Əl işdən soyumur
Baharın gəlişi həyatı canlandırıb. Təbiətin oyanması ilə dağlar, dərələr, düzənlər yaşıllaşıb. Amma bahar daha çox kənd adamlarının fəslidir. Əkən kim, becərən kim, biçinə hazırlaşan kim, bir sözlə, hamı çöldə, hamı iş başındadır.
Ağsu rayonunda da mövsümi işlərin qızğın çağıdır. Rayon Dövlət Aqrar İnkişaf Mərkəzinin direktoru İlqar Hüseynov deyir ki, çiyid səpini yekunlaşıb. Keçən il əkin iyun ayına kimi davam etsə də, bu il aprelin 14-dən başlandı. Qısa müddətdə 1000 hektar sahədə pambıq əkildi. Havalar yağıntılı keçməsəydi, çiyid səpinini daha tez yekunlaşdırmaq olardı. Səpin aparılan sahələrdən 450 hektarında çıxış var. Qalan ərazilərdə də vəziyyət qənaətbəxşdir.
Cari mövsüm rayonun 14 kəndində pambıq əkilib. 91 fermer "P-Aqro” MMC ilə müqavilə bağlayıb. Bu qurumun texniki təminatı əkin kampaniyası başlamazdan əvvəl təmin edilib.
Taxıla gəldikdə bu il əvvəlki illə müqayisədə xeyli çox - 36 min hektar sahədə taxıl əkilib. Bundan əlavə, cari ildə təxminən 300 hektar sahədə sarımsaq əkilib. İmişli Şəkər Zavodu ilə bağlanan müqavilə əsasında 43 hektarda şəkər çuğunduru yetişdirilir. Ərəbmehdibəy kəndində isə 30 hektar sahədə çəltik əkilib.
Rayonda kümçülüyə maraq çoxdur. Əhaliyə 400 qutu ipəkqurdu toxumu verilib. İpəkqurdunun saxlanılması üçün nəzərdə tutulan yerlərdə zəruri şərait yaradılıb. Yem bazası sarıdan da problem yoxdur. Son 3 ildə əlavə 75 min tut tingi gətirilərək toxmacarlıq salınıb.
Arı ailələrinin uçota alınması istiqamətində də işlər icra olunur. Bu da əsasən subsidiyanın verilməsində şəffaflığın təmin olunmasından irəli gəlir.
Ərəbuşağı kəndinin bələdiyyə sədri Balafəndi Fərəcov deyir ki, 2 min 500-ə qədər əhalisi olan kənddə əsas məşğuliyyət sahələri heyvandarlıq və əkinçilikdir. Hər iki sahədən qazanc pis olmur. Məsələn, kənd sakini Sənan Səlimov keçən il 50 hektarda pambıq əkib və 118 ton məhsul götürüb. Qazancından məmnundur. Kəndin təxminən 110 sakinini isə pambığın becərilməsinə və yığımına cəlb edir. Onlar da aldıqları əməkhaqqından razıdırlar.
Sənan kümçülükdə də uğur qazanıb. Dediyinə görə, bu sahədə təcrübəsi var. Valideynləri ipəkqurdu bəsləyiblər. Bu təcrübə sayəsində keçən il 520 kiloqram barama istehsal edib.
Fermer keçən il 4 ton sarımsaq da yetişdirib. Sarımsaq təzə çıxan zaman məhsulun xeyli hissəsini münasib qiymətə satıb. Qalan hissəsini isə toxumluq saxlayaraq yenidən əkib.
Sənan həyətyanı təsərrüfatından da istifadə edir. Şəxsi təsərrüfatında saxladığı cins inəklərlə yanaşı, həyət quşları da var. İstixanada paxla və xiyar da yetişdirir.
Əli SƏLİMOV,
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Xankəndi Şəhər Prokurorluğunun yaradılması haqqında
05 May
"Azərbaycan Respublikası Hökuməti ilə Türkiyə Respublikası Hökuməti arasında baytarlıq sahəsində əmə...
05 May
"Azərbaycan Respublikası Hökuməti ilə Türkiyə Respublikası Hökuməti arasında gəlirlərə görə vergilər...
05 May
“Elektrik gücü çatmadıqda, sistemin dayanıqlılığını təmin etmək üçün elektrik enerjisinin təminatına...
05 May
“Azərbaycan Respublikası Əmək və Əhalinin Sosial Müdafiəsi Nazirliyinin kollegiyasının tərkibi haqqı...
05 May
`"Azərbaycan Xəzər Dəniz Gəmiçiliyi" Qapalı Səhmdar Cəmiyyəti balansında olan gəmilər üçün müxtəlif...
05 May
Azərbaycanla Qambiya diplomatik pasport sahibləri üçün viza tələbini aradan qaldırıb
04 May
IOFS-in baş direktoru Azərbaycanın beynəlxalq yardım fəaliyyəti barədə məlumatlandırılıb...
04 May
İƏT Sammitində Ermənistan İslam irs nümunələrinin dağıdılmasına görə bir daha qınanılıb ...
04 May
“Real Madrid” 36-cı dəfə İspaniya çempionu olub
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!