Orman Əliyev: “Arzu Əliyevanın festivalın xüsusi mükafatına layiq görülməsi çox qürurverici xəbər oldu”
“Türkiyənin Mədəniyyət və Turizm Nazirliyi tərəfindən keçirilən “Korkut Ata” Film Festivalında Bakı Media Mərkəzi öz istehsalı olan üç filmlə iştirak edirdi və eyni zamanda bizim Qarabağ Zəfərinə həsr olunan filmimiz festivalın final günündə tamaşaçılara təqdim olundu. Bu, bizim üçün xüsusi əhəmiyyət daşıyır. “BİZ” filminin müəllifi və rejissoru mənəm. “BİZ” filmi Qarabağ müharibəsi zamanı fenomenə çevrilən videoların müəlliflərinə həsr olunub və eyni zamanda sadə insanların dili ilə müharibədə Azərbaycan xalqının keçirdiyi hisslərdən danışır. Bakı Media Mərkəzinin bu illər ərzində istehsal etdiyi daha bir neçə film festivalda iştirak edib. Mədəniyyət Nazirliyi tərəfindən istehsal olunan Hilal Baydarovun filmi ən yaxşı film nominasiyasında qalib oldu. Bu da bizim üçün çox qürurverici bir xəbər oldu”.
Bu fikirləri İstanbulda AZƏRTAC-a müsahibəsində Bakı Media Mərkəzinin icraçı direktoru Orman Əliyev bildirib.
“BİZ” filminin çəkilişləri haqqında danışan Orman Əliyev deyib: “Əslində, çəkilişlər bütün çəkiliş qrupu üçün travmatik idi. Biz bəzən bir insanın çəkilişinə iki-üç saat vaxt sərf edirdik və o zaman ərzində həmin insanın yaşadığı duyğuları toplayırdıq. Ümumiyyətlə, film duyğular və hisslər üzərində qurulub. Biz daxilimizdə bu filmi “emosiyalar ensiklopediyası” adlandırırdıq. Hesab edirik ki, sadə insanların dili, onların əhvalatları, onların danışığı ilə belə bir formatda film daha çox insanların sevgisini, rəğbətini qazana bilər. Çəkilişlər çox çətin idi. Lakin, gördüyünüz kimi, biz bir müəllif olaraq heç bir kadrarxası mətndən istifadə etməmişik. Orada xüsusi mahnılardan, musiqilərdən də istifadə edilməyib. Yalnız sosial şəbəkələrdə istifadə olunan mahnılar idi və bir musiqi ambiansları var idi. Bütün bunları deməkdə məqsədim, biz bir müəllif olaraq bu mövzuda heç bir manipulyasiya etmək istəmədik. Bu mövzunu sadə insanların dili ilə tamaşaçıların öz ixtiyarına verdik və istədik ki, film səmimi alınsın. Mən hesab edirəm ki, film səmimiliyinə görə sevilir və bəyənilir”.
Bakı Media Mərkəzinin fəaliyyətinə toxunan müsahibimiz deyib: “Bildiyiniz kimi, Bakı Media Mərkəzi səkkiz ildir fəaliyyət göstərir. Bu səkkiz ildə biz kommersiya fəaliyyətindən əlavə olaraq bədii filmlərə də önəm veririk və bir çox bədii film hazırlamışıq. Müxtəlif mövzularda Azərbaycan mədəniyyəti, tarixi, multikulturalizmi, Azərbaycanın dəyərlərini beynəlxalq səviyyədə, xarici ölkələrdə göstərən ona yaxın film hazırlayıb, ərsəyə gətirmişik. Artıq qeyd etdiyim kimi, Bakı Media Mərkəzinin üç filmi bu festivalda iştirak edirdi və festivalın münsiflər heyətinin qərarı ilə Bakı Media Mərkəzinin rəhbəri Arzu xanım Əliyeva türk dünyasına və türk mədəniyyətinə verdiyi töhfələrə görə festivalın xüsusi mükafatına layiq görüldü. Bu da biz, Bakı Media Mərkəzinin bütün heyəti üçün çox qürurverici bir xəbər oldu”.
2023-cü ildə Şuşada keçirilməsi nəzərdə tutulan “Korkut Ata” Film Festivalında Bakı Media Mərkəzinin iştirakının nəzərdə tutulan sahələri haqqında danışan O.Əliyev mərkəzin televiziya yayımı ilə də məşğul olduğunu xatırladıb: “Biz bu vaxta qədər Şuşada keçirilən bir çox tədbirləri işıqlandırmışıq, onun televiziya yayımını təşkil etmişik. Bunlardan sonuncusu Prezident İlham Əliyevin Şuşada hərbçilərlə görüşü idi. Onu da Bakı Media Mərkəzi yayımlayırdı. Ondan öncə isə hər birimizin xatırladığı Şuşada keçirilən “Xarıbülbül” Musiqi Festivalını da biz çəkirdik. Şuşada və Bakıda keçirilən atəşfəşanlıqların da canlı yayımını Bakı Media Mərkəzi təşkil etmişdi. Güman edirik ki, gələn dəfə “Korkut Ata” Film Festivalı Şuşada keçirildikdə orada da Bakı Media Mərkəzi ən azından yayımı təşkil edə bilər. Amma mən çox istəyirəm ki, o vaxta qədər biz bir çox maraqlı, yeni mövzularda filmlər ərsəyə gətirək və həmin filmlərlə də festivalda iştirak edək”.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Pakistanın MUSLİM İnstitutunun direktoru DQİDK-da olub
04 May
Nazir müavini: Düşərgənin ilk günündən gənclərin çox maraqlı ideyalarının, layihələrinin olduğunu gö...
04 May
Azərbaycanın Moldova ilə insan hüquqları sahəsində təcrübə mübadiləsi məsələsi müzakirə edilib ...
04 May
Ərəb Dünyası İnstitutunun direktoru: Multikulturalizm Azərbaycanda həyat tərzi kimi qəbul edilib ...
04 May
AİB COP29-la əlaqədar Azərbaycan Prezidentinə müraciət ünvanlayıb
04 May
DYP “Bakı Marafonu-2024” ilə əlaqədar yol hərəkəti iştirakçılarına müraciət edib ...
04 May
Konstitusiya Məhkəməsinin Plenumunun iclasında Ali Məhkəmənin müraciəti əsasında konstitusiya işinə ...
04 May
SOCAR-ın Müşahidə Şurasının üzvləri yeni inşa olunan yaşayış kompleksi ilə tanış olublar...
04 May
Ankarada keçirilən tədbirdə Qərbi Azərbaycanla bağlı tarixi ədalətin bərpasının vacibliyi vurğulanıb...
04 May
COP29 ilə əlaqədar Təşkilat Komitəsinin üçüncü iclasında mühüm məsələlər müzakirə olunub...
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!