07 Noyabr 2026 16:35
1533
SİYASƏT
A- A+
Zəfər Günü xalqımızın milli qürurunun, ləyaqətinin və sarsılmaz iradəsinin təntənəsidir

Zəfər Günü xalqımızın milli qürurunun, ləyaqətinin və sarsılmaz iradəsinin təntənəsidir


Azərbaycanın müasir dövlətçilik tarixinə qızıl hərflərlə yazılmış 44 günlük Vətən müharibəsində qazandığımız şanlı Zəfərdən 6 il ötür.

44 günlük Vətən müharibəsində yazılan tarix sadəcə hərbi qələbə deyil. Bu, Azərbaycan xalqının milli qürurunun, ləyaqətinin və sarsılmaz iradəsinin təntənəsi, dövlətçilik tariximizin ən parlaq səhifələrindən biridir. Bu Zəfər Müzəffər Ali Baş Komandan, Prezident cənab İlham Əliyevin siyasi iradəsinin, qətiyyətinin və sərkərdəlik məharətinin, xalqımızın milli birliyinin, dövlətimizin gücünün və ordumuzun qüdrətinin möhtəşəm təcəssümüdür.

Otuz ilə yaxın davam edən işğal dövründə xalqımız ağır məhrumiyyətlərə, faciələrə və ədalətsizliklərə məruz qaldı. Ancaq heç zaman torpaqlarımızın işğalı ilə barışmadı, qələbəyə olan inamını itirmədi. Azərbaycan dövləti isə bu müddət ərzində öz gücünü səfərbər etdi. Prezident İlham Əliyev ən mürəkkəb geosiyasi şəraitdə belə milli maraqlarımızdan bir addım da geri çəkilmədi. Məqsədyönlü siyasəti nəticəsində ölkəmizin iqtisadi potensialı gücləndirildi, müasir və qüdrətli ordu formalaşdırıldı, Azərbaycanın tarixi Zəfərinə möhkəm zəmin yaradıldı.

44 günlük müharibə bu hazırlığın, siyasi uzaqgörənliyin və qətiyyətli liderliyin real nəticəsini bütün dünyaya nümayiş etdirdi. Prezident İlham Əliyev döyüş meydanında hərbi əməliyyatların gedişinə rəhbərlik etməklə yanaşı, beynəlxalq siyasi və informasiya müstəvisində də Azərbaycanın haqlı mövqeyini qətiyyətlə müdafiə etdi. Bütün təzyiqlərə, təhdidlərə və informasiya hücumlarına baxmayaraq, milli maraqlarımızın qorunmasında prinsipial mövqe sərgilədi.

2020-ci il noyabrın 8-də Şuşanın azad edilməsi isə hərb tariximizə qızıl hərflərlə yazılan, hərbi məharətin, cəsarətin və qəhrəmanlığın misilsiz nümunəsinə çevrilən tarixi əməliyyat oldu. Şuşa Zəfəri Azərbaycanın qələbə əzmini sarsıtmağa çalışan bütün qüvvələrə verilən ən tutarlı cavab idi.

Bu möhtəşəm Qələbənin təməlində Ali Baş Komandan, xalq və ordu arasında formalaşmış sarsılmaz birlik dayanırdı. Şəhidlərimizin müqəddəs qanı, qazilərimizin qəhrəmanlığı, əsgər və zabitlərimizin misilsiz şücaəti bu Zəfər dastanını yazdı. Bu gün azadlığımızın və suverenliyimizin hər qarışında onların fədakarlığı yaşayır. 

Azərbaycan 8 Noyabr Zəfəri ilə ərazi bütövlüyünü, 2023-cü ilin sentyabrında həyata keçirilmiş lokal xarakterli antiterror tədbirləri ilə isə dövlət suverenliyini tam bərpa etdi. Bununla da ölkəmiz onilliklər ərzində beynəlxalq siyasi müzakirələrin və ikili standartların kölgəsində qalan fundamental hüquq prinsipini – dövlətlərin ərazi bütövlüyü və sərhədlərinin toxunulmazlığını real həyata keçirdi.

BMT Təhlükəsizlik Şurasının uzun illər kağız üzərində qalan qətnamələrinin icrasını Azərbaycan öz siyasi iradəsi, iqtisadi qüdrəti və ordusunun qəhrəmanlığı hesabına təmin etdi. Bu, yalnız Azərbaycanın deyil, beynəlxalq hüququn və ədalət prinsipinin qələbəsi idi.

Azərbaycan öz tarixi Zəfəri ilə həm də bölgəmizdə onilliklər boyu hökm sürmüş münaqişə, separatizm, etnik təmizləmə və vandalizm siyasətinə son qoydu. Biz yalnız torpaqlarımızı azad etmədik, həm də regionun gələcəyinə mane olan münaqişə səhifəsini bağlamaq üçün tarixi fürsət yaratdıq.

XXI əsrdə öz ərazi bütövlüyünü və suverenliyini kənar hərbi müdaxilə və himayəyə arxalanmadan, öz milli gücü və iradəsi hesabına bərpa edən Azərbaycan bu gün dünyada suverenlik uğrunda mübarizə aparan dövlətlər üçün mühüm örnəyə çevrilib. Biz sübut etdik ki, güclü dövlətçilik, milli birlik və qətiyyət olduqda heç bir tarixi ədalətsizlik əbədi davam edə bilməz.

Bu Zəfər, eyni zamanda, Ümummilli Lider Heydər Əliyevin vəsiyyətinin, onun ən böyük arzusunun gerçəkləşməsi idi. Prezident İlham Əliyev öz qətiyyətli liderliyi ilə Ulu Öndərin vəsiyyətini yerinə yetirdi. O, həmçinin Azərbaycan Xalq Cümhuriyyətinin qurucularının, iki əsr ərzində müstəqil, bütöv və suveren Azərbaycan arzusu ilə yaşamış ziyalılarımızın, mütəfəkkirlərimizin və Vətən uğrunda canından keçmiş şəhidlərimizin arzularını reallığa çevirdi.

Bu, sadəcə torpaqların azad edilməsi deyildi. Bu, xalqın tarixi yaddaşının, milli qürurunun və öz gücünə inamının bərpası idi. Bu Qələbə əyilmiş qəddimizi dikəltdi, milli ruhumuzu yüksəltdi və tariximizin gedişatını dəyişdi!

Bu gün azad edilmiş ərazilərimizdə genişmiqyaslı bərpa və quruculuq işləri aparılır, Böyük Qayıdış proqramı həyata keçirilir. Vaxtilə dağıdılmış şəhər və kəndlərimiz yenidən qurulur, doğma yurdlarından didərgin düşmüş soydaşlarımız öz evlərinə qayıdırlar. Dünən döyüş meydanı olan torpaqlarımız bu gün quruculuğun, inkişafın və yeni həyatın ünvanına çevrilir. Zəfərimizin əsl böyüklüyü həm də ondadır ki, biz yalnız müharibəni qazanmadıq, azad edilmiş torpaqlarda yeni həyat qurmağa başladıq.

8 Noyabrın ən mühüm tarixi dərsi budur: güclü dövlət, qətiyyətli liderlik, müasir ordu və xalqın sarsılmaz birliyi olduqda ən mürəkkəb tarixi vəzifələri belə həyata keçirmək mümkündür. Prezident İlham Əliyev siyasi iradəsi, əzmi və sərkərdəlik məharəti ilə adını Azərbaycan tarixinə qızıl hərflərlə yazdı. 

Azərbaycanın bölgədə yaratdığı yeni reallıqlar artıq tarixin və beynəlxalq hüququn geridönməz reallığıdır. Beynəlxalq hüquqa, ədalətə və sülhə hörmətlə yanaşan bütün dövlətlər və beynəlxalq təşkilatlar bu reallıqları qəbul edib, Azərbaycanın regionda dayanıqlı sülhün təmin olunması istiqamətində göstərdiyi səyləri dəstəkləyirlər.

Cənubi Qafqaz revanşizmin, qarşıdurmanın və silahlanma yarışının deyil, sülhün, sabitliyin, mehriban qonşuluğun və qlobal əməkdaşlığın məkanına çevrilməlidir. Bunun üçün ilk növbədə Azərbaycanın suverenliyinə və ərazi bütövlüyünə hörmət edilməli, ölkəmizə qarşı yönəlmiş düşmənçilik siyasətindən və revanşist iddialardan birdəfəlik imtina olunmalıdır.

Şuşada, Xankəndidə və Azərbaycanın bütün ərazilərində dalğalanan üçrəngli bayrağımız xalqımızın iradəsinin, dövlətimizin qüdrətinin və tarixi ədalətin təntənəsinin rəmzidir. Bu reallıqla barışmaq və yeni səhifədən başlamaq regionda davamlı sülhün yeganə sağlam yoludur. 

Şəhidlərimizin əziz xatirəsini dərin ehtiramla yad edir, qazilərimizə minnətdarlıq edirik.

Zəfərimiz mübarək olsun!


Vasif Qafarov,

Milli Məclisin deputatı

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

Azərbaycan-Vyetnam əlaqələri yüksələn xətlə inkişaf edir

13:46
22 Noyabr

Livan Respublikasının Prezidenti Zati-aliləri General Jozef Auna  

12:50
22 Noyabr

Azərbaycanda sabaha gözlənilən hava şəraiti açıqlanıb

12:28
22 Noyabr

Zəfər və inkişaf yolunun siyasi avanqardı: Yeni Azərbaycan Partiyası

10:57
22 Noyabr

Gəncədə YAP-ın yaradılmasının 34-cü ildönümü qeyd olunub

10:43
22 Noyabr

Azərbaycan-Vyetnam əlaqələri yeni mərhələdə

10:34
22 Noyabr

Prezident İlham Əliyevin sosial media hesablarında Vyetnama səfəri ilə bağlı daha bir videoçarx paylaşılıb VİDEO

23:39
21 Noyabr

Prezident İlham Əliyevin Vyetnama səfəri başa çatıb

22:13
21 Noyabr

Hanoy Tiсarət və Turizm Kollecində Bakı guşəsi və Azərbaycan kulinariya zonası açılıb

21:56
21 Noyabr

ABŞ Milada qədər Ukrayna və Rusiya arasında yeni sülh danışıqları təşkil etməyi planlaşdırır  

19:36
21 Noyabr

Yeni Dehlidə Azərbaycan-Nepal mədəni əməkdaşlığı müzakirə olunub  

18:21
21 Noyabr

Adil Kərimli Hindistanın mədəniyyət və turizm naziri ilə görüşüb  

17:31
21 Noyabr

Volodimir Zelenski: Rusiya Ukraynanın körpülərinə yüzdən çox hücum edib  

17:22
21 Noyabr

Küləkli hava şəraiti ilə bağlı sarı xəbərdarlıq verilib

16:38
21 Noyabr

Bakıda Kəlağayı Festivalının açılışı olub 

15:43
21 Noyabr

Azərbaycanın və Vyetnamın birinci xanımları Hanoyda İrs Evində olublar

15:31
21 Noyabr

Prezident: Xüsusilə Vətən müharibəsi dövründə Vyetnamın verdiyi dəstəyə və ədalətli mövqeyinə görə minnətdarıq 

15:03
21 Noyabr

Prezident İlham Əliyev: Vyetnam bizim üçün dost ölkə və strateji tərəfdaşdır 

14:59
21 Noyabr

Vyetnam Prezidenti: Tamamilə əminəm ki, Azərbaycan bundan da böyük inkişafa nail olacaq 

14:53
21 Noyabr

To Lam: Azərbaycan həm Avropanın, həm də Asiyanın bənzərsiz mədəni irsini daşıyan inci hesab olunur VİDEO  

14:51
21 Noyabr

Hanoyda Prezident İlham Əliyevin və birinci xanım Mehriban Əliyevanın şərəfinə rəsmi nahar verilib

14:47
21 Noyabr

ÇOX OXUNANLAR

OXUCU MƏKTUBLARI

NƏŞRLƏRİMİZ

TƏQVİM / ARXİV

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!