Xarici İşlər Nazirliyinin kollektivi Gəncəyə səfər edib
Noyabrın 26-da Azərbaycan Respublikasının Prezidenti İlham Əliyev tərəfindən elan olunmuş “Nizami Gəncəvi İli” çərçivəsində Xarici İşlər Nazirliyinin kollektivi və Xarici İşlər Nazirliyi nəzdində fəaliyyət göstərən Diplomatiya könüllüləri qrupu Gəncə şəhərinə səfər ediblər.
AZƏRTAC-ın bölgə müxbiri xəbər verir ki, səfər çərçivəsində, xarici işlər nazirinin müavini Elnur Məmmədovun rəhbərlik etdiyi nümayəndə heyəti Nizami Məqbərəsini ziyarət edib, Nizami Gəncəvi adına Gəncə Dövlət Tarix-Diyarşünaslıq Muzeyi ilə tanış olub, Gəncə Dövlət Dram Teatrı tərəfindən təqdim olunmuş ədəbi-bədii kompozisiyanı izləyib və Gəncə Dövlət Filarmoniyasının Urban Mərkəzində təşkil olunmuş “I Gəncə Kitab Sərgisi” ilə tanış olub.
Həmçinin nümayəndə heyətinin Heydər Əliyev Park-Kompleksinə və Heydər Əliyev Mərkəzinə ziyarəti təşkil edilib. Heydər Əliyev Mərkəzində dahi mütəfəkkir Nizami Gəncəviyə həsr edilmiş dəyirmi masa keçirilib.
Tədbirdə qonaqları salamlayan Gəncə Şəhər İcra Hakimiyyətinin başçısı Niyazi Bayramov dahi Azərbaycan şairinin anadan olmasının 880-ci ildönümünün qeyd edildiyi və dövlətimizin başçısı tərəfindən ölkəmizdə “Nizami İli” elan edilən cari ildə həyata keçirilən çoxsaylı tədbirlər barədə məlumat verib, Nizami Gəncəvinin irsinin bəşəriyyət üçün əhəmiyyətindən bəhs edib.
Xarici işlər nazirinin müavini Elnur Məmmədov dahi Azərbaycan şairi və mütəfəkkirinin anadan olmasının 880 illiyinin dövlət səviyyəsində qeyd olunması ilə bağlı dövlətimizin başçısının müvafiq Sərəncamının Azərbaycanın zəngin ədəbi və mədəni irsinin öyrənilməsinə və beynəlxalq səviyyədə təbliğinə böyük töhfə olduğunu və bu xüsusda, sözügedən Sərəncamın Prezident İlham Əliyevin milli-mədəni dəyərlərimizin qorunmasına göstərdiyi xüsusi diqqət və qayğının parlaq nümunəsi olduğunu bildirib.
Elnur Məmmədov, həmçinin Nizami Gəncəvinin 880 illik yubileyi ilə əlaqədar diplomatik nümayəndəliklərimiz tərəfindən həyata keçirilən çoxsaylı tədbirlər haqqında ətraflı məlumat verib.
Dəyirmi masa müzakirələrində, habelə millət vəkilləri Pərvin Kərimzadə, Müşfiq Cəfərov, Türkiyə Cümhuriyyəti Kırıkkale Universitetinin professoru Adnan Karaismailoğlu və Atatürk Universitetinin professoru Nimet Yıldırım çıxış edib, dahi mütəfəkkirin zəngin irsi barədə danışıblar.
Səfər çərçivəsində nümayəndə heyəti, eyni zamanda, 44 günlük Vətən müharibəsi zamanı Ermənistan silahlı qüvvələri tərəfindən raket hücumuna məruz qalmış ərazini ziyarət edib, Gəncə terrorunun qurbanlarını ehtiramla yad edib.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
A.İ.İsmayılovun 3-cü dərəcəli "Vətənə xidmətə görə" ordeni ilə təltif edilməsi haqqında...
25 Aprel
Azərbaycan Respublikasının Mülki Prosessual Məcəlləsində dəyişiklik edilməsi haqqında
25 Aprel
"Təhsil haqqında" Azərbaycan Respublikasının Qanununda dəyişiklik edilməsi barədə" Azərbaycan Respub...
25 Aprel
"Azərbaycan Yerüstü Nəqliyyat Agentliyinin fəaliyyətinin təmin edilməsi və Azərbaycan Respublikası P...
25 Aprel
"RESPUBLİKA DİAQNOSTİKA MƏRKƏZİ" ASC-nin səhmdarlarının nəzərinə
25 Aprel
"Azərbaycan Xəzər Dəniz Gəmiçiliyi" QSC-nin tabeliyində olan struktur idarələrə tələb olunan tikinti...
25 Aprel
Husilər tərəfindən iki ticarət gəmisi və bir Amerika esminesi hücuma məruz qalıb
25 Aprel
Bakıda Rusiya Kinosu Günlərinin təntənəli açılış mərasimi olub
24 Aprel
Türkiyə XİN 1915-ci il hadisələri ilə bağlı bəyanat yayıb
24 Aprel
COP29 Sədrliyi ölkə pavilyonlarının təşkili üzrə müraciətlərin qəbuluna başlayıb ...
24 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!