07 Noyabr 2026 08:35
6319
SİYASƏT
A- A+
Zəfərin Xankəndi imzası

Zəfərin Xankəndi imzası


Üç il əvvəl qədim şəhərimizdə Vətən müharibəsində əldə edilən Zəfərin üçüncü ildönümünə həsr olunan Hərbi parad keçirilib


Azərbaycan tarixinə qızıl hərflərlə yazılmış, Xankəndi şəhərində Vətən müharibəsində əldə edilmiş Zəfərin üçüncü ildönümünə həsr olunmuş möhtəşəm Hərbi parad hər birimizin ürəyini qürur hissi ilə doldurdu. 8 noyabr 2023-cü ildə keçirilmiş bu tarixi parad Zəfər ordumuzun qüdrətinin nümayişi olmaqla yanaşı, xalqımızın haqq səsinin, suverenliyimizin tam bərpasının və tarixi ədalətin təntənəsinin təcəssümü idi.

O gün dünya Xankəndidə yaşanan zəfər təntənəsinə şahidlik etdi. Şəhərin mərkəzində ucalan ay-ulduzlu, üçrəngli bayrağımız məğrur-məğrur dalğalandıqca dosta sevinc, düşmənə gözdağı oldu. Xankəndidən ucalan qələbə marşının sədaları altında çiyin-çiyinə addımlayan igid oğullarımız başlarını dik tutaraq Müzəffər Ali Baş Komandan İlham Əliyevi, qalib Azərbaycan xalqını və müqəddəs şəhidlərimizin ruhunu böyük fəxarətlə salamladılar. "Qarabağ Azərbaycandır!" haqq nidasını bir daha dünyaya hayqırdılar. 

Düz altı il əvvəl - 2020-ci il noyabrın 8-də Şuşada qazandığımız o misilsiz qələbənin sevincini 2023-cü ilin payızında Xankəndidə bir daha yaşadıq. 44 günlük Vətən müharibəsinin qürurlu nəticəsi idi ki, oktyabrın 15-də Müzəffər Ali Baş Komandan İlham Əliyev Xankəndidə, Xocalıda, Ağdərədə, Suqovuşanda və digər doğma yurdlarımızda üçrəngli bayrağımızı ucaltdı. 

Azərbaycan xalqı indi yaşadığı bu qələbə coşqulu günlərə addım-addım qətiyyətlə, əzmlə yetişdi.

Xankəndidə keçirilən Hərbi parad xalqımız üçün həm də dərin rəmzi məna daşıyan tarixi hadisə idi. Hələ 1919-cu ildə Cümhuriyyət qurucuları da Xankəndidə Hərbi parad keçirmişdilər. 104 il sonra - 2023-cü ildə Qarabağın bu qədim yurdu özünün qürur tarixini yenidən yaşadı. 

Vətən müharibəsinin üçüncü ildönümünə həsr olunmuş Xankəndidəki hərbi paradda Prezident, Silahlı Qüvvələrin Müzəffər Ali Baş Komandanı İlham Əliyev, birinci xanım Mehriban Əliyeva və oğulları Heydər Əliyev iştirak etdilər. 

Paradda Silahlı Qüvvələrin heyətlərinin hərbi orkestrin müşayiəti ilə təntənəli keçidi oldu. Parad heyətləri Azərbaycan Dövlət Bayrağı və Şuşa şəhərinə sancılan - Qələbənin rəmzinə çevrilən Zəfər Bayrağı altında tribunaya doğru irəlilədilər. Ardınca Azərbaycan Ordusunun və qoşun növlərinin, lokal xarakterli antiterror tədbirlərində iştirak etmiş hərbi birləşmələrin döyüş bayraqları Xankəndi şəhərinin mərkəzi meydanına gətirildi. Sonra Müdafiə Nazirliyinin Xüsusi Təyinatlı Qüvvələrinin parad heyətinin keçidi oldu. Əlahiddə Ümumqoşun Ordunun heyətləri tribuna önündən mətin addımlarla irəlilədilər...

Parad heyətlərinin keçidindən sonra antiterror tədbirləri zamanı müsadirə olunan hərbi texnikaların kiçik bir qismi qoşqular üzərində Xankəndi şəhərinin mərkəzi meydanına gətirildi. Müsadirə edilmiş hərbi texnikaların və nəqliyyat vasitələrinin nömrə nişanlarından hazırlanan və üzərində "Zəfər" sözü həkk edilən lövhə nümayiş olundu.

Təntənəli paradda çıxış edən qalib lider İlham Əliyev bir daha bəyan etdi: "Bu günü bizə bəxş edən müzəffər Silahlı Qüvvələrimiz döyüş meydanında cəsarət, qəhrəmanlıq, fədakarlıq göstərərək düşməni bizim əzəli torpaqlarımızdan qovmuşdur. Bu, böyük tarixi hadisədir. Azərbaycan xalqının çoxəsrlik tarixində buna bənzər parlaq Qələbə olmamışdır. Şuşa əməliyyatı, 44 gün ərzində apardığımız bütün digər hərbi əməliyyatlar, hərbçilərimizin şücaəti bir qəhrəmanlıq dastanıdır".

Xankəndidə ucalan zəfər sədaları, suverenliyimizin tam bərpa olunması tarixi ədalətin ən möhtəşəm təsdiqidir. 2023-cü il noyabrın 8-də qəhrəman oğullarımızın Xankəndinin Zəfər meydanından mətin addımlarla keçməsi bir daha göstərdi ki, bu qələbə əbədidir, bu torpaqlar azad və bölünməzdir. Qarabağda əbədi dalğalandırılan bayrağımız milli qürurumuzun, dəmir iradəmizin və sarsılmaz birliyimizin rəmzidir. 


Yasəmən MUSAYEVA, 

"Azərbaycan"

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

Azərbaycan-Vyetnam əlaqələri yüksələn xətlə inkişaf edir

13:46
22 Noyabr

Livan Respublikasının Prezidenti Zati-aliləri General Jozef Auna  

12:50
22 Noyabr

Azərbaycanda sabaha gözlənilən hava şəraiti açıqlanıb

12:28
22 Noyabr

Zəfər və inkişaf yolunun siyasi avanqardı: Yeni Azərbaycan Partiyası

10:57
22 Noyabr

Gəncədə YAP-ın yaradılmasının 34-cü ildönümü qeyd olunub

10:43
22 Noyabr

Azərbaycan-Vyetnam əlaqələri yeni mərhələdə

10:34
22 Noyabr

Prezident İlham Əliyevin sosial media hesablarında Vyetnama səfəri ilə bağlı daha bir videoçarx paylaşılıb VİDEO

23:39
21 Noyabr

Prezident İlham Əliyevin Vyetnama səfəri başa çatıb

22:13
21 Noyabr

Hanoy Tiсarət və Turizm Kollecində Bakı guşəsi və Azərbaycan kulinariya zonası açılıb

21:56
21 Noyabr

ABŞ Milada qədər Ukrayna və Rusiya arasında yeni sülh danışıqları təşkil etməyi planlaşdırır  

19:36
21 Noyabr

Yeni Dehlidə Azərbaycan-Nepal mədəni əməkdaşlığı müzakirə olunub  

18:21
21 Noyabr

Adil Kərimli Hindistanın mədəniyyət və turizm naziri ilə görüşüb  

17:31
21 Noyabr

Volodimir Zelenski: Rusiya Ukraynanın körpülərinə yüzdən çox hücum edib  

17:22
21 Noyabr

Küləkli hava şəraiti ilə bağlı sarı xəbərdarlıq verilib

16:38
21 Noyabr

Bakıda Kəlağayı Festivalının açılışı olub 

15:43
21 Noyabr

Azərbaycanın və Vyetnamın birinci xanımları Hanoyda İrs Evində olublar

15:31
21 Noyabr

Prezident: Xüsusilə Vətən müharibəsi dövründə Vyetnamın verdiyi dəstəyə və ədalətli mövqeyinə görə minnətdarıq 

15:03
21 Noyabr

Prezident İlham Əliyev: Vyetnam bizim üçün dost ölkə və strateji tərəfdaşdır 

14:59
21 Noyabr

Vyetnam Prezidenti: Tamamilə əminəm ki, Azərbaycan bundan da böyük inkişafa nail olacaq 

14:53
21 Noyabr

To Lam: Azərbaycan həm Avropanın, həm də Asiyanın bənzərsiz mədəni irsini daşıyan inci hesab olunur VİDEO  

14:51
21 Noyabr

Hanoyda Prezident İlham Əliyevin və birinci xanım Mehriban Əliyevanın şərəfinə rəsmi nahar verilib

14:47
21 Noyabr

ÇOX OXUNANLAR

OXUCU MƏKTUBLARI

NƏŞRLƏRİMİZ

TƏQVİM / ARXİV

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!