20 Oktyabr 2021 12:22
787
CƏMİYYƏT
A- A+

Zəngilan Rayon Polis Şöbəsinin əməkdaşları Vətən müharibəsində düşmənin atıb qaçdığı silah-sursat aşkarlayıblar

 

Ötən il oktyabrın 20-də Vətən müharibəsinin gedişində Silahlı Qüvvələrimiz tərəfindən daha bir tarixi səhifə yazılıb. Həmin gün Zəngilan rayonu düşmən işğalından azad edildi. Zəngilanın işğaldan azad edilməsi sevinc və qürur hissi ilə qarşılandı. Artıq bir ildir ki, Zəngilanda üçrəngli bayrağımız dalğalanır. Yurd-yuvalarından didərgin düşmüş soydaşlarımızın doğma torpaqlarına qovuşması üçün bu müddətdə mühüm işlər görülüb. Doğma sakinlərini qarşılaması üçün nəhəng tikinti meydanına çevrilən Zəngilanda rayon polis şöbəsinin əməkdaşları da üzərilərinə düşən vəzifələri layiqincə yerinə yetirirlər.

Daxili İşlər Nazirliyinin mətbuat xidmətindən AZƏRTAC-a verilən məlumata görə, Vətən müharibəsi zamanı düşmənin atıb qaçdığı 7 avtomat, 3 pulemyot, 2 qumbaraatan, 42 əl qumbarası, 7 mina və müxtəlif partlayıcı vasitə, xeyli sayda müxtəlif çaplı mərmi və 60 minə yaxın güllə Zəngilan Rayon Polis Şöbəsinin şəxsi heyəti tərəfindən keçirilən nəzarət-profilaktik tədbirlərlə aşkarlanaraq götürülüb və aidiyyəti üzrə təhvil verilib. Bundan başqa, keçirilmiş kompleks tədbirlər nəticəsində rayon ərazisində yabanı halda bitmiş çəkisi 450 kiloqram çəkidə 1810 ədəd çətənə bitkisi yığılaraq məhv edilib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video