Yusifcanlı qəbiristanlığında erməni səngərinin ayırdığı bacı məzarları
Ermənistan 30 ilə yaxın müddətdə işğal altında saxladığı ərazilərdə Azərbaycanın tarixi-mədəni irsinə qarşı görünməmiş vandalizm aktı həyata keçirib, tarix, mədəniyyət və dini abidələri, qəbiristanlıqları dağıdıb və təhqir edib. Onlar üçün dini-mənəvi dəyər deyilən anlayış yoxdur. Bunu ermənilərin işğal etdikləri Azərbaycan ərazisindəki qəbiristanlıqda qazdıqları səngərlə iki bacının qəbrini bir-birindən necə barbarcasına ayırdıqlarını əks etdirən foto bir daha təsdiqləyir.
Son günlər sosial şəbəkələrdə yayılan fotolar Ağdam rayonunun Yusifcanlı kənd qəbiristanlığında çəkilib. Ermənistan silahlı bölmələri 1994-cü ildə işğal edərək dağıtdıqları kəndin qəbiristanlığında səngərlər qazıb, minalar basdırıblar. Nəticədə məzarların bir qismi dağıdılıb, səngərlər Səringül və Təyarə bacılarının yanaşı məzarlarını bir-birindən ayırıb.
Səringül və Təyarənin kiçik bacısı Güluzə Qəhrəmanova AZƏRTAC-ın bölgə müxbiri ilə söhbətində deyib ki, qəbiristanlıqda iki deyil, dörd bacısı və anası yanaşı dəfn edilib: “Atam İkinci Dünya müharibəsi zamanı cəbhəyə gedəndə ailəmizdə beş qız övladı vardı. O, müharibədə olarkən bacılarımdan dördü xəstələnərək dünyasını dəyişib və kəndimizin qəbiristanlığında yan-yana basdırılıb. 1993-cü ildə dünyasını dəyişən anamı da həmin qəbiristanlıqda dəfn etdik. Sonra kəndimiz işğal edildi, məcburi köçkün düşdük. O vaxtdan məzarları ziyarət edə bilmirik. Bu günlərdə internetdə bacılarımın məzarlarının şəklini gördük, ürəyimiz ağrıdı. Şəkildə bacılarımın üçünün məzarı görünür. Əslində isə orada dörd bacımın məzarı olub, qəbirlərdən birini ermənilər səngər qazarkən dağıdıblar. Artıq kəndimiz işğaldan azad edilib. Ancaq xain düşmən kəndi də, qəbiristanlığı da minaladığından hələ gedə bilməmişik. İnşallah, tezliklə kəndimizə qayıdar, doğmalarımızın məzarlarını ziyarət edərik”.
Hazırda təkcə Güluzə xanım deyil, doğmalarının məzarlarını ziyarət edə bilməyən on minlərlə soydaşımız bu arzu ilə, bu inamla yaşayır. Çox keçməz ki, ermənilərin viran qoyduğu yurd yerlərimiz, o cümlədən Yusifcanlı kəndi yenidən qurular. Müharibənin izləri silindikcə bu kəndin qəbiristanlığındakı düşmən səngəri də doldurulacaq, 27 il bir-birindən ayrı salınmış bacıların nigaran ruhları da rahatlıq tapacaq.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Türkiyə XİN 1915-ci il hadisələri ilə bağlı bəyanat yayıb
24 Aprel
COP29 Sədrliyi ölkə pavilyonlarının təşkili üzrə müraciətlərin qəbuluna başlayı
24 Aprel
Azərbaycan Prezidentinin xüsusi tapşırıqlar üzrə nümayəndəsi BBC radiosuna müsahibə verib...
24 Aprel
İordaniyanın Baş Prokurorluğu Azərbaycan Baş Prokurorluğunun müsbət təcrübəsinin öyrənilməsində mara...
24 Aprel
Ali qonağın şərəfinə dövlət ziyafəti YENİLƏNİ
24 Aprel
Baş nazirin müavini: Azərbaycan hər zaman özünü etibarlı tərəfdaş kimi göstərib
24 Aprel
Azərbaycan Kubokunda ilk finalçı bəlli olub
24 Aprel
“COP29 və Azərbaycan üçün Yaşıl Baxış” beynəlxalq forumu çərçivəsində Laçında keçirilən konfrans yek...
24 Aprel
Qırğızıstan Prezidenti Sadır Japarov Bakıda şəhidlərin xatirəsini anıb
24 Aprel
Prezident İlham Əliyev və Prezident Sadır Japarov mətbuata bəyanatlarla çıxış ediblər YENİLƏNİB-2...
24 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!