Vatikanda jurnalistlərə ermənilərin Qarabağda törətdikləri vandalizm aktları barədə məlumat verilib
Azərbaycan ərazilərində ermənilər tərəfindən törədilən vandalizm aktları ilə bağlı məlumat vermək məqsədilə Vatikanda mətbuat konfransı keçirilib.
AZƏRTAC xəbər verir ki, Azərbaycanın Müqəddəs Taxt-Tacdakı səfiri Rəhman Mustafayev yerli jurnalistlərə 44 günlük müharibədən sonra bölgədə yaranmış vəziyyət, Qarabağda bugünkü reallıqlar, ölkəmizin sülh çağırışı barədə danışıb.
Ölkəmizin müsəlman Şərqində ilk demokratik və dünyəvi respublika olduğunu diqqətə çatdıran səfir vurğulayıb ki, BMT Təhlükəsizlik Şurasının 4 qətnaməsi Qarabağın Azərbaycanın tərkib hissəsi olduğunu təsdiqləyir. Ölkəmiz münaqişənin həllində həmişə sülh yolunu tutub. Ötən il Ermənistanın növbəti hərbi təcavüzünə cavab olaraq, Azərbaycan işğal altındakı torpaqlarının azad edilməsi məqsədilə Vətən müharibəsinə başlayıb və Ali Baş Komandan İlham Əliyevin rəhbərliyi ilə rəşadətli Ordumuzun 44 gün ərzində torpaqlarımızı azad edib.
Səfir müharibədən sonrakı vəziyyətdən söz açaraq, azad edilmiş torpaqlarımızın minadan təmizlənməsi, münaqişə zamanı itkin düşmüş 4 min azərbaycanlının taleyi, işğal dövründə erməni silahlı qüvvələri tərəfindən tamamilə dağıdılmış şəhər və kəndlərin yenidən qurulması, bu ərazilərdə nəqliyyat infrastrukturunun bərpası istiqamətində görülən işlərdən danışıb və bu işləri əks etdirən videoçarxlar nümayiş olunub. Diplomat qarşıda duran prioritetləri sadalayıb, 44 günlük müharibədən sonra regionda yaranmış reallıqdan danışaraq, yeni geosiyasi mənzərəni təqdim edib.
“Bütün ölkələr Qarabağla bağlı yeni reallıqları qəbul etməlidir. Azərbaycan həmişə sülh niyyətini nümayiş etdirib, yenə də etdirir və barışıq təklifini uca səslə bəyan edir. Münaqişənin əsas səbəbi erməni silahlı qüvvələrinin Azərbaycan torpaqlarında mövcudluğu idi, bu gün onlar artıq ərazilərimizdən çıxarılıb. Bununla da münaqişə başa çatıb”, - deyə R. Mustafayev diqqətə çatdırıb.
Diplomat, eyni zamanda, Qarabağda yaşayan hər iki icmanın sakinləri olan Azərbaycan vətəndaşları arasında etimadın yaradılması tədbirlərinin gücləndirilməsi, Ermənistan ilə Azərbaycan arasında sülh müqaviləsinin imzalanmasının zəruriliyinə toxunub.
Sonda səfir yerli jurnalistlərin suallarını cavablandırıb. Jurnalistlərin iki icmanın birgə yaşaması və erməni sakinlərin təhlükəsizliyi ilə bağlı suala cavab verən səfir deyib: “Münaqişədən əvvəl hər iki icmanın sakinləri birlikdə mehriban şəraitdə yaşayıblar. Qarabağda təkcə bu iki icmanın deyil, ümumilikdə 48 etnik qrupun nümayəndəsi yaşayıb. Ermənistan əraziləri işğal etməklə orada etnik təmizləmə aparıb. Ancaq Azərbaycan bu ərazilərdə əvvəlki vəziyyəti bərpa edəcək. Qarabağda yaşayan erməni mənşəli sakinlər də Azərbaycan vətəndaşlarıdır və onlar digər vətəndaşlar kimi yaşayacaqlar”.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Fernando Lottenberq: Azərbaycanda antisemitizmin baş verməməsi tolerantlığın parlaq nümunələrindəndi...
04 May
Dövlət Xidməti: Bir sıra bank və müəssisələrə aid çoxsaylı konfidensial məlumatlar ödənişsiz platfor...
04 May
Argentinanın etiqad işləri üzrə katibi Azərbaycanda tolerantlığın qorunub saxlanılmasını yüksək qiym...
04 May
Xankəndidə bir həftə ərzində xeyli sayda silah-sursat və partlayıcı maddələr aşkarlanıb
04 May
Norveçli səyyahlar qrupu Xudafərin körpüsü ilə tanış olublar
04 May
“Azeri Light” markalı neft ucuzlaşıb
04 May
Dünyanın mərkəzi bankları ümumi qızıl ehtiyatlarını mart ayında 15 tondan çox artırıblar...
04 May
İlon Mask ABŞ dollarının dəyərsizləşəcəyi ilə bağlı xəbərdarlıq edib
04 May
ABŞ prezidentliyinə namizəd NATO-nun genişlənməsinə qarşıdır
04 May
Prezident İlham Əliyevin COP29 tədbiri ilə bağlı dəvət məktubları BMT-dəki daimi nümayəndələrə çatdı...
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!