Aprelin 22-də Ermənistanla sərhəddə yerləşən İğdır əyalətinin məktəb və liseylərinin yüzlərlə tələbə və müəllimləri erməni quldur dəstələrinin cinayətlərinin qurbanlarına ucaldılmış abidə-muzey önündə aksiyaya toplaşıblar.
AZƏRTAC xəbər verir ki, aksiya bu Şərqi Türkiyə əyalətinin Milli Təhsil İdarəsi tərəfindən təsdiqlənmiş “Şəhərin yaddaşı tarixin işığında” layihəsi çərçivəsində baş tutub.
Aksiyada çıxış edən İğdırın valisi Ercan Turan gənc nəsli 1915–1920-ci illərdə ermənilər tərəfindən qətlə yetirilmiş yerli sakinlərin xatirəsini anmağa çağırıb.
“İğdırın bir çox yaşayış məntəqəsi ermənilərin törətdiyi qanlı cinayətlərə şahid olub. O dövrdə Oba, Xakmehmet kəndlərində və İğdırın bir çox digər bölgələrində kütləvi qətliamlar törədilib. Mən və hər bir İğdır sakini şəhidlərimizin xatirəsini ehtiramla anırıq”, – deyə vali vurğulayıb.
O qeyd edib ki, hər bir millətin borcu öz gənc nəslini ölkəsinin tarixini yaddaşlarda saxlayaraq yetişdirməkdir. “Öz ölkəsinin keçmişini unudanlar məhvə məhkumdurlar”, – deyə Ə.Turan bildirib və İğdır gənclərini vilayətin tarixinin faciəli səhifələrini öyrənməyə çağırıb.
Daha sonra çıxış edən İğdırın Milli Təhsil İdarəsinin rəhbəri Aziz Gün 1915-ci ildə və sonrakı illərdə baş verən qanlı hadisələri “Türkiyə xalqına qarşı soyqırımı aktı” adlandırıb.
“Erməni quldur dəstələrinin cinayətləri bütün hədləri aşmışdı, belə ki, qadınlar, uşaqlar, qocalar qətlə yetirilirdi. Qətlə yetirilənlərin bir hissəsinin adları bu günə çatmayıb, lakin həmin faciəli hadisələrin xatirəsi yaşayır. Ermənilər və onların havadarları bu cinayətlərin izlərini silə bilməyəcək. İğdırın hər yeni nəsli ədalət tələb edəcək. Nə bağışlayacağıq, nə də unudacağıq”, – deyə A.Gün bildirib.
O qeyd edib ki, bütün dünya məhz ermənilərin Türkiyə xalqına qarşı soyqırımı törətdiyini bilməlidir.
Aksiya əllərində Türkiyə bayrağı olan gənclərin İğdır küçələrində yürüşləri ilə davam edib.
jpg_1765992511.jpg)
jpg_1765990345.jpg)
