inkişaf etsin, əzmkar olsunlar, öyrəndikləri bilik və bacarıqları həyatda tətbiq edə bilsinlər, layiqli Azərbaycan vətəndaşı kimi yetişsinlər: "Həyatda şagirdlərimdən yalnız umacağım bir şey olub. Yeri gələndə desinlər ki, kimya müəllimim Akif müəllim olub. Kimya həyat deməkdir. Şagirdlərimin məni yaxşı müəllim kimi xatırlamaları Allahın mənə lütfü olar".
Elşən QƏNİYEV,
"Azərbaycan"
Pakistan Senatının sədri: Ölkəmiz Bakıda keçiriləcək COP29-da layiqincə təmsil olunacaq
TƏBİB: Cari ilin ilk 9 ayında 62 milyona yaxın tibbi xidmət göstərilib
Türkiyədə Qədim Roma dövrünə aid hərbi istehkam tapılıb
Azərbaycan Ordusunun Baş Qərargah rəisi NATO nümayəndə heyəti ilə görüşüb
DİN: Ötən gün 47 cinayətin üstü açılıb
Cəbrayıl şəhərinin 148 yaşlı məktəbində tədris yenidən başlayıb
Bəzi rayonlara leysan, Şahdağa qar yağıb - FAKTİKİ HAVA
Azərbaycan nefti 4 %-dən çox ucuzlaşıb
Prezident İlham Əliyev Hadrutun azad edilməsinin dördüncü ili münasibətilə paylaşım edib
206 ilin bir günü
Şəkidə quru tütün istehsalının 4,2 min tona çatacağı gözlənilir
"Poliqon" bu dəfə Tərtərdədir
Qəbələdə sənaye məhsullarının 90 faizi qeyri-dövlət sektorunda istehsal olunur
ADA təhsil bilicilərini Qazaxa topladı
Tovuzlu üzümçülər yerli sortlara üstünlük verirlər
"Azərbaycan "yaşıl enerji" istehsalı sahəsində Avropa ölkələri ilə rəqabət aparmaq imkanındadır"
"Axmaq olma, Ermənistan"
Erməni xalqı müharibə canilərini dəstəkləmir
O torpaqlar unudulmayıb
Qərbi Azərbaycana qayıdış onların fundamental haqqıdır
ABŞ-nin yeni təxribatlarının əsas səbəbi nədir?
Prezident İlham Əliyev Bakıda Aşıq Ələsgərin abidəsinin açılışında iştirak edib YENİLƏNİB30 Sentyabr 2024
İnkişaf büdcəsi29 Sentyabr 2024
Prezident İlham Əliyev bir daha bəyan etdi28 Sentyabr 2024
Zəfərlə anırıq...27 Sentyabr 2024
VƏTƏNİN ŞƏHİD BALALARI27 Sentyabr 2024
Azərbaycan yeni strateji dövrdə26 Sentyabr 2024
"Azərbaycan"-ın 1918-1920-ci illərdə dərc olunan nömrələrinin transliterasiyası
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!