Bu gün ABŞ prezidenti Donald Trampın “İranda kütləvi aksiya keçirənlərin öldürülməsinə son qoyulub və aksiyalar zəifləyib” - bəyanatından sonra İrana hərbi müdaxilə ehtimalı aradan qalxdı ki, bu da dünya bazarında neftin qiymətinin 3 faiz azalması ilə nəticələndi.
AZƏRTAC xəbər verir ki, yanvarın 14-də gün ərzində 1 bareli 66 dollardan satılan “Brent” markalı neftin qiyməti yanvarın 15-də London birjasında 2,24 dollar azalaraq 64,28 dollara satıldı. Nyu-Yorkun NYMEX (“New York Mercantile Exchange”) birjasında “Light” markalı neftin bir barelinin qiyməti isə 2,14 dollar azalaraq 59,88 dollar təşkil edib.
Bu gün (15 yanvar) ABŞ bir sıra Yaxın Şərq ölkəsindəki hərbi kontingentinin bir hissəsini çıxarmağa başlayıb. Bu addımı ABŞ İran İslam Keşikçiləri Korpusunun hərbi hava qüvvələrinin komandanı Məcid Müsəvinin bəyanatından sonra atdı. O bəyan edib ki, ABŞ İrana hərbi müdaxilə edəcəyi təqdirdə onun Yaxın Şərq ölkələrindəki hərbi bazalarına raket zərbələri endiriləcək.
Yaponiyanın beynəlxalq səviyyədə fəaliyyət göstərən “Nissan Securities Investment” maliyyə broker şirkətinin baş strateqi Hiroyuki Kikukava (Hiroyuki Kikukawa) “Reuters” agentliyinə bildirib ki, geosiyasi risklərin hələ də qalmasına baxmayaraq WIT markalı neftin 1barelinin qiyməti 55 dollara kimi düşə bilər. Onun fikrincə, gözlənilməz geosiyasi dəyişikliklər bazarın tələb və təklif qanununu poza bilər ki, bu da qiymətlərin düşməsi prosesini davam etdirər.
Dünya bazarında neftin qiymətinin düşməsini şərtləndirən amillərdən biri də ABŞ-ın neft ehtiyatları barədə məlumatların açıqlanması olub. ABŞ-ın Enerji informasiyası administrasiyasının açıqlamasına əsasən dünyanın ən çox neft istehlak edən ölkəsinin neft ehtiyatı 3,4 milyon barelə çatıb. Ötən həftə analitiklər ABŞ-ın neft ehtiyatlarının 1,7 milyon barel olacağını bildirmişdilər.
Bundan başqa, ABŞ-ın Venesuelaya qarşı tətbiq etdiyi sanksiyalara baxmayaraq hasilatı bərpa edən dövlət neft şirkəti ixraca başlayıb. ABŞ da məlum səbəblərdən buna göz yumur. Ehtimal edilir ki, bu günlərdə Venesuelaya qarı tətbiq olunan sanksiyalar aradan qaldırılacaq.
19 (1)jpg_1771885865.jpg)
