№ 46
Azərbaycan Respublikası Nazirlər Kabinetinin QƏRARI
Azərbaycan Respublikası Konstitusiyasının 119-cu maddəsinin səkkizinci abzasını rəhbər tutaraq, “Azərbaycan Respublikasının Mülki Məcəlləsində, Azərbaycan Respublikasının Cinayət Məcəlləsində, Azərbaycan Respublikasının İnzibati Xətalar Məcəlləsində, “İnformasiya, informasiyalaşdırma və informasiyanın mühafizəsi haqqında”, “Dövlət rüsumu haqqında”, “Reklam haqqında”, “Lisenziyalar və icazələr haqqında”, “Cinayət yolu ilə əldə edilmiş əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında” və “Xəzər dənizinin (gölünün) Azərbaycan Respublikasına mənsub olan bölməsində süni torpaq sahələrinin yaradılması haqqında” Azərbaycan Respublikasının qanunlarında dəyişiklik edilməsi barədə” Azərbaycan Respublikasının 2025-ci il 8 iyul tarixli
240-VIIQD nömrəli Qanununun tətbiqi və bununla əlaqədar Azərbaycan Respublikası Prezidentinin bəzi fərmanlarında dəyişiklik edilməsi haqqında” Azərbaycan Respublikası Prezidentinin 2025-ci il 29 iyul tarixli 456 nömrəli Fərmanının icrasını təmin etmək məqsədilə Azərbaycan Respublikasının Nazirlər Kabineti qərara alır:
1. “İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta tariflərinin müəyyən edilməsi haqqında” Azərbaycan Respublikası Nazirlər Kabinetinin 2010-cu il 5 noyabr tarixli 200 nömrəli Qərarının (Azərbaycan Respublikasının Qanunvericilik Toplusu, 2010, № 11, maddə 1034 (Cild I); 2025, № 9, maddə 868) cədvəlində “İqtisadi fəaliyyət növü” sütunu üzrə 2-ci risk dərəcəsinin iyirmi dördüncü abzası aşağıdakı redaksiyada verilsin:
“Lotereya, idman mərc və kazino oyunlarının təşkili üzrə fəaliyyət”.
2. “Lisenziya blanklarının və əlavələrinin hazırlanmasına sifarişin verilməsi, onların bölgüsünün həyata keçirilməsi, blanklardan istifadənin uçotunun və hesabatının aparılması Qaydası”nın və lisenziya, ümumi lisenziya, xüsusi lisenziya blanklarının və əlavələrinin formalarının təsdiq edilməsi haqqında” Azərbaycan Respublikası Nazirlər Kabinetinin 2016-cı il 5 avqust tarixli 295 nömrəli Qərarına (Azərbaycan Respublikasının Qanunvericilik Toplusu, 2016, № 8, maddə 1433 (Cild I); Azərbaycan Respublikası Nazirlər Kabinetinin 2025-ci il 16 dekabr tarixli 392 nömrəli Qərarı) aşağıdakı məzmunda 12-ci hissə əlavə edilsin:
“12. Xəzər dənizinin (gölünün) Azərbaycan Respublikasına mənsub olan bölməsində süni torpaq sahələrində kazino oyunlarının təşkilinə lisenziya” blankının forması təsdiq edilsin (13 nömrəli əlavə).
3. Azərbaycan Respublikası Nazirlər Kabinetinin 2023-cü il 5 avqust tarixli 269 nömrəli Qərarı (Azərbaycan Respublikasının Qanunvericilik Toplusu, 2023, № 8 (II kitab), maddə 1252 (Cild I); 2024, № 6 (II kitab), maddə 729; 2025, № 9, maddə 868) ilə təsdiq edilmiş “İşğaldan azad edilmiş ərazilər üzrə idxalı əlavə dəyər vergisindən və gömrük rüsumundan azad edilən iqtisadi fəaliyyət sahələri və mal nomenklaturaları üzrə texnikanın, texnoloji avadanlıqların və qurğuların, habelə xammal və materialların Siyahısı”nın 2-ci hissəsinin 151-ci sətrindən “, kazino oyunları üçün xüsusi masalar” sözləri çıxarılsın.
4. Azərbaycan Respublikası Nazirlər Kabinetinin 2024-cü il 12 fevral tarixli 83 nömrəli Qərarı (Azərbaycan Respublikasının Qanunvericilik Toplusu, 2024, № 2, maddə 215, № 7, maddə 912) ilə təsdiq edilmiş “Valyuta sərvətləri və milli valyutanın transsərhəd daşınması zamanı onların hərəkətinin dayandırılmasına dair Qaydalar”ın əlavəsində - “Valyuta sərvətləri və milli valyutanın mənbəyi və istifadə məqsədi barədə məlumatların təqdim edilməsi forması”nın 5-ci hissəsinə “O Mərc oyunu” sözlərindən sonra “O Kazino oyunları” sözləri əlavə edilsin.
Əli Əsədov
Azərbaycan Respublikasının Baş naziri
Bakı şəhəri, “23” “fevral” 2026-cı il
Azərbaycan Respublikası
Nazirlər Kabinetinin 2026-cı il
“ 23 ” fevral tarixli
46 nömrəli Qərarı ilə
təsdiq edilmişdir.
_____________________________________________________________________________13 nömrəli əlavə
XƏZƏR DƏNİZİNİN (GÖLÜNÜN) AZƏRBAYCAN RESPUBLİKASINA
MƏNSUB OLAN BÖLMƏSİNDƏ SÜNİ TORPAQ SAHƏLƏRİNDƏ
KAZİNO OYUNLARININ TƏŞKİLİNƏ
LİSENZİYA
Qeydiyyat nömrəsi __________ “____” _______ ___________ il
_____________________________________________________________________________
(lisenziya verən orqanın adı)
_____________________________________________________________________________
(lisenziya verən orqanın ünvanı)
_____________________________________________________________________________
(lisenziya verilən fəaliyyət növü)
_____________________________________________________________________________
_____________________________________________________________________________
_____________________________________ həyata keçirməyə icazə verir.
Lisenziya verilib _______________________________________________________________
____________________________________________________________________________
(hüquqi şəxsin adı və hüquqi ünvanı, VÖEN)
____________________________________________________________________________
Lisenziyanı imzalayan vəzifəli şəxs ________________________________________________
(“İnzibati icraat haqqında” Azərbaycan Respublikası
____________________________________________________________________________
Qanununun 59.1.4-cü maddəsinin tələbləri nəzərə alınaraq adı və soyadı)
Vəzifəsi _____________________________________________________________________
___________________________________________
(imzası)
Qeyd. Bu lisenziya “Lisenziyalar və icazələr haqqında” Azərbaycan Respublikası Qanununun 19.8-1-ci maddəsində nəzərdə tutulan lisenziya müqaviləsi bağlanılmadığı halda hüquqi nəticələr yaratmır.
M.Y.”
