Yaşatmaq uğrunda fədakarlıq
21 yaşlı polis İbrahim Əlosmanov dənizdə boğulan 4 nəfəri ölümün əlindən alaraq özü qəhrəmancasına həlak olub
Xəzəri çox sevirdi. Uşaqlıqdan az qala bütün yayı dəniz sahilində keçirərdi. Yaşadığı Qala qəsəbəsi də Xəzərə yaxın olduğundan sonralar polisdə xidmətə hazırlaşdığı dönəmdə, xidmət etdiyi ilin ilk yay mövsümündə bütün asudə vaxtını burada keçirirdi. Yaxşı da üzməyi vardı.
Elə o gün də evdə darıxıb Xəzərə üz tutmuşdu. Hava küləkli idi. Xəzər yenə coşmuşdu. Dənizə girmək fikrində də deyildi. Eləcə bir az gəzib-dolaşıb evə, sonra gecə növbəsində xidmətə yollanacaqdı...
Amma qəfildən qulağına gələn çığırtını eşidib cəld səslərin gəldiyi tərəfə, dənizə üz tutdu. Qalxıb-enən dalğaların arasında dörd nəfər əl-qol ataraq görünüb itirdi. Elə paltarlı özünü coşan dənizin qoynuna atdı...
Çox keçmədən ölüm təhlükəsi ilə üz-üzə qalan o dörd nəfərin imdadına çataraq, dəryanın amansız dalğalarının əlindən alıb sahilə çıxartdı. Onlardan halsız olan birini isə elə buradaca özünə gətirdi.
Bu an ətrafdakılardan kimsə bağırdı: “Dənizdə bir nəfər də batır!”
İbrahimin əlləri, ayaqları sözünə baxmırdı, tamam taqətdən düşmüşdü, amma daha bir insanın onun köməyinə ehtiyacı vardı... Elə bu an onun da son ümid yeri İbrahim idi...
Yenidən dənizə baş vuraraq bir göz qırpımında özünü boğulan şəxsə yetirib onu suyun üzünə çıxartdı...
Lakin bu dəfə dalğalar İbrahimdən çox-çox güclüydü...
Vətənin daha bir qəhrəman oğlu gözünü qırpmadan canını el oğulları uğrunda fəda etdi. Birinci Qarabağ savaşında, sonrakı illər ərzində, Vətən müharibəsində qurbanlar vermiş Azərbaycan polisləri daha bir həmkarlarını itirdilər. Atasız bir ailənin ümid işığı söndü.
Deyirlər, oğul var evdən gedər, oğul var eldən gedər. İbrahim Əlosmanov eldən gedən oğul oldu.
Bəzən qəhrəmanları tarixin o üzündə, dastanlarda, salnamələrdə axtarırıq, amma qəhrəmanlar bu gün də bizimlədir, gözümüzün qabağında, polis, əsgər mündirinin içində böyüyüb, yetişir...
DİN Əlahiddə Çevik Polis Alayının Xüsusi Təyinatlı 2-ci Taborunun 1-ci bölüyünün komandiri, polis mayoru Rahib İsmayılov deyir ki, onun tabeliyində xidmət edən İbrahim sakit, mərifətli, işinin öhdəsindən gələn əsl azərbaycanlı balası olub: “O, otuz altı yaşlı atasını ağır xəstəlikdən itirmişdi. Buna görə də çox erkən vaxtdan ailənin bütün yükü İbrahimin çiyninə düşmüş, zəhmətlə böyümüşdü. Kiçik bacısına, on beş yaşlı qardaşına əsl ata, anasına arxa, kömək, həmkarlarına isə əsl örnək idi. İbrahimi əvvəldən tanıyanlar da deyirlər ki, hətta ondan böyüklər, yaşıdları belə onunla məsləhətləşir, fikirləri ilə hesablaşardılar. Biz də onun gələcəyinə böyük ümidlərlə baxırdıq...”
Amma tale İbrahimin alnına gənc yaşda qəhrəmana çevrilərək haqq dünyasına qovuşmağı yazmışdı...
Fədakarlığı, qəhrəmanlığı qəlbində, düşüncəsində, iç dünyasında daşıyaraq böyümüş, zamanı gələndə isə heç düşünmədən bu ali hisslər bir cana yaşam vermək uğrunda heç düşünmədən özünü qurban vermişdi...
Və bir daha sübut etmişdi ki, Vətən, xalq bu cür cəsur övladların sayəsində daim var olur...
Ülkər XASPOLADOVA,
“Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Pakistanın MUSLİM İnstitutunun direktoru DQİDK-da olub
04 May
Nazir müavini: Düşərgənin ilk günündən gənclərin çox maraqlı ideyalarının, layihələrinin olduğunu gö...
04 May
Azərbaycanın Moldova ilə insan hüquqları sahəsində təcrübə mübadiləsi məsələsi müzakirə edilib ...
04 May
Ərəb Dünyası İnstitutunun direktoru: Multikulturalizm Azərbaycanda həyat tərzi kimi qəbul edilib ...
04 May
AİB COP29-la əlaqədar Azərbaycan Prezidentinə müraciət ünvanlayıb
04 May
DYP “Bakı Marafonu-2024” ilə əlaqədar yol hərəkəti iştirakçılarına müraciət edib ...
04 May
Konstitusiya Məhkəməsinin Plenumunun iclasında Ali Məhkəmənin müraciəti əsasında konstitusiya işinə ...
04 May
SOCAR-ın Müşahidə Şurasının üzvləri yeni inşa olunan yaşayış kompleksi ilə tanış olublar...
04 May
Ankarada keçirilən tədbirdə Qərbi Azərbaycanla bağlı tarixi ədalətin bərpasının vacibliyi vurğulanıb...
04 May
COP29 ilə əlaqədar Təşkilat Komitəsinin üçüncü iclasında mühüm məsələlər müzakirə olunub...
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!