Prezident
Səfərlər
Birinci vitse-prezident
Qəbullar
Fərmanlar
Sərəncamlar
Məktublar
Qanunlar
Tədbirlər
Əlaqə
Azərbaycan Respublikası, Bakı ş., Mətbuat pr. 529-cu məhəllə, 4-cü mərtəbə
(+994 12) 539 49 20, 538-31-11
Səhiyyə Nazirliyi Elmi-Tədqiqat Kardiologiya İnstitutunun (ETKİ) təşkilatçılığı ilə Bakıda Türk Dövlətləri Birinci Kardioonkoloji Konqresinin açılış mərasimi keçirilib.
AZƏRTAC xəbər verir ki, açılış mərasimində çıxış edən ETKİ-nin direktoru, konqresin sədri, professor Gülnaz Dadaşova istər Türk Dövlətləri Birinci Kardioonkoloji Konqresini, istərsə də aprel ayında olmuş I Türk Dövlətləri Kardioloji Qurultayını ölkələrin tibb sahəsində əməkdaşlığının yeni mərhələsi və Türk Dövlətləri Təşkilatının dayanıqlı platforma kimi artan nüfuzunun göstəricisi kimi səciyyələndirib.
“Həmçinin qürurverici haldır ki, konqres oktyabrın 8-də Şuşada Türk Dövlətləri Təşkilatının səhiyyə nazirlərinin dördüncü iclası ərəfəsində və çərçivəsində keçirilib”, - deyə Gülnaz Dadaşova vurğulayıb.
Tədbirdə çıxış edən Şimali Kipr Türk Cümhuriyyətinin Azərbaycan Respublikasındakı nümayəndəsi Ufuk Turqaner diqqətə çatdırıb ki, beynəlxalq tədbir Türk dünyasından olan kardiologiya mütəxəssislərini bir araya gətirərək, birgə tədqiqat imkanlarını nəzərdən keçirmək və ürək-damar xəstəliklərinin müalicəsində əhaliyə göstərilən tibb xidmətlərinin keyfiyyətini artırmasına töhfə verəcək.
Milli Məclisin Səhiyyə komitəsinin sədri akademik Əhliman Əmiraslanov çıxışında qeyd edib ki, konqresin proqramına yeni tibbi texnologiyaların və fundamental tibbin nailiyyətlərinin tətbiqinin praktiki aspektlərinə həsr olunan iclaslar, orijinal tədqiqatın nəticələri, real klinik təcrübədən olan hallar əsasında debatlar daxildir: “Tibbin kardiologiya və onkologiya sahələrini birləşdirən bir çox səbəb var. Onkoloji xəstəliklər, adətən, yaşlı nəslin problemidir. Onkoloqlar onları müalicə etdiyi zaman ürək-damar patologiyası ilə bağlı kardioloqlara müraciət edirlər. Eyni zamanda, elmi tədbirin internet üzərindən yayımı həkimlərin davamlı tibbi təhsili üçün unikal zəmin yaradıb”.
Azərbaycan Milli Elmlər Akademiyasının prezidenti akademik İsa Həbibbəyli Azərbaycanın Türk dünyasının inteqrasiyasında müstəsna rol oynadığına diqqət çəkib: “Ölkəmiz türkdilli dövlətlər arasında əlaqələrin genişlənməsində özünəməxsus körpü funksiyasını yüksək səviyyədə yerinə yetirir. Bugünkü konqres də Azərbaycan Respublikasının aparılan dövlət siyasətinin, yəni Türk dünyasına inteqrasiyanın genişlənməsi və möhkəmlənməsi siyasətinin inkişafına öz töhfəsini verəcək. Konqres Azərbaycan Respublikasının Səhiyyə Nazirliyinin Türk dünyasına, türk birliyinə verdiyi əməli töhfə kimi də yüksək əhəmiyyətə malikdir. Türk Dövlətləri Birinci Kardioonkoloji Konqresinin Bakıda keçirilməsini ölkəmizdə gedən proseslərlə əlaqəli şəkildə əlamətdar elmi hadisə kimi yüksək qiymətləndirirəm”.
Türkiyədə ilk ürək transplantasiyası əməliyyatını icra edən qadın həkim, Siyami Ersek Xəstəxanasının həkim-kardioloqu, professor Serap Aykut Aka deyib: “Onkoloji xəstəliklər olduqca geniş yayılıb və təəssüf ki, hər 8 qadından birində süd vəzi xərçəngi aşkarlana bilər”.
Professor qeyd edib ki, türk dövlətləri bütün sahələrdə daim bir-birinə dəstək verməlidir: “Türkün ürəyi Bakıda döyünür. Biz hər zaman qardaş Azərbaycanın yanındayıq. Ümid edirəm ki, türk dövlətləri arasında təlim proqramları geniş şəkildə davam edəcək”.
Tədbirdə Türkiyə, Qazaxıstan, Özbəkistan, Qırğızıstandan olan elmi və tibb müəssisələrin rəhbərləri də çıxış ediblər.
Oktyabrın 4-dən 7-dək davam edən konqresə 1000-dən artıq yerli və xarici mütəxəssis qatılıb.
Qeyd edək ki, Türk Dövlətləri Birinci Kardioonkoloji Konqresi Azərbaycan Respublikası Səhiyyə Nazirliyinin Elmi Tibbi Şurası tərəfindən akkreditasiya olunub və 30 DTT kredit balı ilə qiymətləndirilib.
Konqres bədii hissə və panel müzakirələr ilə davam edib.
Türk Dövlətləri Birinci Kardioonkoloji Konqresinin açılış mərasimində dövlət qurumlarının rəhbər şəxsləri, Milli Məclisin deputatları, tanınmış elm xadimləri, Azərbaycan Tibb Universitetinin tələbələri və ETKİ-nin könüllüləri iştirak ediblər.
ADA təhsil bilicilərini Qazaxa topladı
Tovuzlu üzümçülər yerli sortlara üstünlük verirlər
"Azərbaycan "yaşıl enerji" istehsalı sahəsində Avropa ölkələri ilə rəqabət aparmaq imkanındadır"
"Axmaq olma, Ermənistan"
Erməni xalqı müharibə canilərini dəstəkləmir
O torpaqlar unudulmayıb
Qərbi Azərbaycana qayıdış onların fundamental haqqıdır
ABŞ-nin yeni təxribatlarının əsas səbəbi nədir?
Ağ Evin məkrli ssenarisi
ABŞ sülhü yox, müharibəni seçir
İlham ƏLİYEV: "Artıq status-kvo deyilən məsələ və təmas xətti yoxdur"
Daha 16 ailə Şuşaya qayıtdı
Şuşaya gedən Zəfər yolunun açarı
Qarabağ, Zəfər... və Polad Həşimov!
Böyük dövrün böyük hədəfləri
Milli Məclisdən ABŞ-yə etiraz
Azərbaycan Respublikası Ali Məhkəməsi hakimlərinin təyin edilməsi haqqında
Z.X.Əliyevin Naxçıvan Muxtar Respublikası Ali Məhkəməsinin hakimi təyin edilməsi haqqında
Bakı Apellyasiya Məhkəməsi hakimlərinin təyin edilməsi haqqında
Gəncə Apellyasiya Məhkəməsi hakimlərinin təyin edilməsi haqqında
Sumqayıt Apellyasiya Məhkəməsi hakimlərinin təyin və vəzifədən azad edilməsi haqqında
Prezident İlham Əliyev Bakıda Aşıq Ələsgərin abidəsinin açılışında iştirak edib YENİLƏNİB30 Sentyabr 2024
İnkişaf büdcəsi29 Sentyabr 2024
Prezident İlham Əliyev bir daha bəyan etdi28 Sentyabr 2024
Zəfərlə anırıq...27 Sentyabr 2024
VƏTƏNİN ŞƏHİD BALALARI27 Sentyabr 2024
Azərbaycan yeni strateji dövrdə26 Sentyabr 2024
"Azərbaycan"-ın 1918-1920-ci illərdə dərc olunan nömrələrinin transliterasiyası
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!