Prezident
Səfərlər
Birinci vitse-prezident
Qəbullar
Fərmanlar
Sərəncamlar
Məktublar
Qanunlar
Tədbirlər
Əlaqə
Azərbaycan Respublikası, Bakı ş., Mətbuat pr. 529-cu məhəllə, 4-cü mərtəbə
(+994 12) 539 49 20, 538-31-11
Azərbaycan polisi dövlətə və xalqa sədaqətinin növbəti nümunəsini göstərdi
Azərbaycan xalqı 3 qəhrəman polisinin yasını tutur...
O qəhrəmanlar ki, silahlı cinayətkarı zərərsizləşdirmək üçün çəkinmədən, qorxmadan sinələrini odlu silaha sipər etdilər...
Cinayətkarın əlində odlu silahın olduğunu görən Azərbaycan polisi yenə də özünü ləyaqətlə apardı və həyatını belə qurban verməkdən çəkinmədi...
Gecə-gündüz usanmadan xalqın, asayişin keşiyində duran, dar gündə harayına hamıdan tez yetişən polisə elə qoruduğu adam güllə atdı...
Ailə üzvlərinin arxasında gizlənən cinayətkar da çox yaxşı bilirdi ki, Azərbaycan polisi heç zaman vətəndaşa güllə atmaz!
Budur, Azərbaycan polisi - dincliyimiz, asayişimiz üçün özünü qurban verən, dövlətin təhlükəsizliyini qorumaq naminə canlarından keçən qəhrəmanlar...
Eldəniz Məmmədov...
Mahir Ağayev...
Mirəli Heydərov...
Bir ailənin üzvlərini, məsumları yaşatmaq üçün həyatlarını qurban verərək şəhidlik zirvəsinə ucaldılar...
İyunun 24-də Xəzər rayonu Şüvəlan qəsəbəsində baş verən cinayət hadisəsi ölkənin gündəmində ən çox müzakirə olunan mövzuya çevrilib. Daha doğrusu, ölkə ictimaiyyəti məyusluq içərisindədir. Çünki xalq polisini yaxşı tanıyır, onun göstərdiyi xidmətə 24 saat şahidlik edir. Həftə ərzində 7 gün, gün ərzində
24 saat təhlükəsiz yaşamaq istəyən hər bir insan polisə etibar edir və bu etibar hörmətlə, inamla şərtlənir.
Həyatın elə anları var ki, onlar insanın daxilində mənəvi bir öhdəlik yaradır. Ancaq polisin həyatı və xidməti elə bu cür anlardan ibarətdir və bəzən bu, onun həyatı bahasına başa gəlir. Bu şərəfli peşəni seçən hər bir insan özü ilə bərabər doğmalarını da bu riskin çətiri altında yaşamağa məhkum edir.
Doğrudur, hər peşənin bir-birindən fərqli xüsusiyyətləri, üstünlükləri və çətinlikləri var. Bu peşələrin içində polisin xidməti çətinliyi və məsuliyyəti ilə seçilir. İnsan neçə gün yuxusuz qala bilər, neçə həftə istirahətsiz işləyə bilər?!
Amma polis bu yuxusuz gecələri və istirahətsiz həftələri xidməti vəzifə öhdəliyi hesab edir, xalqa və qanuna məsuliyyətlə xidmət edir. Elə bu səbəbdəndir ki, polis işində istirahət anlayışı yoxdur. Onlar gecə-gündüz demədən, qar-borana, qızmar günəşə, sərt küləyə baxmadan yollarda hərəkəti tənzimləyir, ölkəmizi dünyanın ən təhlükəsiz dövlətlərindən birinə çevirirlər.
Ölümləri bahasına da olsa, bir kimsəyə zərər vermədən vəzifə borcunu şərəflə yerinə yetirirlər...
Budur, əsl qəhrəmanlıq...
Budur, Azərbaycan polisinin amalı...
Gəlin, bir müqayisəyə nəzər yetirək:
2024-sü ilin ilk günündən bu günədək ABŞ-də polis
545 nəfəri qətlə yetirib. 2023-cü ildə polisin öldürdüyü şəxslərin sayı 1247 nəfər olub. Onlardan 27 faizi qaradərili insanlardır. Ümumilikdə son
10 ildə polisin törətdiyi ən çox qətl hadisəsi 2023-cü ildə qeydə alınıb. 2024-cü ilin ilk 5 ayı ərzindəki göstəricilər artım tendensiyasını göstərir.
2013-2023-cü illərdə qətl hadisəsi törədən polislərdən 98,1 faizi cinayət məsuliyyətinə belə cəlb olunmayıb. Ümumilikdə 2013-cü ildən indiyədək polis 12 910 nəfəri qətlə yetirib.
İki həftə öncə "Global Terrorism Index 2024"ün yaydığı hesabata görə, Azərbaycan ən təhlükəsiz ölkələr arasında yer alıb. Reytinq sıralanması indeksləri terror hadisələri, ölümlər, girovlar, terrorçuluqla mübarizə, terrorçuluğun araşdırılması effektivliyi və digər çoxsaylı göstəricilər üzrə qəbul edilmiş mürəkkəb hesablamalara əsaslanır. "0" indekslə sonuncu - 89-cu yerdə qərarlaşan Azərbaycan dünyada terrorla bağlı ən təhlükəsiz ölkələrdən biri kimi ən yüksək reytinqə sahiblənib.
Bu faktlar reallıqdır. Reytinq siyahısı göstərir ki, Azərbaycanda daxili sabitlik yüksək səviyyədə təmin edilir. Onun icraçısı isə polisdir...
Ölkəmizdə hər bir şəxsin qanuni mənafeyinin, hüquq və azadlıqlarının etibarlı təmin olunması üçün davamlı tədbirlər görülür, cinayətkarlığa qarşı mübarizədə polis əməkdaşları dəfələrlə həyatlarını təhlükədə qoyaraq vətəndaşlarımızı, habelə digər hüquq- mühafizə orqanlarının işçiləri ilə çiyin-çiyinə ölkəmizin ərazisində ictimai sabitliyi qoruyurlar.
ABŞ polisi üçün isə fərqi yoxdur, istər cinayətkar olsun, istərsə də günahsız vətəndaş, hüquq-mühafizə orqanlarının əməkdaşlarına bir azca müqavimət göstərən, onları təhqir edənlər yerindəcə güllələnirlər.
Azərbaycan polisi isə cinayətkara belə güllə atmır, ona məsləhət edir, yol göstərir. Vətəndaşının sağlamlığı naminə özünü odun-alovun içinə atır, sinəsini güllənin qabağına verir - Eldəniz, Mahir və Mirəli kimi...
Bizlər bu 3 igidin və onların timsalında bütün hüquq mühafizə orqanlarının əməkdaşlarının fədakarlığı, qəhrəmanlığı sayəsində yaradılan sabitliyi, rahatlığı, özgüvəni həyatımızın hər anında yaşayırıq. Amma insanlarda, ümumən cəmiyyətdə bu hissin hansı çətinliklər bahasına yarandığının bəlkə də heç fərqində olmuruq….
Onlar şəhiddirlər, ölkə vətəndaşı üçün canlarından keçən əsl igidlərdirlər...
Onlar qəhrəmandırlar, gələcəkdə bu peşəni seçmək istəyən gənclər üçün ideala çevriləcək əsl qəhrəman!
Allah rəhmət eləsin, ruhunuz şad olsun!
Rəşad BAXŞƏLİYEV,
"Azərbaycan"
IBA Çempionlar Gecəsi: Azərbaycanın daha iki boksçusu qələbə qazanıb
Türkiyənin 2100-cü ilə qədər iqlim modeli hazırlanır
Şahmat üzrə Vüqar Həşimov Memorialının bağlanış mərasimi keçirilib
Azərbaycanda daha bir maliyyə piramidası şəbəkəsi ifşa edildi
“Eternity-2024” çoxmillətli komanda-qərargah təlimi başa çatıb
Şuşada keçirilən şahmat üzrə Vüqar Həşimov Memorialının qalibi bəlli olub
XİN: Peter Stanonun Aİ-nin Ermənistandakı Missiyasının mandatı barədə səsləndirdiyi fikirlər əsassızdır
Azərbaycanda torpağın bir kateqoriyadan digərinə keçirilməsi üçün əsaslar müəyyənləşib
Azərbaycanda torpağın məqsədli təyinatının dəyişdirilməsi üçün əsaslar müəyyənləşib
Dövlət sərhədini pozmağa cəhd göstərən 22 nəfər saxlanılıb
Qərbi Azərbaycan İcması Aİ-nin nümayəndəsi Peter Stanonun qeyri-konstruktiv bəyanatını pisləyib
Dünyanın ən yaxşı 10 qapıçısı - SİYAHI
"Naxçıvan rəhbərliyindən xahiş edirəm ki, komandanı Naxçıvana qaytarsınlar"
Çadda saxlanılan rusiyalılar azad ediləcək
Minifutbol üzrə Azərbaycan çempionatı: Birinci turun oyunları bəlli oldu
Monteneqroda keçirilən AOK-un 44-cü seminarı öz işini başa vurub
BRICS onlarla dövləti əhatə edəcək - AÇIQLAMA
Haiti Fransadan təzminat tələb edir
Dağıstandakı partlayışda ölü sayı artır
Beynəlxalq konfransın iştirakçıları Azərbaycan həmkarlar ittifaqlarının fəaliyyəti barədə məlumatlandırılıb
Əlahiddə Ümumqoşun Ordunun xüsusi təyinatlı bölmələri ilə təlim keçirilib
"Azərbaycan"-ın 1918-1920-ci illərdə dərc olunan nömrələrinin transliterasiyası
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!