Dünya Azərbaycanlılarının Həmrəylik Günü xarici ölkələrdə qeyd olunmuşdur
Çin
Dünya Azərbaycanlılarının Həmrəylik Günü Çin Xalq Respublikasında (ÇXR) qeyd olunmuşdur. Azərbaycanın ÇXR-dəki səfirliyinin təşkil etdiyi tədbirdə əvvəlcə Prezident İlham Əliyevin Dünya Azərbaycanlılarının Həmrəylik Günü münasibətilə təbriki oxunmuşdur.
Səfir Lətif Qəndilov bu bayramın müxtəlif ölkələrdə yaşayan azərbaycanlılarla əlaqələr qurmaq, onlar arasında birlik və həmrəylik yaratmaq işində böyük rol oynadığını bildirmişdir. Qeyd olunmuşdur ki, ulu öndər Heydər Əliyev dünyanın müxtəlif ölkələrində yaşayan azərbaycanlıların birliyinin təmin olunmasını, onların Vətənlə əlaqələrinin möhkəmlənməsini daim diqqətdə saxlayırdı. Məhz onun təşəbbüsü ilə dünya azərbaycanlılarının birinci qurultayı keçirilmiş, xaricdə yaşayan soydaşlarımızla bağlı fəaliyyət göstərən dövlət komitəsi yaradılmışdır.
Səfir Lətif Qəndilov bildirmişdir ki, Azərbaycan Respublikası bütün dünya azərbaycanlılarının tarixi və doğma vətəni, ümid və istinad yeridir. Odur ki, hansı ölkədə yaşamasından asılı olmayaraq, hər bir azərbaycanlı Vətəndə baş verən prosesləri diqqətlə izləyir, ölkədə həyata keçirilən inkişaf və quruculuq işlərinə sevinir, beynəlxalq aləmdə Azərbaycanın nüfuzunun artması ilə fəxr edir.
Şahin CƏFƏROV,
AzərTAc-ın xüsusi müxbiri
Pekin
Bosniya və Herseqovina
Dekabrın 30-da Dünya Azərbaycanlılarının Həmrəylik Günü münasibətilə Azərbaycanın Bosniya və Herseqovinadakı diplomatik nümayəndəliyində tədbir keçirilmişdir.
Diplomatik nümayəndəlikdən AzərTAc-a bildirmişlər ki, tədbirdə bu ölkədə yaşayan və təhsil alan soydaşlarımız, İran azərbaycanlıları, Bosniya və Herseqovina-Azərbaycan Dostluq Cəmiyyətinin üzvləri iştirak etmişlər.
Tədbirdə Azərbaycan Prezidenti İlham Əliyevin dünya azərbaycanlılarına müraciəti diqqətə çatdırılmışdır.
Bayram tədbirində cari ildə Bosniya və Herseqovinada Azərbaycanın diplomatik nümayəndəliyinin fəaliyyətə başlaması, ölkələrimiz arasında əlaqələrin inkişafı istiqamətində diplomatik nümayəndəlik tərəfindən aparılan işlər, əldə olunan nailiyyətlər barədə ətraflı məlumat verilmişdir.
Bundan əlavə, tədbirdə dövlətimiz qarşısında duran mühüm vəzifələrin ardıcıl şəkildə həyata keçirilməsinə töhfə vermək məqsədi ilə Bosniya və Herseqovinadakı həmyerlilərimizin və diaspor təşkilatlarının daha mütəşəkkil və fəal çalışmasının vacibliyi qeyd olunmuşdur. Vurğulanmışdır ki, həmyerlilərimiz Ermənistan-Azərbaycan, Dağlıq Qarabağ münaqişəsi və ölkəmiz haqqında həqiqətlərin yerli ictimaiyyətə çatdırılması istiqamətində bundan sonra da səylərini əsirgəməyəcəkdir. İştirakçılar bu sahədə həmişə olduğu kimi bundan sonra da dünya azərbaycanlılarının dövlət qayğısı ilə əhatə olunacağına əminlik ifadə etmişlər.
Türkmənistan
Azərbaycanın Türkmənistandakı səfirliyi Aşqabadda 31 dekabr - Dünya Azərbaycanlılarının Həmrəylik Günü və Yeni il münasibətilə bayram tədbiri keçirmişdir.
Səfirlikdən AzərTAc-a bildirmişlər ki, tədbirdə Türkmənistanda yaşayan həmvətənlərimiz, ictimai və yaradıcılıq birliklərinin üzvləri, ziyalılar, iş adamları və başqaları iştirak etmişlər.
Səfir Vəhdət Sultanzadə tədbirdə çıxış edərək ulu öndər Heydər Əliyevin təşəbbüsü ilə qeyd olunmağa başlanmış Dünya Azərbaycanlılarının Həmrəylik Gününün əhəmiyyətindən, xarici ölkələrdə yaşayan soydaşlarımızın birliyi naminə atılan addımlardan danışmışdır.
Azərbaycan Prezidenti İlham Əliyevin uzaqgörən daxili və xarici siyasəti, ölkəmizdə əhalinin sosial rifahının yaxşılaşdırılması istiqamətində aparılan iqtisadi islahatlar haqqında ətraflı məlumat verən diplomat ümummilli lider Heydər Əliyev tərəfindən irəli sürülmüş azərbaycançılıq ideyasının beynəlxalq aləmdə yayılması üzrə qarşıda duran vəzifələr barədə danışmışdır.
Tədbirdə Azərbaycanın yeganə problemi Ermənistan-Azərbaycan, Dağlıq Qarabağ münaqişəsinin nizamlanması və ölkəmizin ərazi bütövlüyünün bərpası olduğunu vurğulayan səfir ürəyi Vətən sevgisi ilə döyünən dünya azərbaycanlılarının bu istiqamətdə səylərini əsirgəməmələrinin, ölkəmizin əleyhinə yönəlmiş təxribatların qarşısının alınmasında ciddi addımlar atmalarının vacibliyini qeyd etmişdir. Tədbirdə ulu öndər Heydər Əliyevin ideyalarının layiqli davamçısı Azərbaycan Prezidenti İlham Əliyevin dünya azərbaycanlılarına müraciəti oxunmuşdur.
Türkmənistanda yaşayan soydaşlarımız da çıxış edərək təməli ümummilli lider Heydər Əliyev tərəfindən qoyulmuş bu bayramın xalqımızın, eyni zamanda, bütün dünyada yaşayan soydaşlarımızın mənəvi birliyinin rəmzi olduğunu qeyd etmişlər. Çıxış edənlər Azərbaycan rəhbərliyinin ölkəmizin çiçəklənməsi və dövlətçiliyimizin inkişafı naminə gördüyü işləri yüksək iftixar hissi ilə qarşıladıqlarını bildirmişlər.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Pakistanın MUSLİM İnstitutunun direktoru DQİDK-da olub
04 May
Nazir müavini: Düşərgənin ilk günündən gənclərin çox maraqlı ideyalarının, layihələrinin olduğunu gö...
04 May
Azərbaycanın Moldova ilə insan hüquqları sahəsində təcrübə mübadiləsi məsələsi müzakirə edilib ...
04 May
Ərəb Dünyası İnstitutunun direktoru: Multikulturalizm Azərbaycanda həyat tərzi kimi qəbul edilib ...
04 May
AİB COP29-la əlaqədar Azərbaycan Prezidentinə müraciət ünvanlayıb
04 May
DYP “Bakı Marafonu-2024” ilə əlaqədar yol hərəkəti iştirakçılarına müraciət edib ...
04 May
Konstitusiya Məhkəməsinin Plenumunun iclasında Ali Məhkəmənin müraciəti əsasında konstitusiya işinə ...
04 May
SOCAR-ın Müşahidə Şurasının üzvləri yeni inşa olunan yaşayış kompleksi ilə tanış olublar...
04 May
Ankarada keçirilən tədbirdə Qərbi Azərbaycanla bağlı tarixi ədalətin bərpasının vacibliyi vurğulanıb...
04 May
COP29 ilə əlaqədar Təşkilat Komitəsinin üçüncü iclasında mühüm məsələlər müzakirə olunub...
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!