26 İyul 2026 10:56
9494
Səhiyyə
A- A+
İsti havanın insan orqanizminə mənfi təsiri və ondan qorunma üsulları

İsti havanın insan orqanizminə mənfi təsiri və ondan qorunma üsulları

Son illərdə dünyada baş verən qlobal iqlim dəyişiklikləri nəticəsində Azərbaycanda da yay aylarında hava temperaturunun yüksəlməsi və anomal istilər müşahidə edilir. Xüsusən Bakı şəhəri və Abşeron yarımadasında, Aran bölgəsində və Naxçıvan Muxtar Respublikasında yay günlərində temperaturun 40 dərəcə və daha yüksək olması qeydə alınır.

İsti hava insan orqanizminə sağlamlıq baxımından əhəmiyyətli dərəcədə təsir göstərir. İnsan orqanizmi, bir qayda olaraq, bədən temperaturunu təxminən 36,5–37,5 dərəcə arasında balansda saxlamağa çalışır. Lakin ətraf mühit çox isti olduqda həmin tarazlığı qorumaq çətinləşir.

Bunu AZƏRTAC-a açıqlamasında Mərkəzi Neftçilər Xəstəxanasının həkim-terapevti Billurə Həsənova deyib.

Mütəxəssisin sözlərinə görə, isti iqlim şəraitində xüsusən yaşlılar, hamilə qadınlar və uşaqlar, açıq havada çalışan insanlar, eləcə də xroniki xəstəlikləri olan şəxslər həssas qruplar hesab olunurlar. O bildirib ki, ürək-damar, ağciyər, xroniki böyrək, şəkərli diabet və həzm sisteminin xroniki xəstəliklərindən əziyyət çəkən şəxslər sağlamlıqlarına qarşı daha diqqətli olmalıdırlar: "İsti havanın təsirindən tərləmə artır, orqanizmdə su və elektrolit itkisi baş verir. Nəticədə güclü susuzluq hissi, ağız quruluğu, baş ağrısı, başgicəllənmə, halsızlıq, sidiyin miqdarının azalması və rənginin tündləşməsi müşahidə edilir ki, bu əlamətlər dehidrasiyadan (susuzlaşmadan) xəbər verir. Ürək-damar xəstəlikləri olan şəxslərdə arterial təzyiqin enməsi, təngənəfəslik, ürək döyüntülərinin sürətlənməsi və halsızlıq kimi hallar müşahidə oluna bilər. İsti və rütubətli hava astma xəstəliyi üçün tətikləyici (trigger) amil sayılır. Bu cür şəraitdə uzun müddət qalmaq nəfəs darlığı, təngənəfəslik və boğulma əlamətlərinin yaranmasına səbəb ola bilər.

Bununla əlaqədar dəniz kənarında istirahət edən vətəndaşlarımız da diqqətli olmalıdırlar. Əgər ətraflarında olan hər hansı bir şəxsdə şüurun pozulması, şüur qarışıqlığı, qıcolma, huşun itməsi və dərinin həddindən artıq isti olmasını müşahidə edərlərsə, bu, günvurma (istilik vurması) əlaməti ola bilər. Belə hal təcili tibbi yardım tələb edən təhlükəli vəziyyətdir. Belə hallarda dərhal həmin şəxs kölgəli və sərin yerə aparılmalı, bədəni soyudulmalı və Təcili Tibbi Yardıma müraciət edilməlidir".

Həkim-terapevt vətəndaşlara istinin mənfi təsirlərindən qorunmaq üçün tövsiyələr də verib: “Gün ərzində kifayət qədər su için, susamağı gözləməyin.

Saat 11:00–16:00 aralığında mümkün qədər qapalı və sərin mühitdə olun, birbaşa günəş şüaları altında uzun müddət qalmayın. Alkoqollu, enerji, həddindən artıq kofeinli və şəkərli içkilərin qəbulunu məhdudlaşdırın. Ağır fiziki fəaliyyətləri səhər və axşam saatlarına planlaşdırın. Dəniz kənarında papaq, günəşdən qoruyucu krem və gün eynəyindən istifadə edin. Açıq rəngli, yüngül və pambıq parçadan hazırlanmış geyimlərə üstünlük verin. Şəkərli diabeti olan şəxslər qan şəkərinin səviyyəsini mütəmadi ölçsünlər, ürək-damar xəstəlikləri olanlar arterial təzyiqlərini müntəzəm nəzarətdə saxlasınlar və həkim tərəfindən təyin olunmuş dərmanları vaxtında qəbul etməyi unutmasınlar. Test-stripləri və dərman preparatlarını birbaşa günəş şüaları altında saxlamayın. Avtomobildə uşaqları və ev heyvanlarını nəzarətsiz və tək qoymayın".

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

Azərbaycan-Vyetnam əlaqələri yüksələn xətlə inkişaf edir

13:46
22 Noyabr

Livan Respublikasının Prezidenti Zati-aliləri General Jozef Auna  

12:50
22 Noyabr

Azərbaycanda sabaha gözlənilən hava şəraiti açıqlanıb

12:28
22 Noyabr

Zəfər və inkişaf yolunun siyasi avanqardı: Yeni Azərbaycan Partiyası

10:57
22 Noyabr

Gəncədə YAP-ın yaradılmasının 34-cü ildönümü qeyd olunub

10:43
22 Noyabr

Azərbaycan-Vyetnam əlaqələri yeni mərhələdə

10:34
22 Noyabr

Prezident İlham Əliyevin sosial media hesablarında Vyetnama səfəri ilə bağlı daha bir videoçarx paylaşılıb VİDEO

23:39
21 Noyabr

Prezident İlham Əliyevin Vyetnama səfəri başa çatıb

22:13
21 Noyabr

Hanoy Tiсarət və Turizm Kollecində Bakı guşəsi və Azərbaycan kulinariya zonası açılıb

21:56
21 Noyabr

ABŞ Milada qədər Ukrayna və Rusiya arasında yeni sülh danışıqları təşkil etməyi planlaşdırır  

19:36
21 Noyabr

Yeni Dehlidə Azərbaycan-Nepal mədəni əməkdaşlığı müzakirə olunub  

18:21
21 Noyabr

Adil Kərimli Hindistanın mədəniyyət və turizm naziri ilə görüşüb  

17:31
21 Noyabr

Volodimir Zelenski: Rusiya Ukraynanın körpülərinə yüzdən çox hücum edib  

17:22
21 Noyabr

Küləkli hava şəraiti ilə bağlı sarı xəbərdarlıq verilib

16:38
21 Noyabr

Bakıda Kəlağayı Festivalının açılışı olub 

15:43
21 Noyabr

Azərbaycanın və Vyetnamın birinci xanımları Hanoyda İrs Evində olublar

15:31
21 Noyabr

Prezident: Xüsusilə Vətən müharibəsi dövründə Vyetnamın verdiyi dəstəyə və ədalətli mövqeyinə görə minnətdarıq 

15:03
21 Noyabr

Prezident İlham Əliyev: Vyetnam bizim üçün dost ölkə və strateji tərəfdaşdır 

14:59
21 Noyabr

Vyetnam Prezidenti: Tamamilə əminəm ki, Azərbaycan bundan da böyük inkişafa nail olacaq 

14:53
21 Noyabr

To Lam: Azərbaycan həm Avropanın, həm də Asiyanın bənzərsiz mədəni irsini daşıyan inci hesab olunur VİDEO  

14:51
21 Noyabr

Hanoyda Prezident İlham Əliyevin və birinci xanım Mehriban Əliyevanın şərəfinə rəsmi nahar verilib

14:47
21 Noyabr

ÇOX OXUNANLAR

OXUCU MƏKTUBLARI

NƏŞRLƏRİMİZ

TƏQVİM / ARXİV

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!