Milli Terrorla Mübarizə Prokurorluğu ötən gecə Fransada bir neçə həbsxananı hədəf alan hücumların təhqiqatını öz üzərinə götürüb.
AZƏRTAC xəbər verir ki, ötən gecə Fransada bir neçə həbsxana koordinasiyalı hücumun hədəfi olub. Maşınlar yandırılıb, atəş açılıb.
Daxili işlər naziri Bruno Rötayo həbsxana müəssisələri və onların işçilərinin təhlükəsizliyini gücləndirməyə çağırıb.
Milli Terrorla Mübarizə Prokurorluğu bir neçə həbsxananın avtomobil atəşinə və qraffitilərə məruz qalmasından və Tulondakı həbsxananın 14-dən 15-nə keçən gecə avtomat silahdan atəşə tutulmasından sonra istintaqı öz üzərinə götürdüyünü açıqlayıb.
Bu hərəkətləri hədə-qorxu cəhdləri kimi xarakterizə edən və bunu narkotika ticarətinə qarşı son tədbirlərlə əlaqələndirən ədliyyə naziri J. Darmanen X hesabında yazıb: “Respublika narkotik ticarəti ilə üz-üzədir və cinayət şəbəkələrini kökündən sıradan çıxaracaq tədbirlər görür”.
Bildirilir ki, eyni vaxtda ölkə ərazisində bir neçə həbsxanaya qarşı yönələn bu hücumlar koordinasiyalı olub. Vendin-le-Vieil (Pas-de-Kale) və Conde-sur-Sarthe (Orne) həbsxanaları bir neçə aydan sonra ən təhlükəli sayılan 200 narkotik alverçisini qarşılamağa hazırlaşır.
Tulonda hərbi silahdan açılan atəş “La Farlede” həbsxanasının giriş qapısına dəyib. Aix-en-Provence şəhərindəki “Aix-Luynes” həbsxanasında iki avtomobil yandırılıb və regional təhlükəsizlik qruplarının qapısı hədəfə alınıb.
Villepint istintaq təcridxanasında (Seine-Saint-Denis) və Nanterre istintaq təcridxanasında (Hauts-de-Seine) da avtomobillər yandırılıb.
UFAP-UNSA Ədliyyə assosiasiyasının katibi Vilfrid Fonk bildirib ki, həbsxana rəhbərliyi bu müəssisələrin ətrafında 24 saat təhlükəsizliyi təmin etmək üçün insan resursuna malik deyil.
jpg_1765706081.jpg)
jpg_1765704801.jpg)
