«Heydər Əliyev və müstəqil Azərbaycanın ilk Konstitusiyası» kitabı çapdan çıxmışdır
Azərbaycanın ən yaxın tarixinin öyrənilməsi işinə daha bir töhfə olan "Heydər Əliyev və müstəqil Azərbaycanın ilk Konstitusiyası" kitabı çapdan çıxmışdır. "Azərbaycan" nəşriyyatı tərəfindən çap olunmuş kitabın redaktoru və ön söz müəllifi Azərbaycan Respublikası Konstitusiya Məhkəməsinin hakimi, II dərəcəli dövlət ədliyyə müşaviri Südabə Həsənovadır.
AzərTAc xəbər verir ki, kitabda ulu öndər Heydər Əliyevin müstəqil Azərbaycanın ilk Konstitusiya layihəsini hazırlayan komissiyanın iclaslarındakı çıxışları toplanmışdır. Bundan əlavə, nəşrdə komissiya, işçi qrupu ilə bağlı Milli Məclisin, həmçinin Mərkəzi Seçki Komissiyasının referendumun nəticələrinə dair qərarları, Konstitusiyanın mətni verilmişdir.
Kitabın hazırlanmasının əhəmiyyətini qeyd edən Südabə Həsənova ümummilli lider Heydər Əliyevin Konstitusiya layihəsinin üzərində işləyən komissiyanın iclaslarında söylədiyi fikirlər illər ötsə də aktuallığını saxladığını vurğulayaraq yazır: "Ulu öndərin dövlətçilik, konstitusiya quruculuğu tarixi, milli dəyərlərimiz və 90-cı illərin ictimai-siyasi vəziyyətinin təhlili ilə bağlı fikir və tövsiyələrinin əhəmiyyətini və aktuallığını bu gün də itirmədiyini nəzərə alaraq yeni konstitusiya layihəsinin hazırlanmasının bilavasitə iştirakçısı və şahidi kimi bu kitabı nəşr etdirməyi vətəndaşlıq borcu hesab edirik".
Doğrudan da ulu öndərin kitabda əksini tapmış fikirləri dövlət quruculuğu nəzəriyyəsində böyük önəm daşıyan məsələləri önə çəkir. "Konstitusiya birinci növbədə dövlətlə, hakimiyyətlə xalqın arasında olan münasibətləri özündə əks etdirməlidir. Hakimiyyət bölgüsü, qanunvericilik, ali icra, məhkəmə hakimiyyətləri - bunların hamısı xalqın iradəsinə söykənməli, seçkilər yolu ilə təmin olunmalıdır. Dövlət xalqın işi olmalıdır. Xalq dövlət üçün yox, dövlət xalq üçün olmalıdır və bu prinsiplər Konstitusiyamızın əsasını təşkil etməlidir", - deyə ümummilli lider vurğulamışdır.
Ulu öndər Heydər Əliyevin kitabdakı çıxışlarından həm Azərbaycanın qanunvericilik tarixi, həm də ölkədə baş vermiş bir çox siyasi-ictimai hadisələr haqqında məlumat almaq mümkündür. Bu baxımdan kitab Azərbaycanın yaxın tarixinin, xüsusən də Konstitusiya tarixinin öyrənilməsi baxımından dəyərli töhfədir. Burada yer alan materiallar ölkəmizdə başlanan demokratik dövlət quruculuğu prosesinin vacib mərhələlərindən birini izləməyə imkan verir.
Yeni nəşrdə yer alan materiallardan görünür ki, 1995-ci ilin iyununda işə başlayan komissiya çox gərgin və məhsuldar işləmişdir. Komissiyanın iclaslarında Konstitusiyada hansı prinsiplərin, milli və ümumbəşəri dəyərlərin əks olunması barədə aparılan müzakirələr böyük maraq doğurur. Bu kontekstdə Azərbaycanın dövlət dili ilə bağlı aparılan polemika diqqəti cəlb edir. Çıxışlarında dilimizin böyük inkişaf dövrü keçdiyini, formalaşıb özünəməxsus ad götürdüyünü dəfələrlə vurğulayan ümummilli lider onun dövlət dili səviyyəsinə çatdığını bildirmişdir. "Tarixi keçmişimizə, əcdadlarımıza böyük hörmət və ehtiram hissini bildirərək, bu gün biz tarixi bir addım atmalıyıq: müstəqil Azərbaycan Respublikasının dövlət dilini qəbul etməliyik. Müstəqil Azərbaycan Respublikasının dövlət dili Azərbaycan dilidir", - deyə ulu öndər vurğulamışdır.
Ümummilli lider Heydər Əliyevin birbaşa rəhbərliyi altında hazırlanan və 1995-ci il noyabrın 12-də ümumxalq səsverməsi ilə qəbul olunan müstəqil Azərbaycanın Konstitusiyası bu gün ölkəmizin hərtərəfli inkişafının təminatçısıdır. Bununla bağlı kitabın ərsəyə gəlməsində böyük əmək sərf etmiş Südabə Həsənova yazır: "Qürurla deyə bilərik ki, ulu öndərimizin banisi, memarı və müəllifi olduğu Azərbaycan Respublikasının ilk demokratik Konstitusiyası yaşayır və ölkəmizi tərəqqiyə aparır. Dövlətimizin başçısı İlham Əliyev öz gündəlik fəaliyyətində daim bu Konstitusiyaya istinad edərək dövlətçiliyimizi, iqtisadiyyatımızı və cəmiyyətimizi daha yüksək inkişafa aparır. Bunu hazırda ölkəmizdə həyata keçirilən genişmiqyaslı dövlət proqramlarının reallaşması, iqtisadi, sosial və mədəni siyasətin nəticələri təsdiq edir".
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Fernando Lottenberq: Azərbaycanda antisemitizmin baş verməməsi tolerantlığın parlaq nümunələrindəndi...
04 May
Dövlət Xidməti: Bir sıra bank və müəssisələrə aid çoxsaylı konfidensial məlumatlar ödənişsiz platfor...
04 May
Argentinanın etiqad işləri üzrə katibi Azərbaycanda tolerantlığın qorunub saxlanılmasını yüksək qiym...
04 May
Xankəndidə bir həftə ərzində xeyli sayda silah-sursat və partlayıcı maddələr aşkarlanıb
04 May
Norveçli səyyahlar qrupu Xudafərin körpüsü ilə tanış olublar
04 May
“Azeri Light” markalı neft ucuzlaşıb
04 May
Dünyanın mərkəzi bankları ümumi qızıl ehtiyatlarını mart ayında 15 tondan çox artırıblar...
04 May
İlon Mask ABŞ dollarının dəyərsizləşəcəyi ilə bağlı xəbərdarlıq edib
04 May
ABŞ prezidentliyinə namizəd NATO-nun genişlənməsinə qarşıdır
04 May
Prezident İlham Əliyevin COP29 tədbiri ilə bağlı dəvət məktubları BMT-dəki daimi nümayəndələrə çatdı...
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!