Firavanlığın birinci şərti
Mən taleyimi torpağa bağlamış sadə insanlardan biriyəm. Ailəmi də öz halal zəhmətimlə dolandırır və bundan qürur duyuram. Torpaqla dostluq, sözün əsl mənasında, mənə hər şey verib. Hər cür rahatlığı, müasir məişət avadanlıqları olan geniş, yaraşıqlı ikimərtəbəli evim var. Əkin-biçindən götürdüyüm qazancla "Prado" markalı avtomobil də almışam.
Torpaqla ünsiyyətimin tarixi 35 il əvvələ gedib çıxır. Sovet dövründə Bərdə rayonundakı "Sosializm" kolxozunda briqadir işləyirdim. Pambıq əkib-becərir, bol məhsul istehsal edirdik. Hər ili yüksək nailiyyətlərlə başa vururduq. Respublikamız müstəqillik qazanandan sonra torpaq islahatı keçiriləndə dərk etdim ki, arzuladığım dövran yetişib. Odur ki, torpaqdan daha möhkəm yapışdım. Rayonumuzda ilk kəndli-fermer təsərrüfatlarından birini yaratdım. Dövlətin qayğısı, köməyi isə bizə qol-qanad verdi. Köhnə briqadanın fəal, işgüzar üzvlərini başıma yığıb işə başladım.
Bizim "Rüstəm" kəndli-fermer təsərrüfatı toxumçuluq üzrə ixtisaslaşıb. İstifadəmizdə olan 69 hektar sahənin çox hissəsində toxumluq taxıl əkib-becəririk. Yetişdirdiyimiz toxum nəinki Bərdədə, hətta qonşu rayonların əkinçiləri tərəfindən də rəğbətlə qarşılanır. Özüm ali təhsilli aqronomam. İşimizlə elmlə təcrübəni düzgün əlaqələndirəndə çox vaxt yaxşı alınır, yüksək nəticələr əldə edirik. Bu ilki nəticələr də ürəkaçandır. Hər hektarın məhsuldarlığını 42,7 sentnerə çatdırdıq, bütövlükdə 295 ton yüksək keyfiyyətli taxıl istehsal edib, yaxşı qazanc götürdük. Dövlət də taxıl əkənlərə hər hektar hesabı ilə yaxşı subsidiya verir, mineral gübrələri yarı qiymətinə almağımıza şərait yaradır. Bu isə özlüyündə taxılçı əməyini stimullaşdırır, bizi torpağa daha möhkəm tellərlə bağlayır.
Qazandığımız nailiyyətlərlə arxayınlaşmır, yeni uğurlara can atırıq. Çörək süfrəmizin müqəddəs neməti, eyni zamanda, and yerimizdir. Onun bolluğu firavanlığın, xoş güzəranın birinci şərtidir. İndi gələn ilin qayğıları ilə yaşayırıq.
Əli MUSTAFAYEV,
Bərdə rayonu
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Pakistanın MUSLİM İnstitutunun direktoru DQİDK-da olub
04 May
Nazir müavini: Düşərgənin ilk günündən gənclərin çox maraqlı ideyalarının, layihələrinin olduğunu gö...
04 May
Azərbaycanın Moldova ilə insan hüquqları sahəsində təcrübə mübadiləsi məsələsi müzakirə edilib ...
04 May
Ərəb Dünyası İnstitutunun direktoru: Multikulturalizm Azərbaycanda həyat tərzi kimi qəbul edilib ...
04 May
AİB COP29-la əlaqədar Azərbaycan Prezidentinə müraciət ünvanlayıb
04 May
DYP “Bakı Marafonu-2024” ilə əlaqədar yol hərəkəti iştirakçılarına müraciət edib ...
04 May
Konstitusiya Məhkəməsinin Plenumunun iclasında Ali Məhkəmənin müraciəti əsasında konstitusiya işinə ...
04 May
SOCAR-ın Müşahidə Şurasının üzvləri yeni inşa olunan yaşayış kompleksi ilə tanış olublar...
04 May
Ankarada keçirilən tədbirdə Qərbi Azərbaycanla bağlı tarixi ədalətin bərpasının vacibliyi vurğulanıb...
04 May
COP29 ilə əlaqədar Təşkilat Komitəsinin üçüncü iclasında mühüm məsələlər müzakirə olunub...
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!