20:17 13 May 2021
ONLINE XƏBƏR LENTİ
Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Yeni epidemiyanı haradan gözləməli

ANA SƏHİFƏ / DÜNYA
01:34 13.04.2021

 

Dünyanın koronavirus pandemiyasını heç cür dəf edə bilmədiyi bir vaxtda alimlər yeni epidemiyanın hansı səbəbdən  başlaya biləcəyini öyrənməyə çalışırlar. Almaniyanın “Süddeutsche Zeitung” qəzeti Kaliforniya Universitetinin (Deyvis şəhəri, ABŞ) heyvanlardan insana keçə biləcək patogen viruslar haqqında araşdırmasını təsvir etmişdir.

Elm adamlarının hesablamalarına görə, məməlilərin və quşların orqanizmlərində 1,67 milyona yaxın virus var ki, onların da təxminən yarısı potensial olaraq insana keçib yeni epidemiyaya gətirib çıxara bilər.

Hələ ki, adamları təxminən 250 patogen virus yoluxdura bilmişdir. Onların arasında Ebola qızdırması virusu, meymun çiçəyi, hepatit E və MERS də var.

Deyvisdəki Kaliforniya Universitetinin alimləri virusologiya, epidemiologiya, ekologiya və tibb üzrə 65 eksperti sorğu-suala tutduqdan sonra virusun insana keçməsi riskini artıran 31 amil müəyyən etmişlər. Bunlara həm virusun özünün xüsusiyyətləri, həm də sahib-heyvanların xüsusiyyətləri daxildir. Virus insanla tez-tez təmasda olan heyvanların bədənində dövr edən zaman risk artır. Yaxud sahib-heyvanların təkcə müxtəlif növlərin deyil, həm də heyvanların müxtəlif dəstələrinin nümayəndələri olması, məsələn, törədici mikrobun həm gəmiricilərin bədənində, həm də primatlarda olması törədicinin güclü uyğunlaşma qabiliyyətinə dəlalət edir.

Ən nəhayət, ətraf mühit amilləri də öz rolunu oynayır: məsələn, bir çox adamlar sahib-heyvanların yaşadığı yerdə məskunlaşanda və ya heyvanların təbii yaşayış mühitinə müdaxilə edəndə.

İnsanın ağacları kəsdiyi, təbii sahələri tarlalara çevirdiyi, əl dəyməmiş rayonlarda yollar saldığı yerlərdə insanla vəhşi heyvanlar arasında yeni təmasların yaranması ehtimalı artır ki, bu da ciddi fəsadlara səbəb ola bilər.

Alimlər bu risk amillərini heyvanların orqanizmində rast gəlinən 900-ə yaxın virusa münasibətdə qiymətləndirib törədici mikrobların insana keçməsi riskinin reytinqini tərtib etmişlər. Birinci yeri Lassa qızdırmasının törədicisi tutub. O, insanlar arasında müntəzəm olaraq xəstəliyin yayılmasına səbəb olur; adamlar əsasən Afrika regionlarında tarlalarda və bağ sahələrində yaşayan siçanların nəcisləri vasitəsilə yoluxurlar.

İnsana keçid üçün digər namizədlər yeni lissaviruslar, məsələn, quduzluğun törədicisidir. Bombali virusu, bir neçə il əvvəl yarasaların orqanizmində aşkarlanmış ebolavirus da siyahının ilk pillələrindədir.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM