Bakıda turistlərin sayı günü-gündən artır
Bu il ölkəmizə gələn turistlərin sayında nəzərəçarpacaq dərəcədə artım müşahidə olunur. İndi dünyanın müxtəlif ölkələrini təmsil edən turistləri paytaxtımızın hər yerində görmək mümkündür. Hazırda ölkəmizin turist qonaqları arasında ərəb və iranlı turistlər çoxluq təşkil edir. Onlar daha çox Bakının tarixi məkanlarında, muzeylərdə, şəhərin mərkəzi hissələrində gözə dəyir. İndi Bakının mərkəzi küçələrində az qala onlara hər addımbaşı rast gəlmək mümkündür. Hər zaman ölkəmizin turizm sahəsindəki inkişafını diqqətdə saxlayan AZƏRTACbu dəfə də şəhərimizə gələn turistlərlə maraqlanıb.
Mehdi Qulami İranın Zəncan şəhərindən Bakıya turist kimi gəlib. İlk dəfədir ki, Azərbaycanda olduğunu bildirən həmsöhbətimiz ölkəmizdə bir həftə qonaq olacağını deyib: “Bakıya ilk dəfədir gəlirəm. Bu şəhər haqqında internetdən oxumuşdum, məlumatım vardı. Bakının küçələrində gəzmək, mənə çox xoş təsir bağışlayır. Bizim mədəniyyətimiz, tariximiz, dinimiz eynidir. Ona görə bu səyahət biz iranlı turistlər üçün çox xoşdur və burada heç bir çətinliklə qarşılaşmamışıq”.
Müsahibimiz vurğulayıb ki, Bakı günü-gündən müasirləşsə də öz tarixi görkəmini qoruyub saxlayır. Bu da Azərbaycan dövlətinin öz tarixinə nə qədər önəm verdiyini bir daha sübut edir. M.Qulami Bakıda turistlərə göstərilən xidmətdən razı qaldığını söyləyib.
Digər müsahibimiz Birləşmiş Ərəb Əmirliyindən gələn Abdulla Süleymandır. Paytaxtımız ərəb turistdə dərin təəssüratlar yaradıb: “Azərbaycan haqqında bura gələn dostlarımdan eşitdiklərim məni də həvəsləndirdi. Onlar bizə bu ölkədə olmağımızı məsləhət gördülər. Həqiqətən, bura çox gözəl ölkədir. İnsanlar da mehriban və gülərüzdürlər. Üç gündür ki, Bakıdayıq. Bura ailəmlə birlikdə gəlmişəm. Hələ ki, Bakıdan başqa digər şəhərlərdə olmamışıq. Daha bir neçə gün burda qalaraq başqa şəhərlərə də səfər etməyi planlaşdırırıq. Bu günlər ərzində Bakının tarixi yerlərini, ticarət mərkəzlərini gəzmişik”. O, Azərbaycan mətbəxinin zənginliyini də xüsusi vurğulayıb. Bakıda özlərinin dillə bağlı çətinliklərinə toxunan ərəb turist, buna baxmayaraq, vətəndaşlarımızın bu yöndə istənilən köməkliyinin şahidi olduğunu qeyd edib.
Səudiyyə Ərəbistanından olan digər bir həmsöhbətimiz Mənsur Məhəmməd ölkəmizin tolerantlığına və qonaqpərvərliyinə heyran qalıb. “Azərbaycana ilk dəfədir gəlirəm. Paytaxtınız çox təmiz və qeyri-adidir. Bakıya heyran oldum. Dənizkənarı park isə öz gözəlliyi ilə insanı valeh edir. Burada çox gözəl istirahət edirəm. Azərbaycanlılar çox mehriban və qonaqpərvərdirlər. Etiraf edirəm ki, Azərbaycanın təbiətini belə təsəvvür etmirdim. Mən Bakıdan başqa, Qəbələ, Xaçmaz və Qax rayonlarında da olmuşam. Oralar tamamilə cənnətin özüdür. Burda hər şey mənim ürəyimcədir”. Azərbaycandan xoş xatirələrlə dönəcəyini deyən turist, yenidən burada olmağı artıq indidən qərarlaşdırıb.
Səudiyyəli turist Əhməd Abdulrauf isə bir neçə gündür Bakıda olduğunu deyir: “Artıq dörd gündür Bakıdayıq. Daha iyirmi gün də burada qalacağıq. Bakıda İçərişəhərdə, Qız qalasında, Bakı bulvarında, həmçinin Qubada və Qusarda olmuşuq. Ailəm və qohumlarımla birlikdə gəlmişik. Biz Türkiyədə də olmuşuq. Buranın insanları, mədəniyyəti və mətbəxi Türkiyə ilə demək olar ki, eynidir. Biz Azərbaycan haqqında turizm şirkətlərindən məlumat əldə etmişik. Azərbaycandan mənalı və xoş təəssüratlarla ayrılacağımıza əminik”.
Azərbaycanı bəyəndiyini, Bakının Avropa şəhərlərindən heç də geri qalmadığını deyən qonaq, ölkəmizin daha da inkişaf edəcəyinə əminliyini ifadə edib.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Fernando Lottenberq: Azərbaycanda antisemitizmin baş verməməsi tolerantlığın parlaq nümunələrindəndi...
04 May
Dövlət Xidməti: Bir sıra bank və müəssisələrə aid çoxsaylı konfidensial məlumatlar ödənişsiz platfor...
04 May
Argentinanın etiqad işləri üzrə katibi Azərbaycanda tolerantlığın qorunub saxlanılmasını yüksək qiym...
04 May
Xankəndidə bir həftə ərzində xeyli sayda silah-sursat və partlayıcı maddələr aşkarlanıb
04 May
Norveçli səyyahlar qrupu Xudafərin körpüsü ilə tanış olublar
04 May
“Azeri Light” markalı neft ucuzlaşıb
04 May
Dünyanın mərkəzi bankları ümumi qızıl ehtiyatlarını mart ayında 15 tondan çox artırıblar...
04 May
İlon Mask ABŞ dollarının dəyərsizləşəcəyi ilə bağlı xəbərdarlıq edib
04 May
ABŞ prezidentliyinə namizəd NATO-nun genişlənməsinə qarşıdır
04 May
Prezident İlham Əliyevin COP29 tədbiri ilə bağlı dəvət məktubları BMT-dəki daimi nümayəndələrə çatdı...
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!