05 Noyabr 2026 18:08
2162
Səhiyyə
A- A+
Balqabaq toxumundakı maddə əzələlərin bərpasını sürətləndirə bilər  

Balqabaq toxumundakı maddə əzələlərin bərpasını sürətləndirə bilər  


Rusiyalı tədqiqatçılar balqabaq toxumlarında və qəhvə dənələrində olan triqonellin maddəsinin işemiya və qan dövranının bərpası zamanı əzələ hüceyrələrini kütləvi məhv olmaqdan qoruduğunu aşkar ediblər. Rusiya Elmi Fondunun (REF) mətbuat xidmətinin məlumatına görə, bu kəşf işemiyadan sonra xəstələrin daha sürətli sağalmasına kömək edə biləcək yeni preparatların hazırlanmasına yol aça bilər.

Mari Dövlət Universitetinin (Yoşkar-Ola) dosenti Anastasiya Stepanovanın sözlərinə görə, aparılan tədqiqatlar triqonellinin gələcəkdə ətrafların zədələnməsindən və normal qan dövranının müvəqqəti dayandırıldığı cərrahi əməliyyatlardan sonra xəstələrin daha tez bərpa olunmasına kömək edə biləcək sadə və əlçatan vasitənin əsasını təşkil edə biləcəyini göstərir. Tədqiqatçıların izahına görə, işemiya zamanı toxumalara qan axınının dayanması hüceyrələrin kütləvi məhvinə səbəb olur. Lakin təhlükə qan dövranı bərpa edildikdən sonra da davam edir. Belə ki, toxumalara yenidən oksigenlə zəngin qanın daxil olması oksidləşdirici maddələrin (oksidantların) miqdarını kəskin artırır. Bu maddələr hüceyrə membranlarını zədələyir və hüceyrələrdə kalsiumun həddindən artıq toplanmasına səbəb olur. Bu proses xüsusilə əzələ hüceyrələrinə ciddi zərər verir.

Rusiyalı alimlər müəyyən ediblər ki, bu zədələnmələrin qarşısını müəyyən dərəcədə triqonellin vasitəsilə almaq mümkündür. Triqonellin balqabaq toxumlarında və qəhvə dənələrində olan təbii alkaloiddir. O həmçinin insan orqanizmində B3 vitamininin (niasinin) mübadiləsi zamanı az miqdarda əmələ gəlir. Əvvəlki tədqiqatlarda bu maddənin işemiya zamanı beyin hüceyrələrini məhv olmaqdan qoruduğu göstərilmişdi. Bu nəticə alimləri triqonellinin əzələ toxumasına təsirini də araşdırmağa sövq edib.

Tədqiqat çərçivəsində siçovullar üzərində bir sıra eksperimentlər aparılıb. Alimlər heyvanların ətraflarında qan dövranını iki saat müddətinə dayandırıblar. Nəticələr göstərib ki, triqonellin inyeksiyaları əməliyyatdan sonra əzələlərin vəziyyətini əhəmiyyətli dərəcədə yaxşılaşdırıb. Bu təsir qan dövranı bərpa olunarkən hüceyrələrin əsas enerji mənbəyi hesab edilən mitoxondrilərin zədələnməsinin qarşısının alınması ilə əlaqələndirilib.

Məlum olub ki, triqonellin mitoxondrilərin kalsiumu emal etmək qabiliyyətini bərpa edir. Nəticədə hüceyrələrdə kalsiumun həddindən artıq toplanmasının və mitoxondrilərin zədələnməsinin qarşısı alınır. Bu isə əzələlərin daha sürətli bərpasına və təcrübədə iştirak edən heyvanların hərəkət qabiliyyətinin daha tez geri qayıtmasına şərait yaradır. Alimlər ümid edirlər ki, hərtərəfli təhlükəsizlik və effektivlik sınaqlarından sonra triqonellin insanlarda da oxşar müsbət təsir göstərə bilər.


Ülkər XASPOLADOVA,

“Azərbaycan”


Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

Azərbaycan-Vyetnam əlaqələri yüksələn xətlə inkişaf edir

13:46
22 Noyabr

Livan Respublikasının Prezidenti Zati-aliləri General Jozef Auna  

12:50
22 Noyabr

Azərbaycanda sabaha gözlənilən hava şəraiti açıqlanıb

12:28
22 Noyabr

Zəfər və inkişaf yolunun siyasi avanqardı: Yeni Azərbaycan Partiyası

10:57
22 Noyabr

Gəncədə YAP-ın yaradılmasının 34-cü ildönümü qeyd olunub

10:43
22 Noyabr

Azərbaycan-Vyetnam əlaqələri yeni mərhələdə

10:34
22 Noyabr

Prezident İlham Əliyevin sosial media hesablarında Vyetnama səfəri ilə bağlı daha bir videoçarx paylaşılıb VİDEO

23:39
21 Noyabr

Prezident İlham Əliyevin Vyetnama səfəri başa çatıb

22:13
21 Noyabr

Hanoy Tiсarət və Turizm Kollecində Bakı guşəsi və Azərbaycan kulinariya zonası açılıb

21:56
21 Noyabr

ABŞ Milada qədər Ukrayna və Rusiya arasında yeni sülh danışıqları təşkil etməyi planlaşdırır  

19:36
21 Noyabr

Yeni Dehlidə Azərbaycan-Nepal mədəni əməkdaşlığı müzakirə olunub  

18:21
21 Noyabr

Adil Kərimli Hindistanın mədəniyyət və turizm naziri ilə görüşüb  

17:31
21 Noyabr

Volodimir Zelenski: Rusiya Ukraynanın körpülərinə yüzdən çox hücum edib  

17:22
21 Noyabr

Küləkli hava şəraiti ilə bağlı sarı xəbərdarlıq verilib

16:38
21 Noyabr

Bakıda Kəlağayı Festivalının açılışı olub 

15:43
21 Noyabr

Azərbaycanın və Vyetnamın birinci xanımları Hanoyda İrs Evində olublar

15:31
21 Noyabr

Prezident: Xüsusilə Vətən müharibəsi dövründə Vyetnamın verdiyi dəstəyə və ədalətli mövqeyinə görə minnətdarıq 

15:03
21 Noyabr

Prezident İlham Əliyev: Vyetnam bizim üçün dost ölkə və strateji tərəfdaşdır 

14:59
21 Noyabr

Vyetnam Prezidenti: Tamamilə əminəm ki, Azərbaycan bundan da böyük inkişafa nail olacaq 

14:53
21 Noyabr

To Lam: Azərbaycan həm Avropanın, həm də Asiyanın bənzərsiz mədəni irsini daşıyan inci hesab olunur VİDEO  

14:51
21 Noyabr

Hanoyda Prezident İlham Əliyevin və birinci xanım Mehriban Əliyevanın şərəfinə rəsmi nahar verilib

14:47
21 Noyabr

ÇOX OXUNANLAR

OXUCU MƏKTUBLARI

NƏŞRLƏRİMİZ

TƏQVİM / ARXİV

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!