Zəhmət ömrü uzadır, tənbəllik isə qısaldır
Ana xalanın həyat yoldaşı Abi kişi İkinci Dünya müharibəsində bir gözünü itirdikdən sonra ordudan tərxis olunmuşdu. Onu həmin illərdə bizim Təlbəyəğ kəndinə kolxoz sədri göndərmişdilər. Torpağın, zəhmət adamının qədrini bilən kişi idi.
Taxıl, kartof, çuğundur əkdirirdi, meyvə bağları saldırırdı, kəhrizlər qazdırırdı. Bulaqların suyu ilə bağlar suvarılırdı. Özü kolxozçulardan seçilmirdi. Payızda səpinçi, yayda biçinçiydi.
Ailəsini də qonşuluğumuzdakı Əlican əminin evinə köçürmüşdü. Ana xala da anama qoşulub tarlada işləməyə gedərdi. Mən Abi əminin dörd yaşlı qızı Mahirə ilə həyət-bacada oynayar, analarımızın bişirdikləri çovdar çörəyini süfrəyə qoyub şirin-şirin yeyərdik.
Bir müddət sonra Abi əmi öz kəndlərinə qayıdıb briqadir işlədi. Tale elə gətirdi ki, biz də o kənddən köçməli olduq. Aradan illər keçsə də, nə onlar bizi unutdu, nə də biz onları.
Eşidəndə ki Ana xalanın 100 yaşı tamam olur, ona baş çəkib təbrik etməyi özümə borc bildim. Yola çıxanda dağlar, dərələr ağ örpəyə bürünmüşdü. Havada şaxta vardı. Mənzil uzaq olsa da, yol rahat idi. Dövlət başçısının sərəncamı ilə Lerikdən Zuvanda asfalt yol çəkilib, dağ çayları üstə körpülər salınıb. Sərnişinlər avtobuslarda, minik maşınlarında mənzil başına vaxt itirmədən çatırlar.
Kələxan kəndindəki ikimərtəbəli evin həyət qapısında bizi Ana xalanın qızı Nazilə və oğlu Həsən qarşıladı. Yüz yaşlı ağbirçək yerindən qalxıb məni övladı kimi qucaqladı. Oturub xeyli söhbət etdik. Kəndimizdə keçirdiyi günləri xatırlayıb yadında qalanları soruşdu. Dedi ki, Abi 13 il əvvəl dünyasını dəyişib. Mahirə qonşuluqda yaşayır. Zöhrə ilə Fəridə Bakının Binə qəsəbəsində ev-eşik qurublar. Xədicə Biləsuvara gəlin köçüb. Sahəddin zəhmət adamıdır. Vaxtsız itirdiyi bir övladının adını çəkəndə göz yaşlarını saxlaya bilmədi. Toxtayıb dedi ki, 19 nəvəm var. Onlar da tez-tez mənə baş çəkir, darıxmağa qoymurlar.
Ana xala bir vaxtlar Zuvand elinin mahir xalça ustalarından olub. Toxuduğu xalçalar qızlarının, qohumlarının, neçə-neçə tanış-bilişin evini bəzəyir. Bu gün də əli işdən soyumayıb. Gücü çatan işdən yapışır, həyət-bacada çalışır, bağ-bağçada göyərti əkib-becərir, toyuq-cücə saxlayır.
Yüz yaşlı ağbirçək rayon Ağsaqqallar Şurasından, Uzunömürlülər Muzeyinin əməkdaşlarından təbriklər alıb. Uzunömürlükdən söz düşəndə zəhmət ömrü uzadır, tənbəllik isə qocaldır, - dedi.
Həmzə VƏLMƏMMƏDOV,
əməkdar jurnalist
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Pakistanın MUSLİM İnstitutunun direktoru DQİDK-da olub
04 May
Nazir müavini: Düşərgənin ilk günündən gənclərin çox maraqlı ideyalarının, layihələrinin olduğunu gö...
04 May
Azərbaycanın Moldova ilə insan hüquqları sahəsində təcrübə mübadiləsi məsələsi müzakirə edilib ...
04 May
Ərəb Dünyası İnstitutunun direktoru: Multikulturalizm Azərbaycanda həyat tərzi kimi qəbul edilib ...
04 May
AİB COP29-la əlaqədar Azərbaycan Prezidentinə müraciət ünvanlayıb
04 May
DYP “Bakı Marafonu-2024” ilə əlaqədar yol hərəkəti iştirakçılarına müraciət edib ...
04 May
Konstitusiya Məhkəməsinin Plenumunun iclasında Ali Məhkəmənin müraciəti əsasında konstitusiya işinə ...
04 May
SOCAR-ın Müşahidə Şurasının üzvləri yeni inşa olunan yaşayış kompleksi ilə tanış olublar...
04 May
Ankarada keçirilən tədbirdə Qərbi Azərbaycanla bağlı tarixi ədalətin bərpasının vacibliyi vurğulanıb...
04 May
COP29 ilə əlaqədar Təşkilat Komitəsinin üçüncü iclasında mühüm məsələlər müzakirə olunub...
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!