Xocalı qətliamına, Azərbaycanın torpaqlarının işğalına da münasibət bildirin...
Soyqırımının nə olduğunu bəşəriyyət İkinci Dünya müharibəsi zamanı gördü. Sonra məhkəmə quruldu, faşist Almaniyasının müharibə dövründə törətdiyi ağlasığmaz vəhşiliklər və soyqırımı hüquqi yolla, təkzibolunmaz sübut-faktla isbatlandı. Əks tərəf də bunu qəbul etmək məcburiyyətində qaldı. Beləcə, nasist Almaniyasının dövlət səviyyəsində məqsədyönlü soyqırımı törətməsi tarixə qara ləkə kimi yazıldı...
İndi bu Almaniya İkinci Dünya müharibəsi zamanı ona görə savaşa qoşulmuş və müttəfiqi olmuş Türkiyəni ermənilərə qarşı soyqırımı törətməkdə ittiham edir. Özü də faktsız, sübutsuz! Halbuki ötən əsrin əvvəllərində cəbhə bölgələrində yaşayan və düşmənə silahlı yardım göstərib ölkəsinə xəyanət edən ermənilərin həmin ərazilərdən başqa yerə deportasiya edilməsi təşəbbüsü ilə çıxış edən də, bu əmri imzalayan da alman komandan olmuşdu. Buna rəğmən Osmanlı dövləti deportasiya olunanların can və mal-mülk toxunulmazlığı haqqında ayrıca fərman vermişdi. Əgər o köçürülən ermənilər həqiqətən də soyqırımına məruz qalmış olsaydılar, o vaxt Osmanlı əyalətləri olan indiki Suriya, Livan, Fələstin və digər Yaxın Şərq ölkələrinin ərazisində hazırda Ermənistandan daha çox erməni yaşamazdı. Bu ermənilər məhz o “soyqırımına” məruz qalanların törəmələridir. Yəni əslində bu ermənilərin əcdadları təyin edilən yerlərə sağ-salamat çatdırılıblar. Özü də onların bir qısmı geri qayıtmaq haqqında verilən fərmana baxmayaraq, bu ölkələrdə qalmış, müəyyən qismi də dünyanın dörd bir yerinə səpələnmişdir. Himayədarları tərəfindən əzəli Azərbaycan torpaqları olan Qarabağa, eləcə də İrəvan xanlığı ərazisinə köçürülənlər də az olmayıb. Məqsəd də Qafqazda türk etnosunun hegemonluğuna qarşı imperialist siyasət çərçivəsində “tədbir” görmək idi. Ardıcıl və mərhələlərlə iki əsr aparılan bu siyasət sayəsində indiki Ermənistan ərazisində türk-müsəlman varlığına tamamilə son qoyulub. Bəs bu, əsl soyqırımı deyil?
Dünya, Avropa, Almaniya bunu görmür, yoxsa bilmir? Əlbəttə, görürlər də, bilirlər də. Özü də, həqiqətin əslində nədən ibarət olduğuna yaxşı bələddirlər. Amma susmaqları bir yana, haqsıza, ədalətsizə, işğalçıya arxa dururlar. Yaxın keçmişin tarixi indiki aktiv siyasətçilərin, aparıcı dövlətlərin gözləri önündə baş verib: azərbaycanlılar son nəfərinədək Ermənistandan qovulub. Respublikamızın 20 faizi ermənilər və havadarları tərəfindən işğal edilib. Bu ərazilərdən də azərbaycanlılar didərgin salınıb. Yüz minlərlə vətəndaşımız doğma elini, evini-ocağını tərk etmək məcburiyyətində qalıb. Mülki əhali arasında itkilərimizin sayı minlərlə, qaçqın və köçkünlərin statistikası yüz minlərlə hesablanır...
Bütün bunları Almaniya da bilir. Niyə Almaniya bir dəfə də olsun ermənilər tərəfindən törədilən bu misilsiz vandalizmi, soyqırımı və terror aktlarını, işğalçılıq və separatizm siyasətini pisləyən qətnamə qəbul etməyə cəhd göstərməyib? Axı bu hal - Azərbaycanın işğala məruz qalması BMT qətnamələri ilə təsbit olunub. Yəni faktdan savayı hüquqi əsas da var! Budur demokratiya, söz azadlığı, qanunun aliliyi, hüququn üstünlüyü, beynəlxalq norma və prinsiplərə sədaqət?
Hörmətli redaksiya!
Xahiş edirik bizim bu məktubumuzu qəzetdə dərc edəsiniz. Qoy Almaniya parlamenti qondarma və heç bir əsası olmayan erməni “soyqırımı” əvəzinə, bu ermənilər vasitəsilə dünyanın gözü önündə azərbaycanlılara qarşı törədilən soyqırımına - Xocalı qətliamına, Azərbaycanın 20 faiz torpaqlarının işğalına münasibət bildirsinlər, bunu tanıyan və qınayan sənəd qəbul etsinlər.
Şövkət MƏDƏTOVA,
Bəhmən QƏHRƏMANOV,
Şirin GÜLMƏMMƏDOVA,
İradə NƏBİYEVA
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Rusiyada terror aktından zərərçəkənlərə dəstək məqsədilə Müslüm Maqomayevin mahnılarından ibarət alb...
28 Mart
Əhalinin tibbi xidmətlərə əlçatanlılığı ilə bağlı sorğunun nəticələri müzakirə olunub ...
28 Mart
Türkiyənin vitse-prezidenti: Daxili istehlakın ifrat artımı ölkənin iqtisadi inkişafına zərbə vurur ...
28 Mart
Şröder: Putinlə şəxsi münasibətlərim Ukraynada sülh prosesinə fayda verə bilər
28 Mart
BŞİH-də müşavirə keçirilib, “Lifttəmir”in direktoruna şiddətli töhmət verilib
28 Mart
Avropa çempionatı: Azərbaycan minifutbol millisinin mümkün rəqibləri bəlli olub
28 Mart
Qazaxıstan Prezidenti: Orta Dəhliz üzrə daşımaların həcmi 10 milyon tona çata bilər
28 Mart
RF XİN: Ermənistan kollektiv Qərbin son dərəcə təhlükəli planlarının alətinə çevrilir
28 Mart
DTX-nin rəisi: Ali Baş Komandanın bizə olan inamını daim doğrultmağa çalışacağımızı qətiyyətlə bəyan...
28 Mart
Azərbaycanın basketbol yığmaları Türkiyə klublarına qalib gəliblər
28 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!