21 Noyabr 2026 09:45
877
Hüquq məsləhəti
A- A+
Bilmək istəyirəm

Bilmək istəyirəm


Avtomobilimin texniki baxış müddəti noyabrın 30-da sona çatır. Yeni texniki baxış üçün nə vaxt müraciət etməliyəm? Gecikdiyim halda məni nə qədər cərimə gözləyir? 


Qabil FƏRƏCLİ,

Sumqayıt şəhəri


- Sualınıza cavab olaraq bildiririk ki, qaldırdığınız məsələ həm inzibati qanunvericiliyin tələbləri, həm də sürücülərin gündəlik həyatı, büdcəsi və təhlükəsizliyi baxımından çox vacibdir. Odur ki, məsələyə peşəkar hüquqi mövqedən və qanunvericiliyin tələbləri çərçivəsində ətraflı şəkildə nəzər salaq.

"Yol hərəkəti haqqında" Azərbaycan Respublikasının Qanununun 30-cu maddəsinin II hissəsinə görə, nəqliyyat vasitələrinin sahibləri və ya nəqliyyat vasitələrinin texniki vəziyyətinə cavabdeh olan şəxslər texniki vəziyyəti dövlət standartlarının, yol hərəkəti qaydalarının tələblərinə uyğun gəlməyən, habelə müəyyənləşdirilmiş qaydada qeydə alınmamış, normativ tələblər pozulmaqla avadanlıq quraşdırılmış və ya avadanlığı dəyişdirilmiş və ya qanunla müəyyən edilmiş hallarda texniki baxışdan keçməmiş nəqliyyat vasitələrinin istismarına yol verməməlidirlər.

Həmçinin qanunun 30-cu maddəsinin VI hissəsinin tələbinə əsasən, növbəti texniki baxışın keçiriləcəyi gün müəyyən edilərkən müddətlər əvvəlki texniki baxışın keçirildiyi gündən hesablanır.

Avtomobilinizin texniki baxış müddəti 30 noyabrda bitirsə, bu o deməkdir ki, həmin tarixin sonuna qədər nəqliyyat vasitənizi müvafiq texniki baxış mərkəzlərinə aparmalı və ya elektron qaydada proseduru tamamlamalısınız. Nəzərə alın ki, 30 noyabr ayın son günüdür və ayın son günlərində mərkəzlərdə (müvafiq məntəqələrdə) uzun növbələrin, habelə gözlənilməz texniki nasazlıq riskinin mövcud olması qaçılmazdır. Odur ki, prosesi noyabrın 25-nə qədər tamamlamağınız həm vaxtınıza, həm də əsəblərinizə qənaət edəcək.

Məsuliyyət məsələsinə gəlincə, "Yol hərəkəti haqqında" Azərbaycan Respublikasının Qanununun 30-cu maddəsinin VI hissəsinin tələbinə əsasən, nəqliyyat vasitəsinin növbəti texniki baxışının keçiriləcəyi gündən 20 gün ərzində texniki baxışdan keçirilməməsi Azərbaycan Respublikasının İnzibati Xətalar Məcəlləsi ilə müəyyən edilmiş qaydada məsuliyyətə səbəb olur.

Göründüyü kimi, sizin avtomobilinizi texniki baxışdan keçirmədiyinizə görə məsuliyyətiniz texniki baxışın keçiriləcəyi gündən 20 gün sonra, yəni 20 dekabrdan sonra yaranır.

Əgər dekabrın 21-dən etibarən texniki baxışdan keçməmisinizsə, bu, Azərbaycan Respublikasının İnzibati Xətalar Məcəlləsinin müvafiq maddələri ilə tənzimlənir. Belə ki, İnzibati Xətalar Məcəlləsinin 339.1-1-ci maddəsinə əsasən, nəqliyyat vasitəsini "Yol hərəkəti haqqında" Azərbaycan Respublikasının Qanunu ilə müəyyən edilmiş müddətdə texniki baxışdan keçirmədən idarə etməyə görə - 50 (əlli) manat məbləğində cərimə edilir. 

Sürücülərin çox zaman yanıldığı əsas məqam budur: "Əgər avtomobili idarə etməsəm, qarajda saxlasam, cərimə yazılarmı?" Yol hərəkəti təhlükəsizliyinə nəzarət kameraları texniki baxış müddəti bitmiş avtomobil hərəkətdə olarkən avtomatik olaraq qeydə alır və sistem yol çəkilişində cərimə tətbiq edə bilir. 

Bundan əlavə, unutmayın ki, texniki baxış vaxtı keçmiş avtomobillə hər hansı yol-nəqliyyat hadisəsi baş verərsə, sığorta şirkətləri ilə münasibətlərdə və ya hüquqi məsuliyyətin müəyyənləşdirilməsində əlavə mürəkkəbliklər yarana bilər. Sığorta ödənişlərində problemlərlə üzləşməmək üçün sənədlərin (icbari sığorta və texniki baxış) vaxtında yenilənməsi həyati əhəmiyyət daşıyır.


Sualı cavablandırdı:

Paşa SƏFƏROV,

Azərbaycan Respublikası Vəkillər Kollegiyasının üzvü

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

Azərbaycan-Vyetnam əlaqələri yüksələn xətlə inkişaf edir

13:46
22 Noyabr

Livan Respublikasının Prezidenti Zati-aliləri General Jozef Auna  

12:50
22 Noyabr

Azərbaycanda sabaha gözlənilən hava şəraiti açıqlanıb

12:28
22 Noyabr

Zəfər və inkişaf yolunun siyasi avanqardı: Yeni Azərbaycan Partiyası

10:57
22 Noyabr

Gəncədə YAP-ın yaradılmasının 34-cü ildönümü qeyd olunub

10:43
22 Noyabr

Azərbaycan-Vyetnam əlaqələri yeni mərhələdə

10:34
22 Noyabr

Prezident İlham Əliyevin sosial media hesablarında Vyetnama səfəri ilə bağlı daha bir videoçarx paylaşılıb VİDEO

23:39
21 Noyabr

Prezident İlham Əliyevin Vyetnama səfəri başa çatıb

22:13
21 Noyabr

Hanoy Tiсarət və Turizm Kollecində Bakı guşəsi və Azərbaycan kulinariya zonası açılıb

21:56
21 Noyabr

ABŞ Milada qədər Ukrayna və Rusiya arasında yeni sülh danışıqları təşkil etməyi planlaşdırır  

19:36
21 Noyabr

Yeni Dehlidə Azərbaycan-Nepal mədəni əməkdaşlığı müzakirə olunub  

18:21
21 Noyabr

Adil Kərimli Hindistanın mədəniyyət və turizm naziri ilə görüşüb  

17:31
21 Noyabr

Volodimir Zelenski: Rusiya Ukraynanın körpülərinə yüzdən çox hücum edib  

17:22
21 Noyabr

Küləkli hava şəraiti ilə bağlı sarı xəbərdarlıq verilib

16:38
21 Noyabr

Bakıda Kəlağayı Festivalının açılışı olub 

15:43
21 Noyabr

Azərbaycanın və Vyetnamın birinci xanımları Hanoyda İrs Evində olublar

15:31
21 Noyabr

Prezident: Xüsusilə Vətən müharibəsi dövründə Vyetnamın verdiyi dəstəyə və ədalətli mövqeyinə görə minnətdarıq 

15:03
21 Noyabr

Prezident İlham Əliyev: Vyetnam bizim üçün dost ölkə və strateji tərəfdaşdır 

14:59
21 Noyabr

Vyetnam Prezidenti: Tamamilə əminəm ki, Azərbaycan bundan da böyük inkişafa nail olacaq 

14:53
21 Noyabr

To Lam: Azərbaycan həm Avropanın, həm də Asiyanın bənzərsiz mədəni irsini daşıyan inci hesab olunur VİDEO  

14:51
21 Noyabr

Hanoyda Prezident İlham Əliyevin və birinci xanım Mehriban Əliyevanın şərəfinə rəsmi nahar verilib

14:47
21 Noyabr

ÇOX OXUNANLAR

OXUCU MƏKTUBLARI

NƏŞRLƏRİMİZ

TƏQVİM / ARXİV

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!