30 Avqust 2021 21:42
331
DÜNYA
A- A+

Zəfər bayramı İstanbulda da böyük coşqu ilə qeyd edilib

 

Avqustun 30-da Türkiyədə qeyd edilən Zəfər bayramı və Silahlı Qüvvələr Günü ölkənin bütün vilayətlərində olduğu kimi, İstanbulda da böyük coşqu ilə qeyd edilib.

AZƏRTAC xəbər verir ki, bayram münasibətilə İstanbulun bütün 39 rayonunda müxtəlif tədbirlər keçirilib.

Səhər saatlarında başlayan tədbirlər çərçivəsində İstanbul valisi Ali Yerlikaya başda olmaqla, dövlət rəsmiləri Taksim meydanındakı "Cümhuriyyət abidəsi"ni ziyarət edib, qarşısına gül çələngləri qoyublar. Daha sonra meqapolisin ən görkəmli yerlərindən olan "Vətən" prospektində rəsmi yürüş mərasimi keçirilib. Yürüşü Türkiyənin "Mehtəran" birliyi müşayiət edib. Gün münasibətilə yüzdən artıq elektrikli və klassik avtomobildən ibarət iki ayrı konvoy şəhərin bir hissəsindən digərinə hərəkət edib.

Bundan əlavə, İstanbulun hər bir bölgəsində idman turnirləri, konsert proqramları təşkil olunub, uşaqlar üçün müxtəlif tədbirlər keçirilib. Şəhərin hər bölgəsində eyvanlar Türkiyə bayraqları ilə bəzədilib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video