Təşəbbüsçü yenə Azərbaycandır Bakıda “OPEC plus” əməkdaşlığı çərçivəsində növbəti görüş keçirilib
Neft bazarında balansı qorumaq və qiymət sabitliyinə nail olmaq məqsədilə Azərbaycan "OPEC plus” əməkdaşlığı sahəsində fəal rolunu davam etdirir. Ölkəmizin həmin formatda keçirilən tədbirlərə evsahibliyi etməsi bunun parlaq sübutudur. Bu il martın 18-də Bakıda növbəti tədbir - OPEC və qeyri-OPEC ölkələrinin Nazirlərinin Birgə Monitorinq Komitəsinin (JMMC) 13-cü iclası keçirilib.
"OPEC plus” formatının yaradılması təşəbbüsü ilə ilk dəfə Azərbaycan Respublikasının Prezidenti İlham Əliyev çıxış edib.
"OPEC üzvləri və OPEC üzvü olmayan böyük istehsalçılar arasında istehsalın azaldılması istiqamətində daha yaxşı koordinasiya olsa, nəticə əldə edilə bilər”. Azərbaycanın dövlət başçısı bu təşəbbüsü hələ 2016-cı ilin əvvəlində Davos Forumunda irəli sürüb. Prezident İlham Əliyev, həmçinin OPEC və qeyri-OPEC ölkələrinin tədbirlərinin Bakıda keçirilməsini təklif edib.
Bu təkliflərin məmnuniyyətlə qəbul edilməsi Azərbaycan Prezidentinə bəslənən böyük hörmətin, o cümlədən dövlətimizin enerji siyasətinə verilən yüksək qiymətin təzahürüdür.
"OPEC plus” formatı çərçivəsində tədbirlərin Bakıda keçirilməsi böyük məna daşıyır. Azərbaycan neftin vətənidir və müstəqilliyini bərpa edəndən sonra bunu bir daha təsdiqləyən qlobal neft-qaz layihələrinə imza atıb. Hazırda ölkəmizin təşəbbüsü və liderliyi ilə həyata keçirilən layihələr dünyanın ən iri layihələri sırasındadır. Azərbaycan mükəmməl beynəlxalq tərəfdaşlıq və əməkdaşlıq formatı yaradıb ki, bu da ölkəmizin dünyadakı nüfuzunu daha da artırır.
JMMC-nin 13-cü iclasının iştirakçıları da tədbirin məhz Bakıda keçirilməsinin əhəmiyyətini vurğulayıblar. Həm qədim neft ölkəsi, həm də "OPEC plus” formatında əməkdaşlığın fəal iştirakçısı olduğu üçün Azərbaycanın bu tədbirlərə evsahibliyi etməsinin yerinə düşdüyünü bildiriblər.
Tədbirdə Azərbaycanın energetika naziri Pərviz Şahbazov "OPEC plus” formatı yaradılandan bəri ölkəmizin öz öhdəliklərini müvəffəqiyyətlə və tam yerinə yetirdiyini bəyan edib.
Energetika Nazirliyi tərəfindən, eləcə də bu ilin fevral ayında neft hasilatı ilə bağlı məlumatlar OPEC-in Birgə Monitorinq Komitəsinin Müştərək Texniki Komissiyasına (JTC) təqdim olunub. Belə ki, keçən ay ölkədə gündəlik neft hasilatı 806 min barel təşkil edib. Bunun 722 min bareli xam neft, 84 min bareli kondensatdan ibarət olub. Gündə 572,9 min barel xam neft, 84 min barel kondensat, 18 min barel neft məhsulları ixrac edilib. Ötən il isə gündəlik neft hasilatı 792,6 min barel olub.
Qeyd edək ki, JTC-nin 27-ci iclası bu il martın 17-də Bakıda keçirilib. Bu səbəbdən də JMMC-nin toplantısında OPEC-in bazarın inkişaf tempinin təhlili əsasında hazırlanmış təqdimatı ilə yanaşı, JTC-nin fevral ayı üzrə hasilat göstəricilərindən bəhs edən hesabatının və qlobal neft bazarında son inkişafların müzakirə olunması da təsadüfi deyil.
JMMC-nin iclasının yekununda mətbuat konfransı da keçirilib. Səudiyyə Ərəbistanının energetika, sənaye və təbii sərvətlər naziri Xalid Əbdüləziz Əl Falih bildirib ki, OPEC-ə üzv və kartelə daxil olmayan bəzi ölkələrlə əldə edilən neft hasilatının azalmasına dair sazişin şərtlərinin icrası fevral ayında 90 faiz səviyyəsinə çatıb. Həmçinin JMMC-nin neft bazarında beş verən proseslərdən razı olduğu qeyd edilib. Nəzərə çatdırılıb ki, dörd ölkə - İraq, Qazaxıstan, Nigeriya və Birləşmiş Ərəb Əmirlikləri komitənin üzvləri sırasına daxil olublar.
Xatırladaq ki, keçən il dekabrın 7-də Vyanada keçirilən görüşdə OPEC-ə üzv və qeyri-üzv dövlətlərin nazirləri neft hasilatının gündəlik həcminin 1,2 milyon barel azaldılması barədə razılığa gəlmişlər. Yeni qərara əsasən, bu ilin əvvəlindən Azərbaycan sutkalıq hasilatın 20 min barel azaldılması haqqında öhdəlik götürüb.
JMMC və JTC-nin növbəti iclasları isə bu ilin may ayında Ciddədə keçiriləcək.
Flora SADIQLI,
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Pakistanın MUSLİM İnstitutunun direktoru DQİDK-da olub
04 May
Nazir müavini: Düşərgənin ilk günündən gənclərin çox maraqlı ideyalarının, layihələrinin olduğunu gö...
04 May
Azərbaycanın Moldova ilə insan hüquqları sahəsində təcrübə mübadiləsi məsələsi müzakirə edilib ...
04 May
Ərəb Dünyası İnstitutunun direktoru: Multikulturalizm Azərbaycanda həyat tərzi kimi qəbul edilib ...
04 May
AİB COP29-la əlaqədar Azərbaycan Prezidentinə müraciət ünvanlayıb
04 May
DYP “Bakı Marafonu-2024” ilə əlaqədar yol hərəkəti iştirakçılarına müraciət edib ...
04 May
Konstitusiya Məhkəməsinin Plenumunun iclasında Ali Məhkəmənin müraciəti əsasında konstitusiya işinə ...
04 May
SOCAR-ın Müşahidə Şurasının üzvləri yeni inşa olunan yaşayış kompleksi ilə tanış olublar...
04 May
Ankarada keçirilən tədbirdə Qərbi Azərbaycanla bağlı tarixi ədalətin bərpasının vacibliyi vurğulanıb...
04 May
COP29 ilə əlaqədar Təşkilat Komitəsinin üçüncü iclasında mühüm məsələlər müzakirə olunub...
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!