XXIV Avrasiya İqtisadi Zirvəsi - Ələt Azad İqtisadi Zonası böyük perspektivə malik beynəlxalq layihədir
Azərbaycanın dəstəyi və Mərmərə Qrupu Strateji və Sosial Araşdırmalar Vəqfinin təşkilatçılığı ilə İstanbulda keçirilən XXIV Avrasiya İqtisadi Zirvəsi çərçivəsində “Mədəniyyətdə və sosial həyatda yeni üfüqlər: daha yeni başlanğıclar” mövzusunda panel iclası keçirilib.
AZƏRTAC xəbər verir ki, bu panel Avropa-Qafqaz-Asiya və Şimal-Cənub nəqliyyat dəhlizinin strateji coğrafi əhəmiyyəti əsasında Prezident İlham Əliyev tərəfindən iyulun 1-də təməli qoyulan Ələt Azad İqtisadi Zonasına həsr olunub. Mövzu ətrafında geniş məruzə edən Ələt Azad İqtisadi Zonasının səlahiyyətli qurumunun İdarə Heyətinin sədri Valeh Ələsgərov Azərbaycanın həyata keçirdiyi bu nəhəng beynəlxalq layihənin məqsəd və hədəflərini iştirakçılara çatdırıb.
Ələt Azad İqtisadi Zonasının coğrafi vəziyyətinin əlverişli-dənizin kənarında, dəniz limanının yaxınlığında yerləşdiyini, kifayət qədər böyük ərazini əhatə etdiyini, bu layihənin böyük tranzit və ixrac imkanlarına malik olduğunu diqqətə çatdıran V.Ələsgərov vurğulayıb ki, hazırda qarşıda duran mühüm vəzifələrdən biri xaricdən potensial investorları bölgəyə cəlb etməkdir. Ələt Azad İqtisadi Zonasının böyük perspektivə malik beynəlxalq iqtisadi layihə olduğunu ifadə edən V.Ələsgərov bu sahədə əməkdaşlığın əhəmiyyətini yüksək dəyərləndirib, sərmayəçi, ixracatçı və tranzit nəqletmələr üçün vəd edilən böyük güzəştlər barədə geniş məlumat verib.
Sonra panelin sədarətində təmsil olunan Mərmərə Qrupu Strateji və Sosial Araşdırmalar Vəqfinin sədri, professor Akkan Suver Ələt Azad İqtisadi Zonasının strateji əhəmiyyəti və V.Ələsgərov məruzəsində yer alan mühüm məqamlara dair şərh verərək vurğulayıb ki, bu layihə Azərbaycanın həyata keçirdiyi digər layihələrin davamı kimi beynəlxalq ictimaiyyət və sərmayəçilər, biznes və iş dünyası tərəfindən maraqla qarşılanacaq. Əsas məqsəd Azərbaycan iqtisadiyyatında qeyri-neft sektorunu rolunu yüksəltmək, enerji, nəqliyyat, tranzit daşımalar və logistikada sərmayənin genişləndirilməsi sayəsində ən yüksək dünya standartlarına uyğun mühit formalaşdırmaqdır. Bütün tədbirlər beynəlxalq mühitdə rəqabətədavamlı iqtisadiyyata nail olmaq dayanır.
Paneldə Prezident İlham Əliyevin Azərbaycanı beynəlxalq rəqabətə davamlı iqtisadi yüksəlişə yönəltməsi siyasəti təhlil edilib.
V.Ələsgərov məruzəsindən sonra Monqolustan parlamentinin sədri Zandanshatar Gombajav, Rumıniyanın şahzadəsi Radu Al Romaniei, Türkmənistanın maliyyə və iqtisadiyyat nazirinin müavini Rövşən Nuragdyyev, Çin Xarici İşlər İnstitutunun rəhbərinin müavini, səfir Ou Boqian, ABŞ-da fəaliyyət göstərən dünyada Sülh və Sevgi Federasiyasının sədri Hong Tao-tze və başqaları çıxış ediblər.
Həmçinin Türk Hava Yollarının (THY) çoxistiqamətli fəaliyyətinə dair təqdimat keçirilib.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Pakistanın MUSLİM İnstitutunun direktoru DQİDK-da olub
04 May
Nazir müavini: Düşərgənin ilk günündən gənclərin çox maraqlı ideyalarının, layihələrinin olduğunu gö...
04 May
Azərbaycanın Moldova ilə insan hüquqları sahəsində təcrübə mübadiləsi məsələsi müzakirə edilib ...
04 May
Ərəb Dünyası İnstitutunun direktoru: Multikulturalizm Azərbaycanda həyat tərzi kimi qəbul edilib ...
04 May
AİB COP29-la əlaqədar Azərbaycan Prezidentinə müraciət ünvanlayıb
04 May
DYP “Bakı Marafonu-2024” ilə əlaqədar yol hərəkəti iştirakçılarına müraciət edib ...
04 May
Konstitusiya Məhkəməsinin Plenumunun iclasında Ali Məhkəmənin müraciəti əsasında konstitusiya işinə ...
04 May
SOCAR-ın Müşahidə Şurasının üzvləri yeni inşa olunan yaşayış kompleksi ilə tanış olublar...
04 May
Ankarada keçirilən tədbirdə Qərbi Azərbaycanla bağlı tarixi ədalətin bərpasının vacibliyi vurğulanıb...
04 May
COP29 ilə əlaqədar Təşkilat Komitəsinin üçüncü iclasında mühüm məsələlər müzakirə olunub...
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!