Azərbaycan Finlandiya üçün etibarlı tərəfdaşdır
Dünən Milli Məclisin Sədri Oqtay Əsədov Azərbaycanda səfərdə olan Finlandiya Respublikasının xarici işlər naziri Erkki Tuomioyanın başçılıq etdiyi nümayəndə heyəti ilə görüşüb.
Görüşdə Milli Məclisin Sədri bildirib ki, qarşılıqlı səfərlər və bu cür görüşlər ölkələrimiz arasında münasibətlərin daha da möhkəmlənməsinə xidmət edir. Dövlət başçılarının qarşılıqlı səfərləri zamanı aparılan danışıqlar, ölkələrimiz arasında imzalanmış sənədlər əlaqələrimizin inkişafı üçün yaxşı zəmin yaradıb. Bu baxımdan siyasi dialoqun davam etdirilməsi məqsədəuyğundur.
Oqtay Əsədov deyib ki, Azərbaycan Finlandiya ilə iqtisadi əlaqələrin genişləndirilməsinə böyük əhəmiyyət verir. Bu sahədə potensial imkanlar var. Sədr bildirib: "Biz qanunverici orqanlar arasında əməkdaşlığın dərinləşməsini də önəmli hesab edirik. Nümayəndə heyətlərimiz BMT, ATƏT, Avropa Şurası kimi mötəbər təşkilatlarda birgə fəaliyyət göstərirlər. Azərbaycan beynəlxalq təşkilatların parlament qurumları çərçivəsində əməkdaşlığın səmərəliyini artırmaq üçün səylərini davam etdirmək əzmindədir. Avropaya inteqrasiya yolu tutmuş Azərbaycan üçün bu sahədə Finlandiyanın təcrübəsi maraqlıdır".
Oqtay Əsədov diqqətə çatdırıb ki, Milli Məclisdə Avronest Parlament Assambleyasının (PA) ikinci plenar sessiyası keçirilir. Bu da Azərbaycanın Avropa İttifaqının layihələrinə verdiyi əhəmiyyətin bariz nümunəsidir.
Sonra Oqtay Əsədov Azərbaycanın Avropanın enerji təhlükəsizliyində oynadığı roldan və ölkəmizin Avropa strukturlarına inteqrasiyasına böyük maneçilik törədən Ermənistan-Azərbaycan, Dağlıq Qarabağ münaqişəsindən danışıb. Onun sözlərinə görə, Azərbaycan bu problemin dövlətlərin ərazi bütövlüyü və sərhədlərin toxunulmazlığı prinsipi əsasında, sülh yolu ilə həllinə tərəfdardır.
Finlandiyanın xarici işlər naziri Erkki Tuomioya Azərbaycana səfəri çərçivəsində keçirdiyi görüşlərin əhəmiyyətindən danışıb. Erkki Tuomioya Azərbaycanın sürətlə inkişaf etdiyinin şahidi olduğunu ifadə edərək bu münasibətlə xalqımızı təbrik edib. O, Azərbaycanın BMT Təhlükəsizlik Şurasına qeyri-daimi üzv seçilməsini, "Eurovision" mahnı müsabiqəsində qələbəsini yüksək qiymətləndirərək bunu ölkəmizin dünya miqyasında artan nüfuzu ilə əlaqələndirib. Onun sözlərinə görə, Azərbaycanın uğurları tək bununla bitmir. Ölkəmiz Avropa İttifaqı, o cümlədən Finlandiya üçün etibarlı tərəfdaşdır. Finlandiya Cənubi Qafqazın bu ölkəsi ilə həyatın müxtəlif sahələrində əməkdaşlığı inkişaf etdirməkdə maraqlıdır.
Sonra görüşdə parlamentlərarası əlaqələrin inkişaf perspektivləri, regional münaqişələrin həlli yolları və tərəfləri maraqlandıran digər məsələlər ətrafında geniş fikir mübadiləsi aparılıb.
"Azərbaycan"
Foto F.Bağırovundur
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Xankəndi Şəhər Prokurorluğunun yaradılması haqqında
05 May
"Azərbaycan Respublikası Hökuməti ilə Türkiyə Respublikası Hökuməti arasında baytarlıq sahəsində əmə...
05 May
"Azərbaycan Respublikası Hökuməti ilə Türkiyə Respublikası Hökuməti arasında gəlirlərə görə vergilər...
05 May
“Elektrik gücü çatmadıqda, sistemin dayanıqlılığını təmin etmək üçün elektrik enerjisinin təminatına...
05 May
“Azərbaycan Respublikası Əmək və Əhalinin Sosial Müdafiəsi Nazirliyinin kollegiyasının tərkibi haqqı...
05 May
`"Azərbaycan Xəzər Dəniz Gəmiçiliyi" Qapalı Səhmdar Cəmiyyəti balansında olan gəmilər üçün müxtəlif...
05 May
Azərbaycanla Qambiya diplomatik pasport sahibləri üçün viza tələbini aradan qaldırıb
04 May
IOFS-in baş direktoru Azərbaycanın beynəlxalq yardım fəaliyyəti barədə məlumatlandırılıb...
04 May
İƏT Sammitində Ermənistan İslam irs nümunələrinin dağıdılmasına görə bir daha qınanılıb ...
04 May
“Real Madrid” 36-cı dəfə İspaniya çempionu olub
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!