16 Noyabr 2026 09:52
940
Mədəniyyət
A- A+
Azərbaycan filmi Haaqa Beynəlxalq Film Festivalının qalibi olub  

Azərbaycan filmi Haaqa Beynəlxalq Film Festivalının qalibi olub  


Azərbaycan filmi 2026-cı il Haaqa Beynəlxalq Film Festivalının qalibi elan olunub.

AZƏRTAC xəbər verir ki, “Ədibin Evi” və ASAN TV-nin birgə istehsalı olan “Zəfər rəqsi” qısametrajlı bədii filmi festivalın əsas nominasiyası – “Qlobal sülh, harmoniya, insan hüquqları” üzrə qalib seçilib.

Festivalın 13 nəfərdən ibarət münsiflər heyəti ilin əvvəlindən etibarən müsabiqəyə təqdim olunan 503 filmi nəzərdən keçirib. Nəticədə noyabrın 13-15-də Haaqada keçirilən beynəlxalq kino platformasının proqramına 23 ölkədən 63 film daxil edilib.

Bu filmlər arasından dörd ekran əsəri – Azərbaycanın “Zəfər rəqsi”, Monteneqronun “Obraz/The Tower of Strength”, Fələstin və Portuqaliyanın birgə istehsalı olan “Free Fish” və Böyük Britaniyanın “Bystander” filmləri baş nominasiyada qalib olmaq uğrunda mübarizə aparıb.

Mükafatlandırma mərasimində açıqlanan münsiflər heyətinin rəyinə əsasən, “Zəfər rəqsi” filmi yüksək estetikası, aktyorların peşəkar oyunu və təsirli hekayəsi ilə fərqlənərək yekdilliklə qalib seçilib.

Mükafatı qəbul edən “Ədibin Evi”nin icraçı direktoru, filmin yaradıcılarından biri Şəfəq Mehrəliyeva Beynəlxalq Ədalət Məhkəməsinin baş qərargahına ev sahibliyi edən, “Sülh və Ədalət Şəhəri” kimi tanınan Haaqada filmin nümayişinin yaradıcı heyət üçün xüsusi əhəmiyyət daşıdığını vurğulayıb.

“Qısa bədii film vasitəsilə də olsa, bəşəriyyəti münaqişələrin həllində beynəlxalq hüququ və humanizmi hər şeydən üstün tutmağa bir daha çağırırıq”, – deyə Şəfəq Mehrəliyeva bildirib.

O, çıxışında Azərbaycan kinosunun, demək olar ki, dünya kinosu ilə həmyaşıd olduğunu da qeyd edib, münsiflər heyətinə və tamaşaçılara Azərbaycan kinosuna göstərdikləri yüksək diqqət və dəyərə görə təşəkkürünü çatdırıb.

Mükafatlandırma mərasimində festivalda iştirak edən ölkələrin diplomatik korpusunu Azərbaycanın Niderland Krallığındakı səfiri Anar Əcəmov təmsil edib.

Qeyd edək ki, “Zəfər rəqsi” (“The Dance of Triumph”) qısametrajlı bədii filmi Mir Cəlal adına Hekayə Müsabiqəsinin qalibi olmuş Yaşar Bünyadın “Heyvagülü” hekayəsinin motivləri əsasında çəkilib. “Balakhani Operating Company LTD” hasilat şirkətinin dəstəyi ilə ərsəyə gələn filmin rejissoru Gəray Həsəndir. Baş rolları Azər Aydəmir, Günay Əhməd, Nurlan Mürsəlzadə və Niyaz İlyasoğlu ifa ediblər. Filmin bəzi səhnələrində hasilat şirkətində çalışan qazilər də rol alıblar.

Haaqada qazandığı mükafatla “Zəfər rəqsi” filmi builki festival mövsümündə yeddinci beynəlxalq uğuruna imza atıb. 2026-cı ildə ekran əsəri Hindistan, İsveç, Rusiya, Türkiyə, Almaniya, Kanada və Bolqarıstanda keçirilən beynəlxalq film festivallarında münsiflər heyətinin rəğbətini qazanıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

Azərbaycan-Vyetnam əlaqələri yüksələn xətlə inkişaf edir

13:46
22 Noyabr

Livan Respublikasının Prezidenti Zati-aliləri General Jozef Auna  

12:50
22 Noyabr

Azərbaycanda sabaha gözlənilən hava şəraiti açıqlanıb

12:28
22 Noyabr

Zəfər və inkişaf yolunun siyasi avanqardı: Yeni Azərbaycan Partiyası

10:57
22 Noyabr

Gəncədə YAP-ın yaradılmasının 34-cü ildönümü qeyd olunub

10:43
22 Noyabr

Azərbaycan-Vyetnam əlaqələri yeni mərhələdə

10:34
22 Noyabr

Prezident İlham Əliyevin sosial media hesablarında Vyetnama səfəri ilə bağlı daha bir videoçarx paylaşılıb VİDEO

23:39
21 Noyabr

Prezident İlham Əliyevin Vyetnama səfəri başa çatıb

22:13
21 Noyabr

Hanoy Tiсarət və Turizm Kollecində Bakı guşəsi və Azərbaycan kulinariya zonası açılıb

21:56
21 Noyabr

ABŞ Milada qədər Ukrayna və Rusiya arasında yeni sülh danışıqları təşkil etməyi planlaşdırır  

19:36
21 Noyabr

Yeni Dehlidə Azərbaycan-Nepal mədəni əməkdaşlığı müzakirə olunub  

18:21
21 Noyabr

Adil Kərimli Hindistanın mədəniyyət və turizm naziri ilə görüşüb  

17:31
21 Noyabr

Volodimir Zelenski: Rusiya Ukraynanın körpülərinə yüzdən çox hücum edib  

17:22
21 Noyabr

Küləkli hava şəraiti ilə bağlı sarı xəbərdarlıq verilib

16:38
21 Noyabr

Bakıda Kəlağayı Festivalının açılışı olub 

15:43
21 Noyabr

Azərbaycanın və Vyetnamın birinci xanımları Hanoyda İrs Evində olublar

15:31
21 Noyabr

Prezident: Xüsusilə Vətən müharibəsi dövründə Vyetnamın verdiyi dəstəyə və ədalətli mövqeyinə görə minnətdarıq 

15:03
21 Noyabr

Prezident İlham Əliyev: Vyetnam bizim üçün dost ölkə və strateji tərəfdaşdır 

14:59
21 Noyabr

Vyetnam Prezidenti: Tamamilə əminəm ki, Azərbaycan bundan da böyük inkişafa nail olacaq 

14:53
21 Noyabr

To Lam: Azərbaycan həm Avropanın, həm də Asiyanın bənzərsiz mədəni irsini daşıyan inci hesab olunur VİDEO  

14:51
21 Noyabr

Hanoyda Prezident İlham Əliyevin və birinci xanım Mehriban Əliyevanın şərəfinə rəsmi nahar verilib

14:47
21 Noyabr

ÇOX OXUNANLAR

OXUCU MƏKTUBLARI

NƏŞRLƏRİMİZ

TƏQVİM / ARXİV

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!