Örnək pedaqoq - Xosrov Axundzadə
Azərbaycan xalqı tarixinin, mədəniyyətinin yaranmasında və inkişafında xidmətlər göstərən şəxsiyyətləri heç vaxt unutmur. Onları daim hörmətlə xatırlayır, ehtiramla yad edir, yaratdıqlarını, yazdıqlarını qoruyub gələcək nəsillərə çatdırır. Mənalı ömrünü Azərbaycanın ictimai, mədəni və maarif işlərinə həsr etmiş görkəmli pedaqoq və şair Xosrov Axundzadə də belə unudulmaz şəxsiyyətlərdən biridir.
Xosrov Mirzəli oğlu Axundzadə 1889-cu il iyunun 1-də mədəniyyət beşiyimiz olan Şuşa şəhərində ziyalı ailəsində dünyaya göz açıb. Atası Mirzəli Aşiq Zeynalabdın oğlu müəllim olmaqla bərabər, həm də şair və məşhur musiqişünas kimi tanınıb. O, Cabbar Qaryağdıoğlu və digər istedadlı xanəndələrin müəllimi olub.
Gələcəyin şairi Xosrov Axundzadə Şuşada qorodskoy (şəhər) məktəbində oxuyub. O, bu məktəbdə Üzeyir və Zülfüqar Hacıbəyov qardaşları ilə birlikdə təhsil alıb.
Xosrov Axundzadə şəhər məktəbində oxuyarkən atası Mirzəli Aşiq vəfat edib. Atasının vaxtsız ölümündən sonra Xosrovun çətin günləri başlayıb. Altı nəfərlik ailənin dolanışıq qayğılarını o çəkməli olub. Gənc Xosrov 1905-ci ildə təhsilini başa vurduqdan bir il sonra müəllim kimi əmək fəaliyyətinə başlayıb.
O, 1906-1913-cü illərdə Şuşa ibtidai məktəblərində "Nikolayski", "Nəşri-maarif" və digər məktəblərdə, 1913-1917-ci illərdə Şuşada 5 nömrəli təhsil ocağında müəllim işləyib. 1920-ci ildə Şuşada "Nərimaniyyə" və "Haşimiyyə" məktəblərinin təşkilində Hüseyn Qayıbov, Zülfüqar Abdullayev, Mircabbar Vəzirov, Hacı Zalov və başqaları ilə bərabər Xosrov Axundzadənin də xidməti olub.
Azərbaycanda sovet hakimiyyəti qurulandan sonra Xosrov Axundzadə tədris və maarifləndirmə işlərini davam etdirib, əvvəlki kimi üzərinə düşən vəzifələri bacarıqla yerinə yetirib.
Dövrünün tanınmış ziyalısı olan Xosrov Axundzadə zamanında Şuşada savadsızlığın aradan qaldırılmasında mühüm işlər görüb. O, 1935-ci ildə Şuşa şəhər kütləvi kitabxanasına müdir təyin olunub. 1956-cı ilədək Şuşada 7 illik və orta məktəblərinin ibtidai siniflərində dərs deyib. 1956-cı ildə təqaüdə çıxıb. Qocaman pedaqoq 1960-cı il mayın 10-da Şuşada dünyasını dəyişib.
Keçdiyi şərəfli ömür yolundan göründüyü kimi, Xosrov müəllim həyatının 50 ilini maarif işinə həsr edib. Respublikamızın görkəmli alim, ədib, şair, rəssam, musiqişünas, bəstəkar, həkim və dövlət xadimləri arasında onun yüzlərlə yetirmələri var.
Xosrov Axundzadə pedaqoji fəaliyyəti, təcrübəsi, peşəkarlığı ilə hələ sağlığında respublikamızın pedaqoqlarının diqqətini cəlb edib. 1948-ci ildə professor Əhməd Seyidov və professor Mehdi Mehdizadə Xosrov müəllimə məktub yazaraq ondan təcrübə və xatirələrini instituta yazıb göndərməsini xahiş ediblər. Xosrov Axundzadənin elmi-pedaqoji fəaliyyətinə dair yazıları - "Pedaqoji təcrübə və mülahizələri" 2000-ci ildə "Maarif" nəşriyyatı, 2-ci nəşri isə 2008-ci ildə, anadan olmasının 120 illiyi münasibətilə "Adiloğlu" nəşriyyatı tərəfindən çap olunub. Əsər gənc müəllimlər üçün bu gün də əhəmiyyətli və dəyərli metodik vəsaitdir.
Xosrov Axundzadə həm də 54 il ədəbi yaradıcılıqla məşğul olub, "Şaiq" təxəllüsü ilə tanınıb. Xosrov Şaiq ilk şeir dərsini atası Mirzəli Aşiqdən almışdı. XIX əsrin qabaqcıl şair və yazıçılarından olan Xurşidbanu Natəvan, Mir Möhsün Nəvvab, Süleyman Sani Axundov, Əbdürrəhim bəy Haqverdiyev, Nəcəf bəy Vəzirov, Firudin bəy Köçərli, Cəlil Məmmədquluzadə və Üzeyir bəy Hacıbəylinin gənc Xosrova böyük təsiri olmuşdu. O, 1919-cu ilin fevralında Həmidə xanımın xahişi ilə Mirzə Cəlilin "Ölülər" və "Anamın kitabı" əsərinin üzünü köçürüb.
Xosrov Şaiqin Şuşada XIX əsr Azərbaycan yazıçı və şairlərilə əlaqədar olan tarixi yerlər barədə "Xatirələri" bir çox cəhətləri ilə qiymətlidir. Bu əsərdə Azərbaycan maarif və mədəniyyətinin inkişafında böyük rol oynayan ziyalıların fəaliyyəti şirin bir dillə təsvir edilib.
Xosrov Axundzadə, eyni zamanda "Qarabağın tarixçisi" kimi də məşhurdur. Mərhum professor Əliyar Qarabağlı "Xosrov Axundov-Şaiq haqqında" xatirəsində yazırdı: "C.Məmmədquluzadə və Həmidə xanımla, Üzeyir bəylə və S.S.Axundovla şəxsən dost və tanış olan Xosrov müəllim ümumiyyətlə, Qarabağ, xüsusən, Şuşa haqqında ən dərin məlumata sahib idi. Buna görə də, Şuşanın tarixi ilə maraqlananlar həmişə ona müraciət edər və aydın cavab alardılar".
Xosrov Axundov - Şaiq ömrünün son günlərində böyük diqqət və həvəslə qəzəllərini və şeirlərini bir yerə toplayaraq "Məcmueyi-əşarı" əsərinin (şeirlər məcmuəsinin) əlyazmasını xalqımıza yadigar qoyub.
Vahid MƏHƏRRƏMOV,
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
ELAN
18 Iyul
Azərbaycan memarı Hacıbəy Axundov və onun şah əsəri
18 Iyul
Məhəmməd Füzulinin 530 illiyi münasibətilə sərgi hazırlanıb
18 Iyul
"Paris Notr-Dama ithaf" növbəti dəfə səhnədə
18 Iyul
Qəsəbə sakinləri problemin həllini gözləyirlər
18 Iyul
DSMF-nin xərcləri 14 faiz artıb
18 Iyul
Dövlət Neft Fondunun aktivləri 58 milyard dolları ötüb
18 Iyul
Bu il Naxçıvanda sahibkarlıq fəaliyyəti ilə bağlı 46 lisenziya verilib
18 Iyul
Bu ilin birinci yarısında KOB evlərində sahibkarlara 200 mindən çox xidmət göstərilib
18 Iyul
Azərbaycan Respublikası Nazirlər Kabinetinin 2017-ci il 17 noyabr tarixli 500 nömrəli Qərarı ilə tə...
18 Iyul
DİQQƏT ÇƏKƏNLƏR
Azərbaycan islam həmrəyliyini möhkəmləndirən ölkədir17 Iyul 2024
![](/uploads/img/posts/2024/07/17/Clipjpg-1721164495.jpg)
Ən böyük azərbaycanlı14 Iyul 2024
![](/uploads/img/posts/2024/07/14/h-0jpg-1720931652.jpg)
İlk Qurtuluş günü13 Iyul 2024
![](/uploads/img/posts/2024/07/13/1-16-1 copy Копированиеjpg-1720822565.jpg)
Qarabağ türk dünyasının əbədi dostluğunun rəmzinə çevrilir12 Iyul 2024
![](/uploads/img/posts/2024/07/12/17202756864283358409jpg-1720740093.jpg)
Prezident İlham Əliyev və Baş nazir Məhəmməd Şahbaz Şərif mətbuata bəyanatlarla çıxış ediblər YENİLƏ...11 Iyul 2024
![](/uploads/img/posts/2024/07/11/17207173555827441072_1200x630jpg-1720721554.jpg)
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!