09 Iyun 2021 15:09
923
SİYASƏT
A- A+

YAP Mərkəzi Aparatında Çinin ölkəmizdəki səfiri ilə görüş keçirilib

 

İyunun 9-da Yeni Azərbaycan Partiyası Sədrinin müavini – Mərkəzi Aparatın rəhbəri Tahir Budaqov və YAP Sədrinin müavini Əli Əhmədov Çin Xalq Respublikasının ölkəmizdəki fövqəladə və səlahiyyətli səfiri xanım Qo Min ilə partiyanın Mərkəzi Aparatında görüşüblər.

YAP-ın mətbuat xidmətindən AZƏRTAC-a bildirilib ki, görüşdə Azərbaycan ilə Çin arasındakı münasibətlərin hazırkı vəziyyətinin məmnunluq doğurduğu vurğulanıb. Bildirilib ki, siyasi, iqtisadi, humanitar və digər sahələrdə əməkdaşlıq tərəflər üçün olduqca faydalı və əhəmiyyətlidir. Həmçinin ölkələrimizin COVID-19 pandemiyası ilə mübarizə çərçivəsində təmaslarının və əlaqələrinin önəmindən bəhs olunub. Qeyd edilib ki, Azərbaycan və Çin koronavirus pandemiyasına qarşı beynəlxalq mübarizə istiqamətində qlobal əməkdaşlığın və həmrəyliyin təmin olunmasına mühüm töhfə verirlər.

Görüşdə Azərbaycan və Çinin beynəlxalq müstəvidə bir-birinin milli maraqlarının qorunması üçün strateji əhəmiyyət daşıyan məsələlərdə qarşılıqlı dəstək nümayiş etdirmələrinin strateji əhəmiyyətə malik olduğu vurğulanıb. Prezident İlham Əliyevin Çin Xalq Respublikasının Sədri Si Cinpinlə telefon danışığı zamanı Çin Kommunist Partiyasının yaranmasının 100 illiyi münasibətilə səmimi təbriklərini çatdırdığı xatırlanaraq Azərbaycan-Çin münasibətlərinin inkişafında hər iki ölkə rəhbərliyinin siyasi iradəsinin müstəsna rolu xüsusi qeyd edilib. Vurğulanıb ki, Yeni Azərbaycan Partiyası ilə Çin Kommunist Partiyası arasındakı əməkdaşlığın dərinləşdirilməsi iki ölkə münasibətlərinin daha da möhkəmlənməsində xüsusi əhəmiyyətə malikdir. Çin Kommunist Partiyasının 100 illiyi münasibətilə iyul ayında dünya siyasi partiyalarının liderlərinin iştirakı ilə keçiriləcək videokonfransa Yeni Azərbaycan Partiyasının da dəvət olunduğu, YAP-ın sözügedən tədbirdə iştirakına böyük önəm verildiyi diqqətə çatdırılıb.

Eyni zamanda, Azərbaycan və Çinin milli-strateji mənafelərə əsaslanan qarşılıqlı faydalı münasibətlərin inkişafında maraqlı olduqları qeyd edilib və çoxşaxəli münasibətlərin bundan sonra da uğurla inkişaf edəcəyinə əminlik ifadə olunub.

Sonda qarşılıqlı maraq doğuran bir sıra məsələlərlə əlaqədar ətraflı fikir mübadiləsi aparılıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video