06 Noyabr 2026 19:37
1109
İQTİSADİYYAT
A- A+
Milli Məclis komitələrinin birgə iclasında 2027-ci ilin dövlət büdcəsinin layihəsi müzakirə olunub

Milli Məclis komitələrinin birgə iclasında 2027-ci ilin dövlət büdcəsinin layihəsi müzakirə olunub

Noyabrın 6-da Milli Məclisin Təbii ehtiyatlar, energetika və ekologiya, Əmək və sosial siyasət, Səhiyyə, Beynəlxalq münasibətlər və parlamentlərarası əlaqələr komitələrinin birgə iclasında “Azərbaycan Respublikasının 2027-ci il dövlət büdcəsi haqqında” qanun layihəsi birinci oxunuşda müzakirə edilib.

AZƏRTAC xəbər verir ki, Milli Məclis sədrinin birinci müavini Əli Əhmədov Prezident İlham Əliyevin rəhbərliyi ilə həyata keçirilən sosial-iqtisadi siyasətin ölkənin inkişafına və əhalinin rifahının yüksəldilməsinə xidmət etdiyini bildirib. O, 2027-ci ilin dövlət büdcəsi layihəsinin ölkənin əldə etdiyi iqtisadi nailiyyətləri və qarşıdakı inkişaf prioritetlərini əks etdirdiyini vurğulayıb.

Sonra maliyyə naziri Sahil Babayev büdcə layihəsinin əsas göstəricilərini təqdim edib. Bildirilib ki, 2027-ci ildə ÜDM-in 141 milyard manat, ortaillik inflyasiyanın 5,3 faiz olacağı proqnozlaşdırılır. Dövlət büdcəsinin gəlirləri 39,3 milyard manat, xərcləri isə 42,4 milyard manat nəzərdə tutulur. İcmal büdcənin gəlirləri 47,6 milyard manat, xərcləri 50,4 milyard manat təşkil edəcək.

Qeyd olunub ki, büdcə layihəsində sosial rifahın yüksəldilməsi, müdafiə və milli təhlükəsizliyin gücləndirilməsi, Qarabağ və Şərqi Zəngəzurun bərpası, təhsil və səhiyyənin inkişafı, iqtisadiyyatın şaxələndirilməsi əsas prioritetlər kimi müəyyənləşdirilib. Sosialyönümlü xərclərin 18,7 milyard manat, müdafiə və milli təhlükəsizlik xərclərinin 8,8 milyard manat, təhsil və elm xərclərinin 5,4 milyard manat, səhiyyə xərclərinin isə 2,1 milyard manat olacağı proqnozlaşdırılır.

İqtisadiyyat nazirinin müavini Anar Axundov çıxışında qeyri-neft-qaz sektorunun inkişafı, özəl investisiyaların artımı, ixrac imkanlarının genişləndirilməsi və regionlarda iqtisadi fəallığın yüksəldilməsi istiqamətində görülən işlərdən danışıb. O, müzakirəyə təqdim edilən büdcə layihəsinin ölkənin sosial-iqtisadi inkişafına və vətəndaşların rifahının yüksəldilməsinə xidmət etdiyini bildirib.

Hesablama Palatasının sədri Vüqar Gülməmmədov isə 2027-ci ilin dövlət büdcəsi layihəsinə dair Palatanın rəyini təqdim edib. O, layihənin qanunvericiliyə uyğunluğu, gəlir və xərc proqnozlarının əsaslandırılması barədə məlumat verib, bəzi müddəaların təkmilləşdirilməsinə ehtiyac olduğunu diqqətə çatdırıb.

Əmək və əhalinin sosial müdafiəsi naziri Anar Əliyev 2027-ci ildə sosialyönümlü siyasətin davam etdiriləcəyini, növbəti sosial islahat paketinin həyata keçirilməsi üçün büdcədə müvafiq maliyyə təminatının yaradıldığını bildirib. Nazir Dövlət Sosial Müdafiə Fondunun, İşsizlikdən Sığorta Fondunun və İcbari Tibbi Sığorta Fondunun gəlir və xərcləri, pensiyaların proqnozlaşdırılan orta məbləği, məşğulluq tədbirləri və səhiyyə xidmətlərinin maliyyələşdirilməsi barədə məlumat verib.

İclasda komitə sədrləri və deputatlar büdcə layihəsini müsbət qiymətləndirərək, onun ayrı-ayrı istiqamətləri ilə bağlı fikir və təkliflərini səsləndiriblər. Müzakirələr zamanı qaldırılan məsələlərə maliyyə naziri Sahil Babayev və səhiyyə nazirinin müavini Rasim İsmayılov aydınlıq gətiriblər.

Müzakirələrin sonunda “Azərbaycan Respublikasının 2027-ci il dövlət büdcəsi haqqında” qanun layihəsi birinci oxunuşda baxılmaq üçün Milli Məclisin plenar iclasına tövsiyə edilib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

Kiyev vilayətində bina dronla vurulub, 14 nəfər dağıntılar altında qalıb

14:09
22 Noyabr

Azərbaycan-Vyetnam əlaqələri yüksələn xətlə inkişaf edir

13:46
22 Noyabr

Xankəndidə “Prezident kuboku” uğrunda yarışda 300-ə yaxın atlet iştirak edib

13:17
22 Noyabr

Livan Respublikasının Prezidenti Zati-aliləri General Jozef Auna  

12:50
22 Noyabr

Azərbaycan və İordaniya vətəndaşları üçün qarşılıqlı viza tələbi ləğv edilib

12:43
22 Noyabr

Azərbaycanda sabaha gözlənilən hava şəraiti açıqlanıb

12:28
22 Noyabr

Zəfər və inkişaf yolunun siyasi avanqardı: Yeni Azərbaycan Partiyası

10:57
22 Noyabr

Gəncədə YAP-ın yaradılmasının 34-cü ildönümü qeyd olunub

10:43
22 Noyabr

Azərbaycan-Vyetnam əlaqələri yeni mərhələdə

10:34
22 Noyabr

Prezident İlham Əliyevin sosial media hesablarında Vyetnama səfəri ilə bağlı daha bir videoçarx paylaşılıb VİDEO

23:39
21 Noyabr

Prezident İlham Əliyevin Vyetnama səfəri başa çatıb

22:13
21 Noyabr

Hanoy Tiсarət və Turizm Kollecində Bakı guşəsi və Azərbaycan kulinariya zonası açılıb

21:56
21 Noyabr

ABŞ Milada qədər Ukrayna və Rusiya arasında yeni sülh danışıqları təşkil etməyi planlaşdırır  

19:36
21 Noyabr

Yeni Dehlidə Azərbaycan-Nepal mədəni əməkdaşlığı müzakirə olunub  

18:21
21 Noyabr

Adil Kərimli Hindistanın mədəniyyət və turizm naziri ilə görüşüb  

17:31
21 Noyabr

Volodimir Zelenski: Rusiya Ukraynanın körpülərinə yüzdən çox hücum edib  

17:22
21 Noyabr

Küləkli hava şəraiti ilə bağlı sarı xəbərdarlıq verilib

16:38
21 Noyabr

Bakıda Kəlağayı Festivalının açılışı olub 

15:43
21 Noyabr

Azərbaycanın və Vyetnamın birinci xanımları Hanoyda İrs Evində olublar

15:31
21 Noyabr

Prezident: Xüsusilə Vətən müharibəsi dövründə Vyetnamın verdiyi dəstəyə və ədalətli mövqeyinə görə minnətdarıq 

15:03
21 Noyabr

Prezident İlham Əliyev: Vyetnam bizim üçün dost ölkə və strateji tərəfdaşdır 

14:59
21 Noyabr

ÇOX OXUNANLAR

OXUCU MƏKTUBLARI

NƏŞRLƏRİMİZ

TƏQVİM / ARXİV

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!