2020-ci il fevralın 9-na təyin edilmiş Azərbaycan Respublikasının Milli Məclisinə seçkilərdə Mərkəzi Seçki Komissiyasına daxil olmuş 26 yanvar 2020-ci il tarixli 36 saylı müraciətə baxılması barədə Azərbaycan Respublikası Mərkəzi Seçki Komissiyasının Qərarı
Qərar № 15/99
2020-ci il fevralın 9-na təyin edilmiş Azərbaycan Respublikasının Milli Məclisinə (Milli Məclis) seçkilərdə 17 saylı Yasamal üçüncü seçki dairəsi üzrə qeydə alınmış namizəd Cavadov Cavad Yusif oğlu 26 yanvar 2020-ci ildə Azərbaycan Respublikasının Mərkəzi Seçki Komissiyasına (Mərkəzi Seçki Komissiyası) yazılı müraciət edərək həmin seçki dairəsi üzrə qeydə alınmış namizəd Allahverdiyev Elnur Marat oğlunun başqa dövlət qarşısında öhdəliyinin olmasını iddia edərək onun namizədliyinin ləğv edilməsini xahiş etmişdir.
Müraciət Azərbaycan Respublikası Seçki Məcəlləsinin 112-ci, 112-1-ci maddələrinə və "Azərbaycan Respublikasının Mərkəzi Seçki Komissiyasına və dairə seçki komissiyalarına seçki hüquqlarının pozulması ilə əlaqədar şikayət və müraciətlərin verilməsi və onlara baxılması qaydaları haqqında Təlimat”a uyğun olaraq Mərkəzi Seçki Komissiyasının nəzdində ekspert qrupunun üzvü tərəfindən araşdırılmış, rəy verilmiş və komissiyanın iclasında baxılmışdır.
Qeydə alınmış namizəd C.Y.Cavadov müraciətində iddia edir ki, 2020-ci il fevralın 9-na təyin edilmiş Milli Məclisə seçkilərdə 17 saylı Yasamal üçüncü seçki dairəsi üzrə qeydə alınmış namizəd Allahverdiyev Elnur Marat oğlu Sloveniya Respublikasının Azərbaycanda fəxri konsuludur və bununla əlaqədar o, xarici dövlət qarşısında öhdəliyi olan şəxsdir. Qeyd edilən hal Azərbaycan Respublikasının Konstitusiyasına ziddir və onun namizədliyi ləğv olunmalıdır. Belə ki, Azərbaycan Respublikası Konstitusiyasının 85-ci maddəsində göstərilir ki, başqa dövlətlər qarşısında öhdəliyi olan şəxslər Azərbaycan Respublikasının Milli Məclisinə deputat seçilə bilməzlər.
Araşdırma prosesində ərizəçinin müraciətində göstərdiyi telefon nömrəsinə edilən zənglərə cavab verilməmiş, həmin telefon nömrəsinə sms göndərilərək iclasa dəvət edilsə də o, komissiyanın iclasına gəlməmişdir.
Araşdırma ilə əlaqədar qeydə alınmış namizəd E.M.Allahverdiyevin Sloveniya Respublikasının Azərbaycan Respublikasındakı fəxri konsul kimi fəaliyyəti ilə bağlı Azərbaycan Respublikasının Xarici İşlər Nazirliyinə sorğu verilmişdir.
Azərbaycan Respublikası Xarici İşlər Nazirliyinin Dövlət Protokolu İdarəsindən daxil olmuş 27 yanvar 2020-ci il tarixli məktubda göstərilir ki, Sloveniya Respublikasının Azərbaycan Respublikasındakı fəxri konsulu E.M.Allahverdiyevə verilmiş K 2055 nömrəli Fəxri Konsul vəsiqəsinin etibarlılıq müddəti 29 dekabr 2019-cu il tarixdə bitmişdir. Bununla bağlı Sloveniya Respublikasının Azərbaycan Respublikasındakı Fəxri Konsulluğu 28 dekabr 2019-cu ildə Azərbaycan Respublikasının Xarici İşlər Nazirliyinə rəsmi nota ilə müraciət edərək 2020-ci il fevralın 9-da Milli Məclisə keçiriləcək seçkilərdə E.M.Allahverdiyevin namizədliyinin irəli sürülməsi ilə əlaqədar Fəxri Konsul vəsiqəsinin etibarlılıq müddətinin bitdiyi 29 dekabr 2019-cu il tarixdən qeyd olunan şəxsin konsulluq fəaliyyətini dayandırdığını bildirmişdir. Bununla yanaşı, Sloveniya Respublikasının Türkiyə Respublikasındakı Səfirliyi (eyni zamanda Azərbaycan Respublikasında akkreditə olunmuşdur) Azərbaycan Respublikasının Xarici İşlər Nazirliyinə rəsmi nota ilə müraciət edərək E.M.Allahverdiyevin Sloveniya Respublikası qarşısında heç bir öhdəliyinin olmadığını bildirmişdir. Məktuba, həmçinin Sloveniya Respublikasının Azərbaycan Respublikasındakı Fəxri Konsulluğunun notasının və Sloveniya Respublikasının Türkiyə Respublikasındakı Səfirliyinin notasının surətləri əlavə edilmişdir.
Araşdırma ilə eyni zamanda müəyyən edilmişdir ki, E.M.Allahverdiyev 17 saylı Yasamal üçüncü seçki dairəsi üzrə namizəd kimi 3 yanvar 2020-ci ildə, yəni konsulluq fəaliyyəti dayandırıldıqdan sonra qeydə alınmışdır.
Göstərilənlərə əsasən qeydə alınmış namizəd C.Y.Cavadovun müraciətində qeyd olunanlar təsdiqini tapmadığından müraciət təmin edilməməlidir.
Yuxarıda göstərilənləri əsas götürərək Mərkəzi Seçki Komissiyası Seçki Məcəlləsinin 19.4-cü, 28.2-ci, 112-ci, 112-1-ci maddələrinə və "Azərbaycan Respublikasının Mərkəzi Seçki Komissiyasına və dairə seçki komissiyalarına seçki hüquqlarının pozulması ilə əlaqədar şikayət və müraciətlərin verilməsi və onlara baxılması qaydaları haqqında Təlimat”ın 1-ci, 2-ci, 4-cü, 6-cı və 7-ci hissələrinə əsasən qərara alır:
1. 2020-ci il fevralın 9-na təyin edilmiş Milli Məclisə seçkilərdə 17 saylı Yasamal üçüncü seçki dairəsi üzrə qeydə alınmış namizəd Cavadov Cavad Yusif oğlunun 26 yanvar 2020-ci il tarixli 36 saylı müraciəti əsassız olduğundan təmin edilməsin.
2. Bu Qərar dərc edildiyi gündən qüvvəyə minir.
Sədr Məzahir Pənahov
Katib Arifə Muxtarova
Katib Mikayıl Rəhimov
27.01.2020-ci il
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Pakistanın MUSLİM İnstitutunun direktoru DQİDK-da olub
04 May
Nazir müavini: Düşərgənin ilk günündən gənclərin çox maraqlı ideyalarının, layihələrinin olduğunu gö...
04 May
Azərbaycanın Moldova ilə insan hüquqları sahəsində təcrübə mübadiləsi məsələsi müzakirə edilib ...
04 May
Ərəb Dünyası İnstitutunun direktoru: Multikulturalizm Azərbaycanda həyat tərzi kimi qəbul edilib ...
04 May
AİB COP29-la əlaqədar Azərbaycan Prezidentinə müraciət ünvanlayıb
04 May
DYP “Bakı Marafonu-2024” ilə əlaqədar yol hərəkəti iştirakçılarına müraciət edib ...
04 May
Konstitusiya Məhkəməsinin Plenumunun iclasında Ali Məhkəmənin müraciəti əsasında konstitusiya işinə ...
04 May
SOCAR-ın Müşahidə Şurasının üzvləri yeni inşa olunan yaşayış kompleksi ilə tanış olublar...
04 May
Ankarada keçirilən tədbirdə Qərbi Azərbaycanla bağlı tarixi ədalətin bərpasının vacibliyi vurğulanıb...
04 May
COP29 ilə əlaqədar Təşkilat Komitəsinin üçüncü iclasında mühüm məsələlər müzakirə olunub...
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!