Qış məktəbinin iştirakçıları Bakı Beynəlxalq Multikulturalizm Mərkəzində olublar
Fevralın 21-də (BBMM) "Azərbaycan multikulturalizminin ədəbi-bədii qaynaqları” VIII Beynəlxalq Multikulturalizm Qış Məktəbinin iştirakçıları Bakı Beynəlxalq Multikulturalizm Mərkəzində (BBMM) olublar.
AZƏRTAC xəbər verir ki, dünyanın 16 ölkəsinin aparıcı universitetlərində təhsil alan tələbələrin cəlb olunduğu layihənin iştirakçıları BBMM-in Himayəçilər Şurasının sədri, akademik Kamal Abdullayev və Azərbaycan Respublikası Prezidenti Administrasiyasının millətlərarası münasibətlər, multikulturalizm və dini məsələlər şöbəsinin müdiri Etibar Nəcəfovla görüşüblər.
Ölkəmizdə multikultural ənənələrin qorunub saxlanması, təbliği ilə bağlı mühüm layihələrin həyata keçirildiyini deyən K.Abdullayev Azərbaycan dövlətinin multikulturalizm siyasətindən və bu sahədə əldə olunan nailiyyətlərdən söz açıb. Prezident İlham Əliyevin təşəbbüsü ilə Beynəlxalq multikulturalizm qış və yay məktəblərinin keçirildiyini deyən K.Abdullayev bildirib ki, multikultural ənənələrin qorunması və inkişaf etdirilməsi Azərbaycanın dövlət siyasətinin əsas istiqamətlərindəndir. Dövlətimizin qarşıya qoyduğu hədəf kimi bu istiqamətdə mühüm layihələr həyata keçirilir, azərbaycanlı tələbə gənclərlə xarici həmkarları arasında sıx əlaqələrin və səmimi dostluq münasibətlərinin qurulmasında mühüm addımlar atılır.
Qeyd olunub ki, ildə iki dəfə təşkil edilən beynəlxalq multikulturalizm qış və yay məktəblərinin məqsədi Azərbaycan multikulturalizmini öyrənən tələbələrin nəzəri şəkildə öyrəndiklərini multikultural və tolerant dəyərlərin qorunduğu ölkəmizdə öz gözləri ilə görüb şahid olmasına şərait yaratmaqdır.
Almaniya, İtaliya, Portuqaliya, İndoneziya, Rusiya, Gürcüstan və digər xarici ölkələrdəki universitetlərdə BBMM tərəfindən Azərbaycan multikulturalizmi fənninin tədris olunduğunu söyləyən K.Abdullayev bildirib ki, Azərbaycan dilinin, mədəniyyətinin, ədəbiyyatının, incəsənətinin, ictimai-siyasi vəziyyətinin, ölkəmizlə bağlı bütün həqiqətlərin öyrənilməsində bu fənnin əhəmiyyəti olduqca böyükdür. Daha sonra bu universitetlərin tələbələri Azərbaycandakı multikultural mühitlə tanış olmaq məqsədilə ölkəmizə dəvət edilir və səkkizinci dəfədir keçirilən multikulturalizm məktəbinin təşkil olunması bunun əyani sübutudur.
K.Abdullayev deyib: "Bizim məqsədimiz odur ki, azərbaycanlı və xarici gənclər arasında sıx əlaqələr qış və yay məktəbləri başa çatdıqdan sonra da davam etsin. Ümidvaram ki, bu münasibətlər və səmimi dostluq əlaqələri bundan sonra da davam edəcək. Arzu edərdim ki, siz gənclər mənim Vətənim Azərbaycanı da öz ölkəniz kimi sevəsiniz. Qış və yay məktəblərinin iştirakçıları gələcəkdə Azərbaycanla bağlı əlaqələrini bizim mərkəz vasitəsilə qura bilərlər”.
Yay və qış məktəblərində iştirak edən tələbələrin mərkəzin nəzdində "Azərbaycanın gənc dostları klubu”nu yaratdıqlarını deyən BBMM-in Himayəçilər Şurasının sədri gənclərə həmin kluba üzv olmağı arzulayıb.
Tədbirdə çıxış edən Etibar Nəcəfov bildirib ki, Azərbaycanda keçirilən çoxlu beynəlxalq tədbirlər multikulturalizmdən, tolerantlıq ənənələrinin inkişafından xəbər verir və ölkəmizdə bu sahəyə böyük diqqət ayrılır. O, VIII Beynəlxalq Multikulturalizm Qış Məktəbinin proqramı, bağlanış mərasimi barədə məlumat verib, səfər müddətində iştirakçılarla keçirilən görüşlərdən söz açıb.
Yunanıstan, Braziliya, Bosniya və Herseqovina, İspaniya, Nepal, Gürcüstan, Afrika, Serbiya, Yaponiya və digər ölkələrdən olan iştirakçılar Qış məktəbinin proqramından və onlar üçün yaradılan şəraitdən razı qaldıqlarını söyləyib, Azərbaycan hökumətinə, BBMM-ə minnətdarlıqlarını bildiriblər. Səfər çərçivəsində olduqları məkanlardan xoş təəssüratlarla ayrılan qonaqlar xalqımızın qonaqpərvərliyini xüsusi qeyd ediblər.
Sonra Qış məktəbinin iştirakçılarının sualları cavablandırılıb.
Qeyd edək ki, Qış məktəbində Azərbaycan, Gürcüstan, Çexiya, Almaniya, Serbiya, Hindistan, Bosniya və Herseqovina, Avstriya, Yaponiya, İspaniya, Tacikistan, Yunanıstan, Portuqaliya, Rusiya, Bolqarıstan, San Tome və Prinsipi Demokratik Respublikası, Braziliya kimi ölkələrin tələbələri iştirak edirlər. Qış məktəbinin iştirakçılarına Azərbaycandakı multikultural durum, tolerant əhval-ruhiyyə, etnik-dini müxtəliflik, ölkəmizdə müxtəlif xalqların nümayəndələrinin, fərqli konfessiyaların dinc yanaşı yaşaması haqqında mühazirələr oxunub.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Xankəndi Şəhər Prokurorluğunun yaradılması haqqında
05 May
"Azərbaycan Respublikası Hökuməti ilə Türkiyə Respublikası Hökuməti arasında baytarlıq sahəsində əmə...
05 May
"Azərbaycan Respublikası Hökuməti ilə Türkiyə Respublikası Hökuməti arasında gəlirlərə görə vergilər...
05 May
“Elektrik gücü çatmadıqda, sistemin dayanıqlılığını təmin etmək üçün elektrik enerjisinin təminatına...
05 May
“Azərbaycan Respublikası Əmək və Əhalinin Sosial Müdafiəsi Nazirliyinin kollegiyasının tərkibi haqqı...
05 May
`"Azərbaycan Xəzər Dəniz Gəmiçiliyi" Qapalı Səhmdar Cəmiyyəti balansında olan gəmilər üçün müxtəlif...
05 May
Azərbaycanla Qambiya diplomatik pasport sahibləri üçün viza tələbini aradan qaldırıb
04 May
IOFS-in baş direktoru Azərbaycanın beynəlxalq yardım fəaliyyəti barədə məlumatlandırılıb...
04 May
İƏT Sammitində Ermənistan İslam irs nümunələrinin dağıdılmasına görə bir daha qınanılıb ...
04 May
“Real Madrid” 36-cı dəfə İspaniya çempionu olub
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!