Prezident
Səfərlər
Birinci vitse-prezident
Qəbullar
Fərmanlar
Sərəncamlar
Məktublar
Qanunlar
Tədbirlər
Əlaqə
Azərbaycan Respublikası, Bakı ş., Mətbuat pr. 529-cu məhəllə, 4-cü mərtəbə
(+994 12) 539 49 20, 538-31-11
COP29 Sədrliyinin təşkilatçılığı ilə BMT Baş Assambleyasının 79-cu sessiyası çərçivəsində Qlobal İqlim Şəffaflığı üzrə Yüksək Səviyyəli Forum keçirilib. AZƏRTAC-ın məlumatına görə, forumda açılış nitqi ilə çıxış edən COP29-un Prezidenti Muxtar Babayev bildirib ki, bu il COP29 sammitində tərəflər İkiillik Şəffaflıq Hesabatlarını təqdim edəcəklər.
Onun sözlərinə görə, İkiillik Şəffaflıq Hesabatları (BTR) və Genişləndirilmiş Şəffaflıq Çərçivəsi tərəqqi və etimadın yaradılması üçün çox vacibdir.
“Onlar həmçinin bizə boşluqları və maliyyə ehtiyaclarını müəyyən etməyə imkan verir. Bu, öz növbəsində iqlim maliyyəsini təmin etməyə və istiqamətləndirməyə kömək edəcək. BMT-nin İqlim Dəyişikliyi üzrə Çərçivə Konvensiyası Katibliyinin sorğusuna əsasən, ilin sonuna kimi 100-dən çox ölkənin öz hesabatlarını təqdim edəcəyi gözlənilir. Bu, güclü irəliləyiş deməkdir. Azərbaycan hesabatını vaxtından əvvəl təqdim edəcək. Biz il ərzində şəffaflıq və BTR üzrə bacarıqların artırılması və təcrübə mübadiləsini dəstəkləmək üçün çalışmışıq. Biz Bakıda və bütün dünyada regional seminarlar da daxil olmaqla, bu mövzuda potensialın gücləndirilməsi üzrə bir sıra seminarlar keçiririk. Sentyabr ayında biz Bakı Qlobal İqlim Şəffaflığı Platformasını işə salmışıq. Şəffaflıq haqqında yeni bəyannamə qəbul etmək üçün COP29-da nazirlər səviyyəsində görüş keçirəcəyik. Biz bəyannamənin bu mövzuda irəliləyişə nail olmaq üçün ən yaxşı şəkildə necə formalaşdırmaq və tərtib etməklə bağlı tərəflərlə məsləhətləşirik”, - deyə COP29-un Prezidenti əlavə edib.
Daha sonra çıxış edən COP29-un Baş Danışıqçısı Yalçın Rəfiyev Bakı Qlobal İqlim Şəffaflığı Platformasının təqdimatını edib. O bildirib ki, platformanın əsas məqsədi bəzi dövlətlərə həmin hesabatları hazırlamaq istiqamətində texniki yardım verməkdir: “Bu vacib prosesdir. Ölkələrin əksəriyyəti bu hesabatları hazırlamaq üçün həm resurs baxımından həm də texniki əsasda ciddi imkanlara malik olmalıdırlar. Platformanın əsas məqsədi təlim vasitəsi ilə bu imkanı yaratmaqdır”. Yalçın Rəfiyev deyib ki, bu platforma yalnız COP29-la bitməyəcək.
Tədbirdə Qazaxıstan prezidentinin Beynəlxalq Ətraf Mühit Əməkdaşlığı üzrə xüsusi təmsilçisi Zulfiya Suleymanova, İtaliya Xarici İşlər Nazirliyinin iqlim dəyişikliyi üzrə xüsusi elçisi Françesko Karvaro, İqtisadi Əməkdaşlıq və İnkişaf Təşkilatının İqtisadi Yardım Komitəsinin sədri Karsten Staur, BMT Baş Katibinin köməkçisi İvana Jivkoviç, BMT Agentliklərinin təmsilçiləri, üzv ölkələrin nümyəndələri BTR-lərin vaxtında təqdim edilməsinin vacibliyi, bu istiqamətdə görülən işlər barədə fikir mübadiləsi aparıblar.
Yeddinci çağırış Naxçıvan Muxtar Respublikası Ali Məclisinin ilk iclası keçirilib
Ermənistanda məyusluq hökm sürür
Martinikdə Fransa müstəmləkəçiliyi ilə mübarizə güclənir
Ölkəmizdə dağ turizmi də inkişaf edir
Cəbrayıl - Qayıdışın yeni ünvanı
Nazir Vilayət Eyvazov Yevlaxda vətəndaş qəbulu və sıra baxışı keçirib
Vüsalın şəhadət zirvəsi
Ziyanın nuru
Əbədi ehtiram ünvanı
Zəfərlə anırıq...
Gəncədə Anım Günü ilə bağlı 44 Eldar şamı əkilmişdir
Ərazi bütövlüyümüzə gedən yolun başlanğıcı
İlham Əliyevin yaratdığı şanlı tarix
Milli həmrəyliyin qələbəsi
27 sentyabrdan başlayan Zəfər salnaməsi
VƏTƏNİN ŞƏHİD BALALARI
“Məşğulluq haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2024-cü il 25 iyun tarixli 1184-VIQD nömrəli Qanununun icrası ilə əlaqədar Azərbaycan Respublikası Nazirlər Kabinetinin bəzi qərarlarında dəyişiklik edilməsi haqqında
Azərbaycan Respublikasının 2025-ci il üzrə dövlət büdcəsinin və icmal büdcənin layihələri və sonrakı üç il üçün icmal büdcənin göstəriciləri, Azərbaycan Respublikasının 2025-ci il və sonrakı üç il üzrə iqtisadi və sosial inkişaf konsepsiyası və proqnoz göstəriciləri haqqında
UEFA Avropa Liqası: “Tottenhem” – “Qarabağ” oyununun start heyətləri məlum olub
Energetika naziri Belqradda bir sıra görüşlər keçirib
Bakıda Çin Xalq Respublikasının yaradılmasının 75 illiyi münasibətilə rəsmi qəbul təşkil edilib
"Azərbaycan"-ın 1918-1920-ci illərdə dərc olunan nömrələrinin transliterasiyası
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!