Qədim məktəbin yeni binası
Şorsulu Salyan rayonunun ən böyük kəndlərindən biridir. Kənddə hələ sovetlərdən əvvəl də məktəb fəaliyyət göstərmişdir. Sovet hökuməti isə onu yeni tədris ocağı ilə əvəz etmişdir.
Bir müddət dərslər kənddəki evlərdən birində aparılmışdır. 1926-cı ildə kəndlilərin öz iştirakı ilə "ayıbalası" adlanan çiy kərpiclər kəsilərək o vaxt üçün böyük hesab olunan 6-7 otaq və dəhlizdən ibarət məktəb binası tikilmişdir. Rayonun kəndləri arasında Salyan şəhəri istisna olmaqla kəndlərin heç birində tam orta məktəb olmayanda Şorsulu məktəbi region üzrə tək təhsil ocağı idi.
Sonralar kontingent böyüdüyündən məktəb uyğunlaşdırılmış digər binaya köçürülmüşdür. Əsrin əvvəllərində inşa olunan bina yenə əvvəl ibtidai, sonra ümumi orta məktəb kimi fəaliyyətini davam etdirmişdir. Yeri gəlmişkən, onu da deyək ki, keçən əsrin 60-cı illərinin sonlarına qədər tam orta təhsil almaq üçün Qızılağacdan başlamış Qarabucağa qədər bütün kəndlərdən olan gənclərin üz tutduğu yeganə məktəb Şorsulu kəndində idi. Burada uzaqdan gələn uşaqlar üçün yataqxana da fəaliyyət göstərirdi.
İllər ötdükcə kənd böyümüş, ətraf kəndlərin də əhalisi artmışdır. Nəticədə Şorsulunun özündə iki, kəndin Bala Kürün o tayındakı hissəsində də bir məktəb açılmışdır. Qədim məktəbin keçmiş binası isə müasir tələblərə cavab vermirdi. Divarlarda yaranan çatlar, tavanın çökmə təhlükəsi, döşəmələrin əldən düşməsi binanı təhlükəli etmişdi. Vəziyyət kənd ictimaiyyətini və məktəb kollektivini narahat edirdi. Heydər Əliyev Fondu bu problemi köklü şəkildə həll etdi. Bir il içərisində məktəb üçün iki mərtəbəli, 3 korpusdan ibarət yeni, müasir, yaraşıqlı bina tikilib istifadəyə verildi.
Şəhid Namiq İbrahimovun adını daşıyan 300 şagirdlik məktəbdə 13 sinif otağı, kimya, fizika, biologiya laboratoriyaları, informatika və hərbi təlim kabinetləri, qızlar və oğlanlar üçün ayrıca əmək təlimi emalatxanaları, akt və idman zalları, kitabxana, yeməkxana, həyətdə açıq idman meydançası vardır. Məktəb hər cür avadanlıq və təlim vasitələri ilə təchiz edilmişdir. İndi Salyanın müasir kəndi, şəhərə oxşayan yaşayış məntəqəsi, ziyalıları ilə qədimdən məşhur olan Şorsulu bu hadisənin sevincini yaşayır. Uğurların bol olsun, doğma kəndim, əziz məktəbim!
Gülzar HÜSEYNOVA,
Salyan şəhər sakini, təqaüdçü müəllim
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Mərkəzi Seçki Komissiyasının növbəti iclası keçirilib
27 Iyul
İstanbulda PKK-nın 13 tərəfdarı saxlanılıb
27 Iyul
İranın yeni seçilən prezidenti sabah and içəcək
27 Iyul
Mask Olimpiadanın açılış mərasimini xristianlara qarşı hörmətsizlik adlandırıb
27 Iyul
Viktor Orban: Avropa sülh siyasətini qəbul etməlidir
27 Iyul
Olimpiadada jurnalistləri daşıyan avtobus qəzaya düşüb
27 Iyul
AKAF-ın baş katibi: Parisdə yaxşı nəticə göstərəcəyimizə inanıram
27 Iyul
Paris-2024-də ilk medalçılar bəlli olub
27 Iyul
Paris-2024: Azərbaycanın daha bir cüdoçusu mübarizəni dayandırıb
27 Iyul
Rəssam dronun ilk əsəri nümayiş olunub
27 Iyul
DİQQƏT ÇƏKƏNLƏR
ÇOX OXUNANLAR
Həqiqətə çağırış25 Iyul 2024
![](/uploads/img/posts/2024/07/25/Clip_23jpg-1721862946.jpg)
Uzaqgörənlik24 Iyul 2024
![](/uploads/img/posts/2024/07/24/1 copyjpg-1721771921.jpg)
Azərbaycan iqlim dəyişikliyi ilə mübarizədə qlobal səviyyədə tanınır23 Iyul 2024
![](/uploads/img/posts/2024/07/23/Clip_2jpg-1721686526.jpg)
Azərbaycan Qlobal Cənubla Qlobal Şimal arasında təmasları gücləndirir YENİLƏNİB - 2 VİDEO...21 Iyul 2024
![](/uploads/img/posts/2024/07/20/1721480194305007127_1200x630jpg-1721495783.jpg)
Avropanın Azərbaycana ehtiyacı artır20 Iyul 2024
![](/uploads/img/posts/2024/07/20/Clipjpg-1721423683jpg-1721453251.jpg)
Bütün yollar Qarabağa aparır18 Iyul 2024
![](/uploads/img/posts/2024/07/18/Clip_8jpg-1721248442.jpg)
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!